If you would like a copy of this version please contact info@davaraudiobibles.org

The Matengo New Testament © The Word for the World. Matengo New Testament ℗ 2024, Davar Partners International.

Matengo New Testament

<div class="version vid3941 iso6393mgv" data-vid="3941" data-iso6393="mgv">
 <div class="book bkJHN">
 <div class="chapter ch11" data-usfm="JHN.11">
 <div class="label">11</div><div class="s">Kua kwaka Lazalu</div><div class="p"> 1Mundu jumu jobunkema Lazalu, mwenei juku Betania, jwabii nngonzu. Betania sabi kijiji sejutamika Malia nu nndombu waki Maluta. 2Malia ndi joampakia Bambu mahuta gaganungi mumagolu gaki nukunhungu na majunzu gaki. Kaka waka Malia joakemika Lazalu ndi jojwabia jutenda kulwala. 3Ndienu, Malia na Maluta baatuma malobi kwaka Yesu kupwaga, &#8220;Bambo, nkosi waku jutenda kulwala!&#8221;</div><div class="p"> 4Yesu pajwajogwa jwapwaga, &#8220;Ugonzu hogu nga gukukoma ila guhikiki ndaba guleta ulumbi kwaka Sapanga, julwala ili kupete ugonzu wee hogu Mwana waka Sapanga julumbalika.&#8221;</div><div class="p"> 5Yesu jwaapai ngamaa Maluta na Malia na kaka wabu Lazalu. 6Pajapata malobi gu ugonzu waka Lazalu, Yesu jwaendalia kutama koku kwa masoba gangi mabeli. 7Ndi jaapwagila banafunzi baki, &#8220;Tujendaniya kabee ku musi uku Yudea!&#8221;</div><div class="p"> 8Banafunzi bumpwagila, &#8220;Mbola, kipetiki kipindi pe kisokopi toka Ayaudi pabapala kugukoma kwa malibu, gupala kabee kujenda koko kabee?&#8221;</div><div class="p"> 9Yesu jwaajibwa, &#8220;Boo, masaa ga lyoba mutu nga komi na mabeli pee? Mundu hejujenda lyobamutu ngajuwesi kulikobando ndaba jugubona unang'anu upundema goni. 10Lakini mundu na jujenda ikilu jutenda kulikobando, ndaba ikilu ngasekukuba nunang'ano.&#8221; 11Yesu pajwajomula kupwaga malobi gala, jwaapwagila, &#8220;Nkosi witu Lazalu jutei kugonela, lakini nepani niijenda kunnzumu.&#8221;</div><div class="p"> 12Banafunzi baki bumpwagila, &#8220;Bambo, ana jutei kugone pee mbaka julame.&#8221;</div><div class="p"> 13Bombi bawasalya jupwagiki jugosi lugonu, lakini Yesu jwabi julongale Lazalu jutei kuwa. 14Ndi, Yesu jwaapwagila hotuhotu, &#8220;Lazalu jutei kuwa, 15lakini nepani ndenda kutogule, ndaba ngasenabi kola, ili nhwesa kuhobale. Henu tubokaniya kojubi Lazalu.&#8221;</div><div class="p"> 16Tomasi jobunkema Mapaa jwaapwagila banafunzi ajaki, &#8220;Tubokaniya na twee twakakuwa pamu najombi Yesu!&#8221;</div><div class="s">Yesu ndi jojuyoa nakapeke bandu womi</div><div class="p"> 17Yesu pajwahika kola jwaketania Lazalu bunsikiki na jutemi pilitenge masoba nsesi. 18Kijiji suku Betania sabi pambipi nuku Yelusalemu, ulasu waki wabi kilumita itatu. 19Ayaudi bingi babia ahikiki kwaka maluta na Malia kwaajegwesa mawasu ndaba ja kuwa kwaka kaka wabu.</div><div class="p"> 20Maluta pajwajogwana Yesu jutenda kuhika, jwajenda kunzopa kuindela, lakini Malia jwaigali ku nyumba. 21Maluta ampwagila Yesu, &#8220;Bambu, ana wakabia apambani, kaka wangu nee nga jwaka wile! 22Lakini nee manyiki hata sajenu sokapi sewanndoba Sapanga, jwitenda kugupeke.&#8221;</div><div class="p"> 23Yesu jwapwaga, &#8220;Kaka waku jwitenda kuyoka.&#8221;</div><div class="p"> 24Maluta japwaga, &#8220;Nee manyiki jiyoka lisoba le heli Sapanga jayoa bandu boa, mulisoba la mwisu.&#8221;</div><div class="p"> 25Yesu jwapwaga, &#8220;Nepani ndi jojuyoha bandu nakaapeke womi. Jojunhobale nepani hata najuwi, jwitama kabee, 26na jokapi jojutama nukunhobale, ngajikue. Boo, guhobale lee ganiaga?&#8221;</div><div class="p"> 27Maluta jwapwaga, &#8220;Hena Bambo, Nepani nhobale weahapa ndi wa Kilisitu, Mwana waka Sapanga, jojuhika pundema.&#8221;</div><div class="s">Yesu jutenda kulela</div><div class="p"> 28Maluta pajwajomula kupwaga gala, jwajenda kunkeme nndombu waki Malia pulutengu, nukumpwagi, &#8220;Mbola jubi apambane, jutenda kugukema.&#8221; 29Malia pajwajogwa hela, jwajumuka nyatanyata, nukunzende Yesu. 30Yesu jwabi jwakona ngase jujingi mukijiji, ila jwabia jwakona apalapala pajwaketangana na Maluta. 31Ayaudi bababi panyumba pala pamu na Malia bukuzewesa mawasu, pabumbona jujumuka nukupita kunza nyatanyata, batenda kunpwata. Baambusiya jujenda kulele kulitenge.</div><div class="p"> 32Malia pajwahika pandu pajwabi Yesu, na paambona pee anzinamiya nukumpwagi, &#8220;Bambu, ana wakabi apambani, nhwasa wangu nga jaka wile!&#8221;</div><div class="p"> 33Yesu paambona Malia jakalela, na Ayaudi bababi pamu najombi na bombi atenda kulela, gumbina moju nukuhangajika ngamaa. 34Ndienu jaapwagila, &#8220;Boo mummbei kwako?&#8221;</div><div class="p">Bumpwagila, &#8220;Bambu, guhika gulingaje.&#8221;</div><div class="p"> 35Yesu jatenda kulela. 36Ayaudi bapwaaga, &#8220;Lola oti Yesu moampali Lazalu!&#8221;</div><div class="p"> 37Bangi bapwaaga, &#8220;Ajo joanndamisa jwanga kulinga jola, boo jwasinda lee kupengale Lazalu jwikuha?&#8221;</div><div class="s">Yesu anhyoa Lazalu</div><div class="p"> 38Yesu koni gumbiniki mwoju kabee, jwahika kulitenge. Litenge lee labi lipoli, leayekali ni lilibu. 39Yesu jwapwaga, &#8220;Mmboa lilibu heli!&#8221;</div><div class="p">Maluta, nndombu waka jojuwi we hoju, ampwagila, &#8220;Bambu, jutumbuli kununga, jutemi mulitenge masoba nsesi!&#8221;</div><div class="p"> 40Yesu jwapwaaga, &#8220;Boo, ngasenugupwagii na guhobali wagubona ukolongu waka Sapanga?&#8221; 41Ndipala baboa lilibu lela. Yesu jwalingalia kunani kwaka Sapanga, nukupwaga, &#8220;Nunsengu mwa Atati ndaba Ntenda kunyogwanela. 42Nepani manyiki unyongwane masoba goka. Lakini ndenda hela ndaba ja bandu baabi paamba aba ili awesa kuhobale weapa ndi wogundumiki nepani.&#8221; 43Hejwajomula kupwaga hela, jwakema kwa sauti ngolongu, &#8220;Lazaloo! Piita kunza!&#8221; 44Jojuwi jola ndi jwapitaa kunza, koni bunkongiki sanda mukuboku na mukugolu, nukumiu jaki kuyekaliwi. Yesu jwaapwagila, &#8220;Mumbopula, munndeka jujenda.&#8221;</div><div class="s">Ayaudi ajetangane kunkoma Yesu</div><div class="r"> Matei 26:1-5; Maluko 14:1-2; Luka 22:1-2</div><div class="p"> 45Ayaudi bingi bababi ahikiki kwaka Malia pababona gajutei Yesu, batenda kunhobale. 46Bangi bajenda kwa Afalisayu kapwagi majambu gajutei Yesu. 47Henu agolu akolongu na Afalisayu batenda kuketangana pamu na bandu bapa Sengu ja Ayaudi, balaluana, &#8220;Tutendaa bolee? Mundu hajo jutenda nginyuli ingipi ngamaa. 48Anatundekiki pe bandu boti biitenda kunzetake, na Aka kilongosi buku Loma bihika kualabana Nyumba jaka Sapanga na kwa akoma bandu bitu.&#8221;</div><div class="p"> 49Ndipala, jumu wabu jobunkema Kayafa, jojabii Nngolu Nkolongu saka se hesi, jwaapwagila, &#8220;Mwanganya ngase mukimanyi sindo! 50Boo, ngase mbona mbanga kwinu mundu jumu jawelila bandu bingi, kuliku bandu boka kuwaa?&#8221; 51Jombi ngasejwapwaga hela ndaba jukupala kwaki ila ndaba jwabii Nngolu Nkolongu saka se hesi, jwalotila kupwaga Yesu jwitenda kuwa ndaba ja Ayaudi boka, 52kuwa kwaki nga ndaba Ayaudi pena, ila kabee ili juwesa kwaaleta pamu bandu baka Sapanga babaeni ndema yengi.</div><div class="p"> 53Henu toka lisoba heli aka kilongosi baka Ayaudi ataputa indela jukunkoma Yesu. 54Ndienu Yesu, ngase jwajenda kabee pangwendo ja Ayaudi, ila jwaboka pala, nukujenda pambipi nu lukoba pambipi na musi gobugukema Efulaimu. Jwatama kola pamu na banafunzi baki.</div><div class="p"> 55Lisoba lukutogule la Pasaka ja Ayaudi labia lihegali, na bandu bingi bapiti ku Yelusalemu kulisapisa haga ndi malagalaki gaguhenga mundu kundumbaliya Sapanga kabula ji lisoba heli kuhika. 56Ndienu, babiya buntaputa Yesu, nabombi pabaketangini pa Nyumba jaka Sapanga balaluana, &#8220;Boo mundu we hoju ngajuhiki ku tipati ja Pasaka?&#8221; 57Agolu akolongu na aka Afalisayu babia alagalaki mundu jokapi na jumanyiki pandu pajubi Yesu jwaapwagila ili bunkamula.</div>
 </div>
 </div>
</div>

Mundu jumu jobunkema Lazalu, mwenei juku Betania, jwabii nngonzu. Betania sabi kijiji sejutamika Malia nu nndombu waki Maluta. Malia ndi joampakia Bambu mahuta gaganungi mumagolu gaki nukunhungu na majunzu gaki. Kaka waka Malia joakemika Lazalu ndi jojwabia jutenda kulwala. Ndienu, Malia na Maluta baatuma malobi kwaka Yesu kupwaga, “Bambo, nkosi waku jutenda kulwala!”
Yesu pajwajogwa jwapwaga, “Ugonzu hogu nga gukukoma ila guhikiki ndaba guleta ulumbi kwaka Sapanga, julwala ili kupete ugonzu wee hogu Mwana waka Sapanga julumbalika.”
Yesu jwaapai ngamaa Maluta na Malia na kaka wabu Lazalu. Pajapata malobi gu ugonzu waka Lazalu, Yesu jwaendalia kutama koku kwa masoba gangi mabeli. Ndi jaapwagila banafunzi baki, “Tujendaniya kabee ku musi uku Yudea!”
Banafunzi bumpwagila, “Mbola, kipetiki kipindi pe kisokopi toka Ayaudi pabapala kugukoma kwa malibu, gupala kabee kujenda koko kabee?”
Yesu jwaajibwa, “Boo, masaa ga lyoba mutu nga komi na mabeli pee? Mundu hejujenda lyobamutu ngajuwesi kulikobando ndaba jugubona unang'anu upundema goni. Lakini mundu na jujenda ikilu jutenda kulikobando, ndaba ikilu ngasekukuba nunang'ano.” Yesu pajwajomula kupwaga malobi gala, jwaapwagila, “Nkosi witu Lazalu jutei kugonela, lakini nepani niijenda kunnzumu.”
Banafunzi baki bumpwagila, “Bambo, ana jutei kugone pee mbaka julame.”
Bombi bawasalya jupwagiki jugosi lugonu, lakini Yesu jwabi julongale Lazalu jutei kuwa. Ndi, Yesu jwaapwagila hotuhotu, “Lazalu jutei kuwa, lakini nepani ndenda kutogule, ndaba ngasenabi kola, ili nhwesa kuhobale. Henu tubokaniya kojubi Lazalu.”
Tomasi jobunkema Mapaa jwaapwagila banafunzi ajaki, “Tubokaniya na twee twakakuwa pamu najombi Yesu!”

Yesu pajwahika kola jwaketania Lazalu bunsikiki na jutemi pilitenge masoba nsesi. Kijiji suku Betania sabi pambipi nuku Yelusalemu, ulasu waki wabi kilumita itatu. Ayaudi bingi babia ahikiki kwaka maluta na Malia kwaajegwesa mawasu ndaba ja kuwa kwaka kaka wabu.
Maluta pajwajogwana Yesu jutenda kuhika, jwajenda kunzopa kuindela, lakini Malia jwaigali ku nyumba. Maluta ampwagila Yesu, “Bambu, ana wakabia apambani, kaka wangu nee nga jwaka wile! Lakini nee manyiki hata sajenu sokapi sewanndoba Sapanga, jwitenda kugupeke.”
Yesu jwapwaga, “Kaka waku jwitenda kuyoka.”
Maluta japwaga, “Nee manyiki jiyoka lisoba le heli Sapanga jayoa bandu boa, mulisoba la mwisu.”
Yesu jwapwaga, “Nepani ndi jojuyoha bandu nakaapeke womi. Jojunhobale nepani hata najuwi, jwitama kabee, na jokapi jojutama nukunhobale, ngajikue. Boo, guhobale lee ganiaga?”
Maluta jwapwaga, “Hena Bambo, Nepani nhobale weahapa ndi wa Kilisitu, Mwana waka Sapanga, jojuhika pundema.”

Maluta pajwajomula kupwaga gala, jwajenda kunkeme nndombu waki Malia pulutengu, nukumpwagi, “Mbola jubi apambane, jutenda kugukema.” Malia pajwajogwa hela, jwajumuka nyatanyata, nukunzende Yesu. Yesu jwabi jwakona ngase jujingi mukijiji, ila jwabia jwakona apalapala pajwaketangana na Maluta. Ayaudi bababi panyumba pala pamu na Malia bukuzewesa mawasu, pabumbona jujumuka nukupita kunza nyatanyata, batenda kunpwata. Baambusiya jujenda kulele kulitenge.
Malia pajwahika pandu pajwabi Yesu, na paambona pee anzinamiya nukumpwagi, “Bambu, ana wakabi apambani, nhwasa wangu nga jaka wile!”
Yesu paambona Malia jakalela, na Ayaudi bababi pamu najombi na bombi atenda kulela, gumbina moju nukuhangajika ngamaa. Ndienu jaapwagila, “Boo mummbei kwako?”
Bumpwagila, “Bambu, guhika gulingaje.”
Yesu jatenda kulela. Ayaudi bapwaaga, “Lola oti Yesu moampali Lazalu!”
Bangi bapwaaga, “Ajo joanndamisa jwanga kulinga jola, boo jwasinda lee kupengale Lazalu jwikuha?”

Yesu koni gumbiniki mwoju kabee, jwahika kulitenge. Litenge lee labi lipoli, leayekali ni lilibu. Yesu jwapwaga, “Mmboa lilibu heli!”
Maluta, nndombu waka jojuwi we hoju, ampwagila, “Bambu, jutumbuli kununga, jutemi mulitenge masoba nsesi!”
Yesu jwapwaaga, “Boo, ngasenugupwagii na guhobali wagubona ukolongu waka Sapanga?” Ndipala baboa lilibu lela. Yesu jwalingalia kunani kwaka Sapanga, nukupwaga, “Nunsengu mwa Atati ndaba Ntenda kunyogwanela. Nepani manyiki unyongwane masoba goka. Lakini ndenda hela ndaba ja bandu baabi paamba aba ili awesa kuhobale weapa ndi wogundumiki nepani.” Hejwajomula kupwaga hela, jwakema kwa sauti ngolongu, “Lazaloo! Piita kunza!” Jojuwi jola ndi jwapitaa kunza, koni bunkongiki sanda mukuboku na mukugolu, nukumiu jaki kuyekaliwi. Yesu jwaapwagila, “Mumbopula, munndeka jujenda.”


Ayaudi bingi bababi ahikiki kwaka Malia pababona gajutei Yesu, batenda kunhobale. Bangi bajenda kwa Afalisayu kapwagi majambu gajutei Yesu. Henu agolu akolongu na Afalisayu batenda kuketangana pamu na bandu bapa Sengu ja Ayaudi, balaluana, “Tutendaa bolee? Mundu hajo jutenda nginyuli ingipi ngamaa. Anatundekiki pe bandu boti biitenda kunzetake, na Aka kilongosi buku Loma bihika kualabana Nyumba jaka Sapanga na kwa akoma bandu bitu.”
Ndipala, jumu wabu jobunkema Kayafa, jojabii Nngolu Nkolongu saka se hesi, jwaapwagila, “Mwanganya ngase mukimanyi sindo! Boo, ngase mbona mbanga kwinu mundu jumu jawelila bandu bingi, kuliku bandu boka kuwaa?” Jombi ngasejwapwaga hela ndaba jukupala kwaki ila ndaba jwabii Nngolu Nkolongu saka se hesi, jwalotila kupwaga Yesu jwitenda kuwa ndaba ja Ayaudi boka, kuwa kwaki nga ndaba Ayaudi pena, ila kabee ili juwesa kwaaleta pamu bandu baka Sapanga babaeni ndema yengi.
Henu toka lisoba heli aka kilongosi baka Ayaudi ataputa indela jukunkoma Yesu. Ndienu Yesu, ngase jwajenda kabee pangwendo ja Ayaudi, ila jwaboka pala, nukujenda pambipi nu lukoba pambipi na musi gobugukema Efulaimu. Jwatama kola pamu na banafunzi baki.
Lisoba lukutogule la Pasaka ja Ayaudi labia lihegali, na bandu bingi bapiti ku Yelusalemu kulisapisa haga ndi malagalaki gaguhenga mundu kundumbaliya Sapanga kabula ji lisoba heli kuhika. Ndienu, babiya buntaputa Yesu, nabombi pabaketangini pa Nyumba jaka Sapanga balaluana, “Boo mundu we hoju ngajuhiki ku tipati ja Pasaka?” Agolu akolongu na aka Afalisayu babia alagalaki mundu jokapi na jumanyiki pandu pajubi Yesu jwaapwagila ili bunkamula.

Listen to Yohana 11