Rendille, Kenya 2018 WBT Non-Drama (NT)

Rendille, Kenya 2018 WBT Drama (NT)

<div class="version vid2277 iso6393rel" data-vid="2277" data-iso6393="rel">
 <div class="book bkJHN">
 <div class="chapter ch5" data-usfm="JHN.5">
 <div class="label">5</div><div class="s1">Yeesso etoo luhlo laa samaacha</div><div class="p"> 1Saahka, daawtoo Ya&#42892;huude jirta, Yeesso ilkerengeetti weene Yeerusaleem ikore. 2Ilkerengeetti Yeerusaleem ka, meessi, &#8220;Aritti iiyyaat,&#8221; layadeeh hagga ka, ge&#42892;dintoo gaayim chan khabto a jirta. Afi Ibiraaniya ka magahiche, &#8220;Bessaa&#42892;da,&#8221; #5:2 Bessaa&#42892;da. Chiirnaanne gaasoo inta ka mehe tadeeh ya, &#8220;Bessaayda.&#8221; iche layadeeh. 3&#42892;Doo&#42892;di buurenye khakkhannane, gaasoo indo laaye ichoow ki luhlo laa ichoow ki ma&#42892;dayyee iche ge&#42892;dintaas hagga jijjiifa. #5:3 Chiirnaannetoo weyti ikhummaneynan mehe kakhayte ya, &#8220;Bicchehi loonkorooriyo sugaanee. 4 I&#42892;di tahe herti Kamur ibeennetoo bicche onkorooriita. Eti khannane kolooraat ge&#42892;dim inkoo loonkorooriye kadihe, sugeerbaaw us khabo ka a lasamaacha.&#8221; 5Makhaabaloo geeddi gu&#42892;h tomon seyyah ichoow siyyeet ba khannaneet la intaas a kajire. 6Chirri Yeesso usuhi intaas jiifo arge, saggi us gu&#42892;hassi ittaawe ikhannaneet garte ka wihi us worsate, &#8220;Atihi samaatti a &#42892;doonta?&#8221;</div><div class="p"> 7Eti khannan wihi us ilaabe, &#8220;Eti ween, et chirri bicche loonkorooriye, ge&#42892;dim goya ikalug&#42892;do mele. Chirra an ge&#42892;dim kadih adeeh, etoo addan orteey a kadihe.&#8221;</div><div class="p"> 8Yeesso la wihi us iyidah, &#8220;Tolosso, ilaalaah okhso, soho.&#8221; 9Chirraas on et samaate, ilaaliis okhsate, sohte.</div><div class="p">Ibeenka Yeesso waha yeele la a Seeri Lanaso. 10&#42892;Deerka &#42892;doo&#42892;di wewweene Ya&#42892;huud wihi us etaas lasamaache iyidah, &#8220;Maanta a Seeri Lanaso, amurre ilaalaahki at si&#42892;ddo a &#42892;dii&#42892;ddantahe.&#8221;</div><div class="p"> 11I&#42892;daasenyi wihi us ilaabe, &#8220;Eti isamaache mehe iyidah ya, &#8216;Ilaalaah okhso, soho.&#8217; &#8221;</div><div class="p"> 12&#42892;Deerka wihi iche worsatte, &#8220;Eta, &#8216;Ilaalaah okhso, soho,&#8217; kiidah, a ayyo?&#8221;</div><div class="p"> 13Eti lasamaache la, eti us yahe ma garti. A mehe ururi buurenye intaas kajire, Yeesso la urur goya tabe.</div><div class="p"> 14Yeesso saahka etaas minki Waakhe buure ka &#42892;hele, wihi us iyidah, &#8220;At kola a samaatte. Uus &#42892;dee wohoo addane suuje kisoobahine, tabe uskeel kanokho.&#8221; 15Makhaabal irte, &#42892;doo&#42892;di Ya&#42892;huude wewween saggi eti goorat samaache Yeesso iyahe icheeke.</div><div class="p"> 16&#42892;Deerka jeenteti Yeesso waha Seeri Lanaso ihaaggichuu, weynaanti Ya&#42892;huud Yeesso sina omhisse. 17Yeesso la wihi us iyidah, &#8220;Aabbaheey kol dakkhan hil a haaggicha, annaka i&#42892;diis u hile haaggicha.&#8221; 18Jeentetaas u la weynaanti Ya&#42892;huud sagag tuumman ka weyti Yeesso ogoos yowatte. Us amurreti Seeri Lanaso kalday ma jebinne, i&#42892;daasenyi Waakh a Aabbahaaya essa, Waakh ekkatiis iskayeela.</div><div class="s1">Waakh weeliis anto siicha</div><div class="p"> 19Yeesso wihi us jaldaabti Ya&#42892;huud ilaabe, &#8220;Rume atin icheeka, Weeli Waakh walah us keley yeelo mele. Wihi us argo Aabbahiis yeelo on yeela. I&#42892;di tahe wihi Aabbahiis yeelo on Weeliis laka yeela. 20I&#42892;di tahe Aabbaheen Weeliis a &#42892;doona, wihi noole us awtiis u yeelo, a tusa. Wihi noole waha kussan a tusa, &#42892;dee atin la kagirmeysattaan. 21Saggi Aabbahiis &#42892;doo&#42892;di tuume isookahcho jiro isiicho, saggaase Weeliis laka, eti us &#42892;doono jiro isiicha. 22Toro Aabbaheey etoo kalday laka ma hukkumo, i&#42892;daasenyi Weeliissa antohi us &#42892;doo&#42892;d kahukkumo siiche. 23&#42892;Dee enenyet tuumman saggi us Aabbahiis iinkaanyito, Weeliis laka iinkaanyita. Eti tuummane Weeli Waakh iinkaanyitin la, Aabbahiiski usu sooerge laka ma inkaanyito.</div><div class="p"> 24&#8220;Rume atin icheeka, eti tuummane yeedeey daage toro eti ani isooerge rummeeste, jiroti jirtuu imassan a &#42892;hele toro la ma lahukkumo, omoot a &#42892;dallaabsate jiroti jirtuu imassan &#42892;hele. 25Rume atin icheeka, ibeen a yateehe kola la a yitah, ibeenki &#42892;doo&#42892;di tuume hooyi Weeli Waakh daago. Eti tuummane daage la, jiroti jirtuu imassanne &#42892;hela. 26I&#42892;di tahe saggi Aabbaheey enenyet jiro isiicho, iche Weeliis laka enenyet jiro isiicha. 27Toro Aabbaheey usu antohi us &#42892;doo&#42892;d kahukkumo laka a siiche, i&#42892;di tahe us a &#205;nam Aadamee.</div><div class="p"> 28&#8220;Waha akagirmeysanna, i&#42892;di tahe ibeen a yamiit ki &#42892;doo&#42892;di tuume tuumman hawwaalo goyaka hooyeey daago, 29omoot lakasookahcho. &#42892;Doo&#42892;di tuummane wihi haaggan yeele, omoot a kasookaha, jiro &#42892;hela. Ki suujoon yeele la, omoot a kasookaha, lahukkuma.&#8221; 30Awteey u walah an yeelo mele, i&#42892;daasenyi saggi an Aabbaheey ikadaago iche enenyet jiti fissan ka ihukkuma, a mehe an ma iskahamaadicho i&#42892;daasenyi ki isooergate kahamaadicha.</div><div class="s1">Wihi eti Yeesso yahe cheeko</div><div class="p"> 31&#8220;Chirri ani on garteey laabo, garteey ti rummaat mee gon. 32I&#42892;daasenyi etoo addane wihi ani imiinsan cheeko a jira. Wihi us atin idowo ani imiinsan runticho a garda.</div><div class="p"> 33&#8220;Atin Yoohana enenyet a iergatteene, ulla runti ani imiinsan tuumman atin icheeke. 34Toro la yeedi weeli enenyete eti an ahe soocheeko, ani ka a walahba. I&#42892;daasenyi waha a atin isoocheeka &#42892;dee Waakh atin riba. 35Yoohana a i&#42892;di taahi bolkho, banay &#42892;doo&#42892;d tuso. Atin la geeddoor yeedi us atin idowo atin kahamaadicho a &#42892;doonteen. Yeeda us atin idowo la, a i&#42892;di banay.</div><div class="p"> 36&#8220;Wohoo addane woreey cheeko, Yoohana laka kussan a jiraan. A mehe hili Aabbaheey dahan isoogesse an massicho an haaggicho saggi Aabbaheey isooerge, iche tusa. 37Aabbaheeyki ani isooerge laka, wihi tuummane ani imiinsan a cheeke. Atin injire hooyiis ma daagine, ommolla injire fooliis ma argine, 38ommos yeediis goytiin ma fiddiyo, a mehe atin eti us sooerge ma rummeysan. 39Atin Chiirnaanneti Waakh a kamalattaan, kol atin jiroti jirtuu imassan ka&#42892;hessaane koogtahiinee. Chiirnaannetaas Waakh laka, woraaya kaayyeeda. 40I&#42892;daasenyi atin, atinhi ani itamiitiine &#42892;dee jiroti rummaat jirtaan a &#42892;dii&#42892;ddeen.</div><div class="p"> 41&#8220;An weeli enenyet koolo ma kayowdi. 42I&#42892;daasenyi an rumanka a atin garda, saggi atin rumanka Waakh i&#42892;doonin a garda. 43Ani anto Aabbahaaya kiimiyye atin la ma ikhaatan, i&#42892;daasenyi chirri etoo addan yimiyye antohiissa on kayeyyeedo, atin etaas a khaatattaan. 44Atin goytiinna on ka koolo iskayowattaane, i&#42892;daasenyi Waakkhi usu kalday on Waakh yahe, koolo ma kayowattaan. Saggoh ani irummeysattaan?&#8221;</div><div class="p"> 45I&#42892;daasenyi kol an Aabbaheey ortiis ka uskeeli atin yeesseen cheeko akoogeynana. Eti atin cheekti, a Muusahi atin khajjeel kakhabtaan. 46Chirri atin yeed Muusa rummeysatteen, ani laka kootte a irummeysattaan. A mehe Muusa wihi ani imiinsan on chiire. 47I&#42892;daasenyi wihi us chiire ma rummeysan gone, sag atin wihi an atin isoocheeko irummeysattaan mele gon.</div>
 </div>
 </div>
</div>

Saahka, daawtoo Yaꞌhuude jirta, Yeesso ilkerengeetti weene Yeerusaleem ikore. Ilkerengeetti Yeerusaleem ka, meessi, “Aritti iiyyaat,” layadeeh hagga ka, geꞌdintoo gaayim chan khabto a jirta. Afi Ibiraaniya ka magahiche, “Bessaaꞌda,” iche layadeeh. ꞌDooꞌdi buurenye khakkhannane, gaasoo indo laaye ichoow ki luhlo laa ichoow ki maꞌdayyee iche geꞌdintaas hagga jijjiifa. Makhaabaloo geeddi guꞌh tomon seyyah ichoow siyyeet ba khannaneet la intaas a kajire. Chirri Yeesso usuhi intaas jiifo arge, saggi us guꞌhassi ittaawe ikhannaneet garte ka wihi us worsate, “Atihi samaatti a ꞌdoonta?”
Eti khannan wihi us ilaabe, “Eti ween, et chirri bicche loonkorooriye, geꞌdim goya ikalugꞌdo mele. Chirra an geꞌdim kadih adeeh, etoo addan orteey a kadihe.”
Yeesso la wihi us iyidah, “Tolosso, ilaalaah okhso, soho.” Chirraas on et samaate, ilaaliis okhsate, sohte.
Ibeenka Yeesso waha yeele la a Seeri Lanaso. ꞌDeerka ꞌdooꞌdi wewweene Yaꞌhuud wihi us etaas lasamaache iyidah, “Maanta a Seeri Lanaso, amurre ilaalaahki at siꞌddo a ꞌdiiꞌddantahe.”
Iꞌdaasenyi wihi us ilaabe, “Eti isamaache mehe iyidah ya, ‘Ilaalaah okhso, soho.’ ”
ꞌDeerka wihi iche worsatte, “Eta, ‘Ilaalaah okhso, soho,’ kiidah, a ayyo?”
Eti lasamaache la, eti us yahe ma garti. A mehe ururi buurenye intaas kajire, Yeesso la urur goya tabe.
Yeesso saahka etaas minki Waakhe buure ka ꞌhele, wihi us iyidah, “At kola a samaatte. Uus ꞌdee wohoo addane suuje kisoobahine, tabe uskeel kanokho.” Makhaabal irte, ꞌdooꞌdi Yaꞌhuude wewween saggi eti goorat samaache Yeesso iyahe icheeke.
ꞌDeerka jeenteti Yeesso waha Seeri Lanaso ihaaggichuu, weynaanti Yaꞌhuud Yeesso sina omhisse. Yeesso la wihi us iyidah, “Aabbaheey kol dakkhan hil a haaggicha, annaka iꞌdiis u hile haaggicha.” Jeentetaas u la weynaanti Yaꞌhuud sagag tuumman ka weyti Yeesso ogoos yowatte. Us amurreti Seeri Lanaso kalday ma jebinne, iꞌdaasenyi Waakh a Aabbahaaya essa, Waakh ekkatiis iskayeela.

Yeesso wihi us jaldaabti Yaꞌhuud ilaabe, “Rume atin icheeka, Weeli Waakh walah us keley yeelo mele. Wihi us argo Aabbahiis yeelo on yeela. Iꞌdi tahe wihi Aabbahiis yeelo on Weeliis laka yeela. Iꞌdi tahe Aabbaheen Weeliis a ꞌdoona, wihi noole us awtiis u yeelo, a tusa. Wihi noole waha kussan a tusa, ꞌdee atin la kagirmeysattaan. Saggi Aabbahiis ꞌdooꞌdi tuume isookahcho jiro isiicho, saggaase Weeliis laka, eti us ꞌdoono jiro isiicha. Toro Aabbaheey etoo kalday laka ma hukkumo, iꞌdaasenyi Weeliissa antohi us ꞌdooꞌd kahukkumo siiche. ꞌDee enenyet tuumman saggi us Aabbahiis iinkaanyito, Weeliis laka iinkaanyita. Eti tuummane Weeli Waakh iinkaanyitin la, Aabbahiiski usu sooerge laka ma inkaanyito.
“Rume atin icheeka, eti tuummane yeedeey daage toro eti ani isooerge rummeeste, jiroti jirtuu imassan a ꞌhele toro la ma lahukkumo, omoot a ꞌdallaabsate jiroti jirtuu imassan ꞌhele. Rume atin icheeka, ibeen a yateehe kola la a yitah, ibeenki ꞌdooꞌdi tuume hooyi Weeli Waakh daago. Eti tuummane daage la, jiroti jirtuu imassanne ꞌhela. Iꞌdi tahe saggi Aabbaheey enenyet jiro isiicho, iche Weeliis laka enenyet jiro isiicha. Toro Aabbaheey usu antohi us ꞌdooꞌd kahukkumo laka a siiche, iꞌdi tahe us a Ínam Aadamee.
“Waha akagirmeysanna, iꞌdi tahe ibeen a yamiit ki ꞌdooꞌdi tuume tuumman hawwaalo goyaka hooyeey daago, omoot lakasookahcho. ꞌDooꞌdi tuummane wihi haaggan yeele, omoot a kasookaha, jiro ꞌhela. Ki suujoon yeele la, omoot a kasookaha, lahukkuma.” Awteey u walah an yeelo mele, iꞌdaasenyi saggi an Aabbaheey ikadaago iche enenyet jiti fissan ka ihukkuma, a mehe an ma iskahamaadicho iꞌdaasenyi ki isooergate kahamaadicha.

“Chirri ani on garteey laabo, garteey ti rummaat mee gon. Iꞌdaasenyi etoo addane wihi ani imiinsan cheeko a jira. Wihi us atin idowo ani imiinsan runticho a garda.
“Atin Yoohana enenyet a iergatteene, ulla runti ani imiinsan tuumman atin icheeke. Toro la yeedi weeli enenyete eti an ahe soocheeko, ani ka a walahba. Iꞌdaasenyi waha a atin isoocheeka ꞌdee Waakh atin riba. Yoohana a iꞌdi taahi bolkho, banay ꞌdooꞌd tuso. Atin la geeddoor yeedi us atin idowo atin kahamaadicho a ꞌdoonteen. Yeeda us atin idowo la, a iꞌdi banay.
“Wohoo addane woreey cheeko, Yoohana laka kussan a jiraan. A mehe hili Aabbaheey dahan isoogesse an massicho an haaggicho saggi Aabbaheey isooerge, iche tusa. Aabbaheeyki ani isooerge laka, wihi tuummane ani imiinsan a cheeke. Atin injire hooyiis ma daagine, ommolla injire fooliis ma argine, ommos yeediis goytiin ma fiddiyo, a mehe atin eti us sooerge ma rummeysan. Atin Chiirnaanneti Waakh a kamalattaan, kol atin jiroti jirtuu imassan kaꞌhessaane koogtahiinee. Chiirnaannetaas Waakh laka, woraaya kaayyeeda. Iꞌdaasenyi atin, atinhi ani itamiitiine ꞌdee jiroti rummaat jirtaan a ꞌdiiꞌddeen.
“An weeli enenyet koolo ma kayowdi. Iꞌdaasenyi an rumanka a atin garda, saggi atin rumanka Waakh iꞌdoonin a garda. Ani anto Aabbahaaya kiimiyye atin la ma ikhaatan, iꞌdaasenyi chirri etoo addan yimiyye antohiissa on kayeyyeedo, atin etaas a khaatattaan. Atin goytiinna on ka koolo iskayowattaane, iꞌdaasenyi Waakkhi usu kalday on Waakh yahe, koolo ma kayowattaan. Saggoh ani irummeysattaan?”
Iꞌdaasenyi kol an Aabbaheey ortiis ka uskeeli atin yeesseen cheeko akoogeynana. Eti atin cheekti, a Muusahi atin khajjeel kakhabtaan. Chirri atin yeed Muusa rummeysatteen, ani laka kootte a irummeysattaan. A mehe Muusa wihi ani imiinsan on chiire. Iꞌdaasenyi wihi us chiire ma rummeysan gone, sag atin wihi an atin isoocheeko irummeysattaan mele gon.

Listen to Yoohana 5