Arabic, Egyptian Spoken: Egyptian Arabic Translation (Portions)

Egyptian Arabic Translation

أما سارة زوجة النبي إبراهيم فكانت مش بتخلف، وكان عندها جارية مصرية اسمها هاجَر. وبعد ما عدت على إقامة النبي إبراهيم في أرض كنعان ١٠ سنين، قالت سارة للنبي إبراهيم: «إرادة ربنا أني اتحرم من الخلفه وأكون عقيم، فادخل على هاجر، ولو خلفت ولد اخذه أنا لنفسي». فزَيّ ما قالت سارة عمل النبي إبراهيم.

وحصل أن النبي إبراهيم اجتمع بهاجر فحملت، ولما عرفت أنها حامل بدأت تتكبر على سارة وتحتقرها. فقالت سارة للنبي إبراهيم: أنا مظلومة بسببك، فأنا اللي خليتك تتجوزها، ولما عرفت أنها حامل هُنت أنا في عنيها، والله يحكم بيني وبينك. فرد النبي إبراهيم عليها وقال: هي ملك ايدك وأنتي حرة فيها. فبدأت سارة تعامل هاجر بقسوة لحد ما هاجر هربت منها.

وظهر لهاجر ملاك الله بالقرب من عين المياه اللي على الطريق لمصر عبر صحراء سيناء. فسألها الملاك: «يا هاجر، إنتي جاية منين ورايحة على فين؟» فردت هاجر: أنا هربانة من مولاتي سارة وقسوتها. فقال لها ملاك الله: «ارجعي يا هاجر لمولاتك واسمعي كلامها، وأنا اُكثر نسلك فلا يحصاه البصر. إنتي دلوقتي حامل، وهتولدي ولد وتسميه إِسماعيل لأن الله هو السميع وسامع صرخة تعبك. وابنك هيكون رجل زي وحوش البرية أيده مرفوعة على الجميع ، الكل يعاديه وهو يتحدى الجميع». فدعت هاجر الله بأسم أنت إلهي اللي شايف حالي، لأن هاجر شافت وحي الله ظهر وكلمها وفضلت عايشه، فقالت: «بالحق أنا شفت اللي شايف حالي!». علشان كده البير ده في سيناء أسمه «بير الحي البصير».

وبعدها ولدت هاجر للنبي إبراهيم ولد، فسماه إسماعيل. وكان عمر النبي إبراهيم ٨٦ سنة لما ربنا رزقه بابنه إسماعيل.

Listen to قصة الأنبياء 16