Hawaii Pidgin Bible

<div class="version vid76 iso6393hwc" data-vid="76" data-iso6393="hwc">
 <div class="book bkLUK">
 <div class="chapter ch19" data-usfm="LUK.19">
 <div class="label">19</div><div class="s1">Jesus An Zakkeus</div><div class="p"> 1Jesus go inside Jericho an go pass right thru da town an neva stop. 2Ova dea get one boss Zakkeus fo da guys dat colleck tax money fo da govmen. He one rich guy. 3Zakkeus like see wat Jesus look jalike, but he no can see um, cuz he short, an get plenny odda peopo dat like see Jesus too. 4So he run in front, climb one fig tree fo see um, cuz Jesus goin go by dat place. 5Wen Jesus go by dea, he look up an tell Zakkeus, &#8220;Go come down, Zakkeus. I gotta stay yoa house today.&#8221;</div><div class="p"> 6So Zakkeus come down real fas, an take Jesus inside his house. Zakkeus feel real good inside bout dat. 7All da peopo see wat happen, an start fo squawk. Dey tell, &#8220;Jesus wen go inside da house a dat guy dat get one bad rep!&#8221;</div><div class="p"> 8Zakkeus stan up an tell da Boss Jesus, &#8220;Look, you Da One In Charge! I goin give half a my stuffs to da peopo dat no mo notting, an whoeva I wen rip off, I goin pay um back four times mo den wat I wen get.&#8221;</div><div class="p"> 9Jesus tell um, &#8220;Da guy dat own dis house, he from Abraham ohana. Today God take him outa all da bad kine stuff he stay do. 10#Matt 18:11Cuz me, da Fo Real Kine Guy, I wen come hea fo look fo da guys dat stay cut off from God, fo take um outa da bad kine stuff dey stay do.&#8221;</div><div class="s1">Da Gold Coin Story</div><div class="r">(Matthew 25:14-30)</div><div class="p"> 11Da peopo hear wat Jesus tell. Den Jesus tell um anodda story, cuz he stay nea Jerusalem, an da peopo figga dat God goin come king real fas ova dea. 12Jesus tell, &#8220;Had one alii dat wen go one far place fo come king an den come back. 13Befo he go, he call ten worka guys fo come. He give all dem one gold coin. He tell, &#8216;Go use dis coin fo make money till I come back.&#8217; 14But da peopo hate da alii guy, an dey sen guys to da odda place fo tell, &#8216;We no like dis guy fo come oua king.&#8217;</div><div class="p"> 15&#8220;But da alii guy come king. Den he come back. He tell his worka guys fo come by him, da guys he wen give da money to. He like find out how much money dey wen make. 16Da firs guy come an he tell, &#8216;I wen get ten mo gold coins from da one you wen give me.&#8217; 17Da king tell him, &#8216;Dass good! You one good worka. Cuz you wen show I can trus you wit da small kine stuff, you goin take charge a ten towns.&#8217; 18Da nex guy come an he tell, &#8216;Boss, I wen get five mo gold coins from da one you wen give me.&#8217; 19Da king tell him, &#8216;You goin take charge a five towns.&#8217; 20Den anodda worka guy come an he tell, &#8216;Boss, hea yoa gold coin. I wen go hide um inside one cloth. 21I sked you, cuz you one hard guy. You take wat not yoas, an you harves da crop dat you neva plant.&#8217; 22Da boss tell, &#8216;Bummahs! I goin make jalike one judge. Wat you tell show you one bad worka! You know I one hard guy. I take wat not mines, an I harves da crop dat I neva plant. 23How come you neva put my money inside da bank, fo wen I come back I get my money an mo too?&#8217; 24Den he tell da guys dat stay stan dea, &#8216;Eh, take away da gold coin from dis guy an give um to da guy dat get ten coin.&#8217; 25Dey tell, &#8216;Az not fair, Boss! Dat guy get ten coin awready!&#8217; 26#Matt 13:12; Mark 4:25; Luke 8:18Da king tell, &#8216;I tell you, whoeva get stuff, dey goin get mo plenny, but whoeva no mo notting, dey goin lose even da litto bit dey get. 27#Matt 25:14-30Da guys dat stay agains me an no like me fo come dea king&#8212;bring um ova hea, an kill um in front me.&#8217; &#8221;</div><div class="s1">Jesus Go Inside Jerusalem Jalike One King</div><div class="r">(Matthew 21:1-11; Mark 11:1-11; John 12:12-19)</div><div class="p"> 28Jesus tell dat, an den he go Jerusalem in front da peopo. 29Wen he come nea Betpage an Betany, by da Olive Ridge, he sen two a his guys in front, an tell um, 30&#8220;Go by da small town ova dea, an wen you go inside um, you goin find one young donkey stay tie to da fence, dat nobody wen ride um yet. Hemo da rope from da fence an bring um ova hea. 31If somebody tell you guys, &#8216;Eh, how come you hemo um from da fence?&#8217; tell him, &#8216;Da Boss need um.&#8217; &#8221;</div><div class="p"> 32Da guys go, an find um jalike he tell. 33Wen dey hemo da rope from da fence fo da young donkey, da ownas tell, &#8220;How come you hemo um from da fence?&#8221;</div><div class="p"> 34Dey tell, &#8220;Da Boss Jesus need um.&#8221; 35Dey bring da young donkey by Jesus, an put dea coats on top da donkey, an put Jesus on top. 36Jesus ride down da road. Da peopo put down dea coats on top da road jalike fo one king.</div><div class="p"> 37Wen he come nea da place wea da road come down from da Olive Ridge, all da peopo start fo feel good inside an yell good stuff bout God, cuz a all da awesome stuff dey wen see dat show Jesus powa. 38#Songs 118:26Dey tell,</div><div class="q1">&#8220;God goin do plenny good kine stuff fo dis guy!</div><div class="q2">He da King dat come fo Da One In Charge!</div><div class="q1">Eryting stay good wit God an da peopo.</div><div class="q2">God in da sky, he awesome!&#8221;</div><div class="p"> 39Den some Pharisee guys from da peopo tell Jesus, &#8220;Teacha, scold yoa guys! Not good, how dey talk!&#8221;</div><div class="p"> 40Jesus tell, &#8220;I tell you, if dey shut up, even da stones goin yell same ting.&#8221;</div><div class="s1">Jesus Cry Bout Da Peopo Inside Jerusalem</div><div class="p"> 41Jesus come nea Jerusalem an look da town, an he cry. 42He tell, &#8220;You guys inside Jerusalem, if ony you guys wen know today wat can make you guys so notting bodda you&#8212;but now you guys no undastan. 43Da time goin come wen da guys dat stay agains you guys goin pile up dirt all aroun yoa town wall fo attack you guys. 44Dey goin wipe out you guys, you an yoa kids inside dea. Dey not goin let one stone stay on top da odda. Cuz you guys neva like know wen God goin show up.&#8221;</div><div class="s1">Jesus Go Inside Da Temple</div><div class="r">(Matthew 21:12-17; Mark 11:15-19; John 2:13-22)</div><div class="p"> 45Den Jesus reach Jerusalem. He go inside da open lanai fo da Temple, an start fo throw out da guys dat stay sell stuff inside dea. 46#Isa 56:7; Jer 7:11He tell, &#8220;Da Bible tell, &#8216;My Temple goin be one house fo pray inside.&#8217; But you guys stay make um jalike one hangout fo crooks!&#8221;</div><div class="p"> 47 # 
 Luke 21:37
 From den, ery day Jesus teach inside da open lanai fo da Temple. Da Main Pries guys, da teachas dat teach da Rules From God, an da leadas fo da peopo like kill um, 48but dey neva find out how fo do um, cuz all da peopo like hear eryting he tell.</div>
 </div>
 </div>
</div>

Jesus go inside Jericho an go pass right thru da town an neva stop. Ova dea get one boss Zakkeus fo da guys dat colleck tax money fo da govmen. He one rich guy. Zakkeus like see wat Jesus look jalike, but he no can see um, cuz he short, an get plenny odda peopo dat like see Jesus too. So he run in front, climb one fig tree fo see um, cuz Jesus goin go by dat place. Wen Jesus go by dea, he look up an tell Zakkeus, “Go come down, Zakkeus. I gotta stay yoa house today.”
So Zakkeus come down real fas, an take Jesus inside his house. Zakkeus feel real good inside bout dat. All da peopo see wat happen, an start fo squawk. Dey tell, “Jesus wen go inside da house a dat guy dat get one bad rep!”
Zakkeus stan up an tell da Boss Jesus, “Look, you Da One In Charge! I goin give half a my stuffs to da peopo dat no mo notting, an whoeva I wen rip off, I goin pay um back four times mo den wat I wen get.”
Jesus tell um, “Da guy dat own dis house, he from Abraham ohana. Today God take him outa all da bad kine stuff he stay do. Cuz me, da Fo Real Kine Guy, I wen come hea fo look fo da guys dat stay cut off from God, fo take um outa da bad kine stuff dey stay do.”


Da peopo hear wat Jesus tell. Den Jesus tell um anodda story, cuz he stay nea Jerusalem, an da peopo figga dat God goin come king real fas ova dea. Jesus tell, “Had one alii dat wen go one far place fo come king an den come back. Befo he go, he call ten worka guys fo come. He give all dem one gold coin. He tell, ‘Go use dis coin fo make money till I come back.’ But da peopo hate da alii guy, an dey sen guys to da odda place fo tell, ‘We no like dis guy fo come oua king.’
“But da alii guy come king. Den he come back. He tell his worka guys fo come by him, da guys he wen give da money to. He like find out how much money dey wen make. Da firs guy come an he tell, ‘I wen get ten mo gold coins from da one you wen give me.’ Da king tell him, ‘Dass good! You one good worka. Cuz you wen show I can trus you wit da small kine stuff, you goin take charge a ten towns.’ Da nex guy come an he tell, ‘Boss, I wen get five mo gold coins from da one you wen give me.’ Da king tell him, ‘You goin take charge a five towns.’ Den anodda worka guy come an he tell, ‘Boss, hea yoa gold coin. I wen go hide um inside one cloth. I sked you, cuz you one hard guy. You take wat not yoas, an you harves da crop dat you neva plant.’ Da boss tell, ‘Bummahs! I goin make jalike one judge. Wat you tell show you one bad worka! You know I one hard guy. I take wat not mines, an I harves da crop dat I neva plant. How come you neva put my money inside da bank, fo wen I come back I get my money an mo too?’ Den he tell da guys dat stay stan dea, ‘Eh, take away da gold coin from dis guy an give um to da guy dat get ten coin.’ Dey tell, ‘Az not fair, Boss! Dat guy get ten coin awready!’ Da king tell, ‘I tell you, whoeva get stuff, dey goin get mo plenny, but whoeva no mo notting, dey goin lose even da litto bit dey get. Da guys dat stay agains me an no like me fo come dea king—bring um ova hea, an kill um in front me.’ ”


Jesus tell dat, an den he go Jerusalem in front da peopo. Wen he come nea Betpage an Betany, by da Olive Ridge, he sen two a his guys in front, an tell um, “Go by da small town ova dea, an wen you go inside um, you goin find one young donkey stay tie to da fence, dat nobody wen ride um yet. Hemo da rope from da fence an bring um ova hea. If somebody tell you guys, ‘Eh, how come you hemo um from da fence?’ tell him, ‘Da Boss need um.’ ”
Da guys go, an find um jalike he tell. Wen dey hemo da rope from da fence fo da young donkey, da ownas tell, “How come you hemo um from da fence?”
Dey tell, “Da Boss Jesus need um.” Dey bring da young donkey by Jesus, an put dea coats on top da donkey, an put Jesus on top. Jesus ride down da road. Da peopo put down dea coats on top da road jalike fo one king.
Wen he come nea da place wea da road come down from da Olive Ridge, all da peopo start fo feel good inside an yell good stuff bout God, cuz a all da awesome stuff dey wen see dat show Jesus powa. Dey tell,
“God goin do plenny good kine stuff fo dis guy!
He da King dat come fo Da One In Charge!
Eryting stay good wit God an da peopo.
God in da sky, he awesome!”
Den some Pharisee guys from da peopo tell Jesus, “Teacha, scold yoa guys! Not good, how dey talk!”
Jesus tell, “I tell you, if dey shut up, even da stones goin yell same ting.”

Jesus come nea Jerusalem an look da town, an he cry. He tell, “You guys inside Jerusalem, if ony you guys wen know today wat can make you guys so notting bodda you—but now you guys no undastan. Da time goin come wen da guys dat stay agains you guys goin pile up dirt all aroun yoa town wall fo attack you guys. Dey goin wipe out you guys, you an yoa kids inside dea. Dey not goin let one stone stay on top da odda. Cuz you guys neva like know wen God goin show up.”


Den Jesus reach Jerusalem. He go inside da open lanai fo da Temple, an start fo throw out da guys dat stay sell stuff inside dea. He tell, “Da Bible tell, ‘My Temple goin be one house fo pray inside.’ But you guys stay make um jalike one hangout fo crooks!”
From den, ery day Jesus teach inside da open lanai fo da Temple. Da Main Pries guys, da teachas dat teach da Rules From God, an da leadas fo da peopo like kill um, but dey neva find out how fo do um, cuz all da peopo like hear eryting he tell.

Listen to Luke 19