Tawbuid, Eastern by OMF International, Philippines Non-Drama (NT)

Tawbuid, Eastern by OMF International, Philippines Drama (NT)

<div class="version vid3617 iso6393bnj" data-vid="3617" data-iso6393="bnj">
 <div class="book bkLUK">
 <div class="chapter ch18" data-usfm="LUK.18">
 <div class="label">18</div><div class="s">Isus At Fafaskudanan sa sik Burangday fag Mangena baliwa nu Gsungatan</div><div class="p"> 1Ay Isus nafafaskudanan yangay sat ngay tagadal, laman gsaful tuwa gdarangin faggugat ay laman di gatakan sat amatanganan. 2Isus glong te, &#8220;Ebi sa sik fulan e sik tagbuknga. Ay kanya wa gseg sas Diyus ay we nafanyuwan taw. 3Ay sanya fag fulan e sik burangday fag mangena yangay. Ay kanya glinggat gugat ka fag tagbuknga ay glong te, &#8216;Tarabangi angku sa ku fabarangyan!&#8217; 4Ebi ataw ka fag tagbuknga kalimata way gtarabang ka fag burangday. Ay bandi kanya gamatangan te, &#8216;Dewa aw yud gseg sas Diyus, ay dewa aw yud e nafanyuwan taw, 5tumarabang akyay ka fag burangday laman ban di kamasalag angku, anway glayun wan nu glo ste sa angku.&#8217; &#8221; 6Ay tam Fun Isus nalong te, &#8220;Amatangani ka fag tagbuknga at yud matuyan at longan. 7Ay go tam Diyus tumarabang tuwa at filian fag ngay taw gina gdarangin sa anya fagngabak menit ay fagngabak yabi? Ay go kin? Ay go tam Diyus gfalugoan way nu gtarabang? Ay go igdi? 8Igfoyung aw sa ayu te, Diyus mafali tuwa nu gtarabang. Ay aw, Taw at Baguwama, nu gdog kyay ste swa daga, go e nalag akyay ban manga tagafanud sa angku?&#8221;</div><div class="s">Isus At Fafaskudanan sas Duwak Taw Tagdarangin baliwa</div><div class="p"> 9Ay Isus nafafaskudanan sa sangay taw takalimata at iba, ay tagamatangan te, &#8220;Ami way at masine fag taw.&#8221; 10Katatuy at fafaskudanan: &#8220;Ebi sik duwak mangama nasakbo sas Diyus bale laman nandarangin. At sadi sik taw Parisiyu. Ay at sadi sik taget buwis. 11Ay ka fag taw Parisiyu nlindug, ay igdarangin sat amatanganan te, &#8216;Ku Diyus, guseganan aw sa emu teway dakdi kata tibak taw takamul, ay tagfanluk, ay takamayun, ay anggan dakdi kata ka fag taget buwis. 12Ay aw, kayu buknga linggu duwak menit nu gfe lungud aw gyud gfangon laman gdarangin. Ay gfon aktuwa ku fasafuluwan fagayu ku nafabul.&#8217; 13Ay at taget buwis nu malindug ngayayu way tibak taw, ay wa gtangda anway kapla way. Ay kanya guyway dawdaw ay glong te, &#8216;Ku Diyus, afanyui angku, anway aw, sik tagasalanan aw.&#8217; 14Ay Isus nafamut yay at longan te, &#8216;Igfoyung aw sa ayu te, ka fag taget buwis noli wa sat bale. Ay Diyus natap anya kata sik taw at yud e asalanan. Ay wa natap ka fag taw Parisiyu te, kata sik taw at yud asalanan, anway nus nga sinu fag taw nu gfandaragang way at longan ay anggan at fagbulun, bandi ban e fababa way anya. Ay roro sik taw nu gfababaun tuwa at longan ay anggan at fagbulun, bandi e faabat ban anya.&#8217; &#8221;</div><div class="s">E Nataban sik ngay Sisiyan sas Isus</div><div class="r">(Mat. 19:13-15; Mar. 10:13-16)</div><div class="p"> 15Ay tibak taw nataban sik ngay sisiyan sirut sas Isus, laman Isus gted ay gdarangin anya fagayu. Ay Isus at ngay tagadal nu nalag katanya, nasalag ngay tagtaban ka fag ngay sisiyan. 16Ay Isus nagewan ka fag ngay sisiyan sa anya ay nalong sat ngay tagadal te, &#8220;Fabayani wan ka fag ngay sisiyan nu kakbang sa angku. Lag gsalag, anway takatanya fag ngay sisiyan katap sas Diyus at fagmagurangan taw. 17Matuyan iglong aw ayu te, nus nga sinu fag taw at yud kaumsig katap sas Diyus at fagmagurangan taw kata sik sisiyan nu kaumsig, ka fag taw wa ban umful sanya.&#8221;</div><div class="s">Sik Mabalan fag Fun Nangakbang sas Isus</div><div class="r">(Mat. 19:16-30; Mar. 10:17-31)</div><div class="p"> 18Sik tagmagurang sa sangay taw Udyu ginto Isus te, &#8220;Matuyan fag Takamoyung, tain manga ban ku fagbulun at masine, laman e leleg aktuwa ban at yud katabu?&#8221; 19Ay Isus nabalus anya te, &#8220;Taw ro am fagnalongun angku te, &#8216;matuyan&#8217;? We taw matuyan. Diyus way fagsadi at matuyan! 20Nasaful wo Muisis at Suguwan te, &#8216;Lag kamayun, lag gfate taw, lag kamul, lag kamuwagan nu gfoyung o sa am iba tibak taw at fagbulun. Ay esugi am mama ay am mina.&#8217; &#8221; 21Ay ka fag tagmagurang nalong te, &#8220;Takamoyung, gfaning kwan fagayu kanya siginan ngay aw sisiyan.&#8221; 22Ay Isus nu nadungug katanya, nalong sanya fag tagmagurang te, &#8220;E yud yay o nafaning sadi. Fabilii wan am nanuranan fagayu, ay faafudani am nafabul sa sangay taw at yud e kwa, laman umke fagmabalanun ban o sas banwa. Ay nu ntabu katanya, afolii ste, ay aloi wa angku.&#8221; 23Ay ka fag tagmagurang nu nadungug Isus at longan, inbalu dawdaw anway mabalan dawdaw.</div><div class="p"> 24Ay Isus gina nalinggat anya nalong te, &#8220;Mataka way sik mabalan fag taw nu kaful sas Diyus at fagmagurangan taw. 25Nu mataka sik kamelyu nu gsulun sa sik fansulbung at sulung, amataka yap sik mabalan fag taw nu kaful sas Diyus at fagmagurangan taw.&#8221; 26Ay sanya fag ngay taw at nadungug Isus at longan ginto te, &#8220;Nu katvngvd wa anya am longan, sinu ban at kumlangfe?&#8221; 27Ay Isus nabalus te, &#8220;Sik taw dewa yud mafafagbulun, roro Diyus mafafagbulun tuwa.&#8221;</div><div class="p"> 28Ay Pedru nalong sas Isus te, &#8220;Ami, naubun wami em ngay bale ay naalo wami emu.&#8221; 29Ay Isus nalong sanya fag ngay taw te, &#8220;Matuyan iglong aw ayu te, nus nga sinu fag taw at naubun at bale, ay at mangena, ay at ngay fadugsay, ay at magurang, ay anggan at ngay sisiyan, laman sas Diyus at fagmagurangan taw, 30kanya ngayu tuwa ban at nabul ayu yap at naubun. Ay bandi e leleg tuwa ban at yud katabu.&#8221;</div><div class="s">Isus At Fatulu Ginan nu Gfoyung nu Mkate ban</div><div class="r">(Mat. 20:17-19; Mar. 10:32-34)</div><div class="p"> 31Ay Isus nataban at Nasugu fag Labi Duwa sat dayu ay nalong te, &#8220;Katsi sa watams Erusalem. Ay sanya ban nu mgurungan fagayu Diyus at ngay taglong at rirukan sa angku, Taw at Baguwama, baliwa. 32Ay sanya e tumaban ban angku sat yud Udyu fag ngay taw. Ay kanya wa ban fag ngay taw at malingun angku, ay at faplan angku, ay at tumufe angku, 33ay at malang angku, ay at fate angku. Ay dewa katanya, sis fatuluk menit gdog kyay ban gleleg.&#8221; 34Ay at ngay Nasugu wa nasaful Isus at longan at masuwad, nus di sirut, anway wa nyamag at masuwad. Ay fakatanyaun mafalyu way at longan.</div><div class="s">Isus Nafafiya sik Ama at yud Glag</div><div class="r">(Mat. 20:29-34; Mar. 10:46-52)</div><div class="p"> 35Ay Isus ay at ngay ufud nu makbang wa fulan Eriku, sanya e sik ama at yud glag malunggung sis day dalan, ay gfanget. 36Ay at yud glag nadungug sik ngay taw nu gdalan sanya, kanya ginto sa tiba te, &#8220;Taw manga sanya?&#8221; 37Ay tiba gfoyung anya te, &#8220;Isus, sik taw Nasaret gdalan.&#8221; 38Ay at yud glag nauro te, &#8220;Isus, fun Dabid at kadagdagan, afanyui yap angku!&#8221; 39Ay tagsis fagunaan fag ngay taw gsalag anya. Ay roro glabi yap aro ataw nu guro te, &#8220;Fun Dabid at kadagdagan, afanyui yap angku!&#8221; 40Ay rodi, Isus intuwas yay nu glo ay nalong sa tiba te, &#8220;Fakbangi sa angku at yud glag.&#8221; Ay at yud glag nu nkakbang wan, Isus nainto sa anya te, 41&#8220;Tain ro am fakaumsigun ku fagbulun sa emu?&#8221; Ay at yud glag nabalus te, &#8220;Ku Fun, kaumsig aw nangus glag!&#8221; 42Ay Isus nalong anya te, &#8220;Alinggati wan. Am fagafanudun wan nafafiya emu.&#8221; 43Ay rodi, kanya glag wa fiya, ay galo wa Isus, ay gseg sas Diyus. Ay fagayu at taw sanya nu nalag katanya, gseg yangay sas Diyus.</div>
 </div>
 </div>
</div>

Ay Isus nafafaskudanan yangay sat ngay tagadal, laman gsaful tuwa gdarangin faggugat ay laman di gatakan sat amatanganan. Isus glong te, “Ebi sa sik fulan e sik tagbuknga. Ay kanya wa gseg sas Diyus ay we nafanyuwan taw. Ay sanya fag fulan e sik burangday fag mangena yangay. Ay kanya glinggat gugat ka fag tagbuknga ay glong te, ‘Tarabangi angku sa ku fabarangyan!’ Ebi ataw ka fag tagbuknga kalimata way gtarabang ka fag burangday. Ay bandi kanya gamatangan te, ‘Dewa aw yud gseg sas Diyus, ay dewa aw yud e nafanyuwan taw, tumarabang akyay ka fag burangday laman ban di kamasalag angku, anway glayun wan nu glo ste sa angku.’ ” Ay tam Fun Isus nalong te, “Amatangani ka fag tagbuknga at yud matuyan at longan. Ay go tam Diyus tumarabang tuwa at filian fag ngay taw gina gdarangin sa anya fagngabak menit ay fagngabak yabi? Ay go kin? Ay go tam Diyus gfalugoan way nu gtarabang? Ay go igdi? Igfoyung aw sa ayu te, Diyus mafali tuwa nu gtarabang. Ay aw, Taw at Baguwama, nu gdog kyay ste swa daga, go e nalag akyay ban manga tagafanud sa angku?”

Ay Isus nafafaskudanan sa sangay taw takalimata at iba, ay tagamatangan te, “Ami way at masine fag taw.” Katatuy at fafaskudanan: “Ebi sik duwak mangama nasakbo sas Diyus bale laman nandarangin. At sadi sik taw Parisiyu. Ay at sadi sik taget buwis. Ay ka fag taw Parisiyu nlindug, ay igdarangin sat amatanganan te, ‘Ku Diyus, guseganan aw sa emu teway dakdi kata tibak taw takamul, ay tagfanluk, ay takamayun, ay anggan dakdi kata ka fag taget buwis. Ay aw, kayu buknga linggu duwak menit nu gfe lungud aw gyud gfangon laman gdarangin. Ay gfon aktuwa ku fasafuluwan fagayu ku nafabul.’ Ay at taget buwis nu malindug ngayayu way tibak taw, ay wa gtangda anway kapla way. Ay kanya guyway dawdaw ay glong te, ‘Ku Diyus, afanyui angku, anway aw, sik tagasalanan aw.’ Ay Isus nafamut yay at longan te, ‘Igfoyung aw sa ayu te, ka fag taget buwis noli wa sat bale. Ay Diyus natap anya kata sik taw at yud e asalanan. Ay wa natap ka fag taw Parisiyu te, kata sik taw at yud asalanan, anway nus nga sinu fag taw nu gfandaragang way at longan ay anggan at fagbulun, bandi ban e fababa way anya. Ay roro sik taw nu gfababaun tuwa at longan ay anggan at fagbulun, bandi e faabat ban anya.’ ”


Ay tibak taw nataban sik ngay sisiyan sirut sas Isus, laman Isus gted ay gdarangin anya fagayu. Ay Isus at ngay tagadal nu nalag katanya, nasalag ngay tagtaban ka fag ngay sisiyan. Ay Isus nagewan ka fag ngay sisiyan sa anya ay nalong sat ngay tagadal te, “Fabayani wan ka fag ngay sisiyan nu kakbang sa angku. Lag gsalag, anway takatanya fag ngay sisiyan katap sas Diyus at fagmagurangan taw. Matuyan iglong aw ayu te, nus nga sinu fag taw at yud kaumsig katap sas Diyus at fagmagurangan taw kata sik sisiyan nu kaumsig, ka fag taw wa ban umful sanya.”


Sik tagmagurang sa sangay taw Udyu ginto Isus te, “Matuyan fag Takamoyung, tain manga ban ku fagbulun at masine, laman e leleg aktuwa ban at yud katabu?” Ay Isus nabalus anya te, “Taw ro am fagnalongun angku te, ‘matuyan’? We taw matuyan. Diyus way fagsadi at matuyan! Nasaful wo Muisis at Suguwan te, ‘Lag kamayun, lag gfate taw, lag kamul, lag kamuwagan nu gfoyung o sa am iba tibak taw at fagbulun. Ay esugi am mama ay am mina.’ ” Ay ka fag tagmagurang nalong te, “Takamoyung, gfaning kwan fagayu kanya siginan ngay aw sisiyan.” Ay Isus nu nadungug katanya, nalong sanya fag tagmagurang te, “E yud yay o nafaning sadi. Fabilii wan am nanuranan fagayu, ay faafudani am nafabul sa sangay taw at yud e kwa, laman umke fagmabalanun ban o sas banwa. Ay nu ntabu katanya, afolii ste, ay aloi wa angku.” Ay ka fag tagmagurang nu nadungug Isus at longan, inbalu dawdaw anway mabalan dawdaw.
Ay Isus gina nalinggat anya nalong te, “Mataka way sik mabalan fag taw nu kaful sas Diyus at fagmagurangan taw. Nu mataka sik kamelyu nu gsulun sa sik fansulbung at sulung, amataka yap sik mabalan fag taw nu kaful sas Diyus at fagmagurangan taw.” Ay sanya fag ngay taw at nadungug Isus at longan ginto te, “Nu katvngvd wa anya am longan, sinu ban at kumlangfe?” Ay Isus nabalus te, “Sik taw dewa yud mafafagbulun, roro Diyus mafafagbulun tuwa.”
Ay Pedru nalong sas Isus te, “Ami, naubun wami em ngay bale ay naalo wami emu.” Ay Isus nalong sanya fag ngay taw te, “Matuyan iglong aw ayu te, nus nga sinu fag taw at naubun at bale, ay at mangena, ay at ngay fadugsay, ay at magurang, ay anggan at ngay sisiyan, laman sas Diyus at fagmagurangan taw, kanya ngayu tuwa ban at nabul ayu yap at naubun. Ay bandi e leleg tuwa ban at yud katabu.”


Ay Isus nataban at Nasugu fag Labi Duwa sat dayu ay nalong te, “Katsi sa watams Erusalem. Ay sanya ban nu mgurungan fagayu Diyus at ngay taglong at rirukan sa angku, Taw at Baguwama, baliwa. Ay sanya e tumaban ban angku sat yud Udyu fag ngay taw. Ay kanya wa ban fag ngay taw at malingun angku, ay at faplan angku, ay at tumufe angku, ay at malang angku, ay at fate angku. Ay dewa katanya, sis fatuluk menit gdog kyay ban gleleg.” Ay at ngay Nasugu wa nasaful Isus at longan at masuwad, nus di sirut, anway wa nyamag at masuwad. Ay fakatanyaun mafalyu way at longan.


Ay Isus ay at ngay ufud nu makbang wa fulan Eriku, sanya e sik ama at yud glag malunggung sis day dalan, ay gfanget. Ay at yud glag nadungug sik ngay taw nu gdalan sanya, kanya ginto sa tiba te, “Taw manga sanya?” Ay tiba gfoyung anya te, “Isus, sik taw Nasaret gdalan.” Ay at yud glag nauro te, “Isus, fun Dabid at kadagdagan, afanyui yap angku!” Ay tagsis fagunaan fag ngay taw gsalag anya. Ay roro glabi yap aro ataw nu guro te, “Fun Dabid at kadagdagan, afanyui yap angku!” Ay rodi, Isus intuwas yay nu glo ay nalong sa tiba te, “Fakbangi sa angku at yud glag.” Ay at yud glag nu nkakbang wan, Isus nainto sa anya te, “Tain ro am fakaumsigun ku fagbulun sa emu?” Ay at yud glag nabalus te, “Ku Fun, kaumsig aw nangus glag!” Ay Isus nalong anya te, “Alinggati wan. Am fagafanudun wan nafafiya emu.” Ay rodi, kanya glag wa fiya, ay galo wa Isus, ay gseg sas Diyus. Ay fagayu at taw sanya nu nalag katanya, gseg yangay sas Diyus.

Listen to Lukas 18