&copy; 1999 The Bible Society of Tanzania; ℗ 2010 Hosanna

Kihehe - 1999 Edition (NT)

<div class="version vid1815 iso6393heh" data-vid="1815" data-iso6393="heh">
 <div class="book bkMAT">
 <div class="chapter ch8" data-usfm="MAT.8">
 <div class="label">8</div><div class="s">Yesu akumuponia umunya wukoma</div><div class="r">(Maliko 1:40-45; Luka 5:12-16)</div><div class="p"> 1Neke Yesu avelige isulunuka ukuhuma kukidunda, amalugu ga avanu gamufwatite. 2Ndawe baho asige umunu umunyawukoma swe ifugama itigila, &#8220;Mutwa wone wiwenda nelese!&#8221; 3Ndawe Yesu agololige iliwoko swe akumupamisa, neke atigile, &#8220;Ndisaka! telelage.&#8221; Ulusika lulo umunu yula uwukoma wula watelye. 4Ndawe Yesu amulongelige umunu yula ukutigila, &#8220;Ulamulongela munu yeyeavesaga, ino bitage ukilagile ku mutambisi, neke utawule ikitawulwa ndawe mwealonje Musa, ukilagile ukutigila uponite.&#8221;</div><div class="s">Yesu akumuponia umunya ukoma</div><div class="r">(Luka 7:1-10)</div><div class="p"> 5Yesu peinje mu Kapelenaumu, umuvina va avanyigalu avalumi asile neke amusuke, 6itigila, &#8220;Mutwa, umukami vangu kukaye avasise mutamwa litela. Ivawa hilo&#8221; 7Ndawe Yesu amutigilige, &#8220;Nzusa ndimuponie.&#8221; 8Ndawe umuvina va avanyigalu avalumi amupitulige Yesu itigila, &#8220;Mutwa nene sinywaniti veve wingile mukaye ya nene nda; longe lukani hela umukami vangu apona. 9Pakuva nayi nene ndi munu hela ndimuvike nu wunzagila, na yinene ndina vanyigalu avadodo kwa nene, pendonzile kulu yumwi ukuta, &#8216;Bite!&#8217; aibita; na uyu, &#8216;Wuse!&#8217; akusa; na penige kulu mukami vangu, &#8216;Pige iki!&#8217; aipiga.&#8221; 10Neke Yesu pe apulike ulo, asasave, swe akuvalongela vala vevamuninilige, &#8220;Nachene nguvalongela, sindendilaluwona ulufuuwo ulukomi ndawe ulu, kwa yeyeavesaga mu Isilaeli. 11Nene nguvalongela, avanu wolofu savalahuma kumihago na kufuka, nawo savateng'emala pamwi pawulilo na Abulahamu na Isaki na Yakobo ku wutwa uwa kuchanya. 12Neke vala avinogela ukuva muwutwa uwo savatagwa kwivala kulwisa, kwesakuva ni kivembo nu kugelesula amino.&#8221; 13Ndawe Yesu amutigilige umuvina va avanyigalu va avalumi, &#8220;Wibitilage kukaye, luvesage ndawe lweufuuvitwe.&#8221; Swe ndawe umukami vakwe aponige lulusika lulo.</div><div class="s">Yesu iponia avanu wolofu</div><div class="r">(Maliko 1:29-34; Luka 4:38-41)</div><div class="p"> 14Yesu peyeafikite kukaye ya Petulo, amuwene mwayuva umukwive va Petulo avasise muwuhaga mutamwa mbungo. 15Ndawe Yesu amupamisige iliwoko swe imbungo yikumuleka, ndawe alamukige akuvatelekela.</div><div class="p"> 16Ikimunyi kila pakinyamihye vavaletite kwa Yesu avanu wolofu avevina amasoka swe Yesu akuvahumya amasoka mbevali kwa lukani, na ukuvaponia avalivatamwa. 17Apigite ulu sambi akwise sesali ndonge na umuvisi Yesaya:</div><div class="q">&#8220;Umwene ategwe</div><div class="q">uwuhomefu wetu,</div><div class="q">na ukutegula ifitamwa fyetu.&#8221;</div><div class="s">Avahwanite ukuva vigendo va Yesu</div><div class="r">(Luka 9:57-62)</div><div class="p"> 18Yesu peawene ililugu lya vanu limupilime, atige valowoke inyanza vabite kumwambu. 19Ndawe umwigisi uyumwi va indagilo abitige kwa Yesu nu kumulongela, &#8220;Mwigisi nene ngufwata mbekuli kukwe ubita.&#8221; 20Ndawe Yesu amupitulige, &#8220;Ing'eve sina mapalika na ifidege fina wusulya; neke Umwana va Umunu mugaya nambi pa wusuupo.&#8221; 21Neke uyungi va avanyigendo vakwe atigilige, &#8220;Mutwa leke tasi mbite ngamutage dada.&#8221; 22Ndawe Yesu amulongelige, &#8220;Ninile nene! Valeke avafwe vavatage avafwe vawo.&#8221;</div><div class="s">Yesu ikatusa ikifulufumbi</div><div class="r">(Maliko 4:35-41; Luka 8:22-25)</div><div class="p"> 23Nape Yesu inje mukipugu, avanyigendo vakwe vamuninilite. 24Neke pechuse ikifulufumbi munyanza mula swe kivanga ukutova nu kusudya ikipugu mululenga, neke umwene Yesu eagonelye. 25Ndawe avanyigendo vabitige kukumulamusa vitigila, &#8220;Tutange Mutwa twifwa!&#8221; 26Ndawe Yesu avatigilige, &#8220;Mbi ndawuli mwivanya muhwehwe nu lufuuwo lukefu?&#8221; Swe ilamuka nu kukenyele ikifulufumbi swe inyanza yitendemala wunofu. 27Swe avanu visasavala vitigila, &#8220;Mbi munu muki uyu, ye na kifulufumbi na inyanza fikumupulika?&#8221;</div><div class="s">Yesu akuvaponia avanu vavili avanyamasoka</div><div class="r">(Maliko 5:1-20; Luka 8:26-39)</div><div class="p"> 28Nape alowike kumwambu ya inyanza, kulutanana lwa Avagelasi, avanu vavili vakali avanyamasoka vamusye Yesu, vahumige kufyanga, siekwali munu ye akolige ing'asi iyo nda. 29Ndawe baho vavangige ukukoola, &#8220;Uuuwi! Twina kiki veve na hwehwe vemwana va Nguluvi? Ndawuli wusile ututese ulusika wesilulakwila?&#8221;</div><div class="p"> 30Ino baho pepina kipinga cha ingubi chakwamiligwe. 31Ndawe amasoka, gakumusukige Yesu, &#8220;Wone ukutudaga twisuka utusindike mukipinga icha ingubi.&#8221; 32Ndawe Yesu agalongelige amasoka itigila, &#8220;Mubite&#8221; ndawe gahegige muvanu vala nu kwingila mungubi; sweno ikipinga mbekili kikimbila nu kwitosa mu nyanza nu kufwa.</div><div class="p"> 33Avanyakukwamila ingubi swe vikimbila, nu kubita kuboma nu kulonga ing'ani mbesili na sa vala avanyamasoka. 34Swe avanyaboma mbevali vakusa ukumutang'anila Yesu; nape vamuwene vamusukite ahege mulutanana lwawo.</div>
 </div>
 </div>
</div>

Kihehe New Testament © Bible Society of Tanzania, 2004.

Neke Yesu avelige isulunuka ukuhuma kukidunda, amalugu ga avanu gamufwatite. Ndawe baho asige umunu umunyawukoma swe ifugama itigila, “Mutwa wone wiwenda nelese!” Ndawe Yesu agololige iliwoko swe akumupamisa, neke atigile, “Ndisaka! telelage.” Ulusika lulo umunu yula uwukoma wula watelye. Ndawe Yesu amulongelige umunu yula ukutigila, “Ulamulongela munu yeyeavesaga, ino bitage ukilagile ku mutambisi, neke utawule ikitawulwa ndawe mwealonje Musa, ukilagile ukutigila uponite.”


Yesu peinje mu Kapelenaumu, umuvina va avanyigalu avalumi asile neke amusuke, itigila, “Mutwa, umukami vangu kukaye avasise mutamwa litela. Ivawa hilo” Ndawe Yesu amutigilige, “Nzusa ndimuponie.” Ndawe umuvina va avanyigalu avalumi amupitulige Yesu itigila, “Mutwa nene sinywaniti veve wingile mukaye ya nene nda; longe lukani hela umukami vangu apona. Pakuva nayi nene ndi munu hela ndimuvike nu wunzagila, na yinene ndina vanyigalu avadodo kwa nene, pendonzile kulu yumwi ukuta, ‘Bite!’ aibita; na uyu, ‘Wuse!’ akusa; na penige kulu mukami vangu, ‘Pige iki!’ aipiga.” Neke Yesu pe apulike ulo, asasave, swe akuvalongela vala vevamuninilige, “Nachene nguvalongela, sindendilaluwona ulufuuwo ulukomi ndawe ulu, kwa yeyeavesaga mu Isilaeli. Nene nguvalongela, avanu wolofu savalahuma kumihago na kufuka, nawo savateng'emala pamwi pawulilo na Abulahamu na Isaki na Yakobo ku wutwa uwa kuchanya. Neke vala avinogela ukuva muwutwa uwo savatagwa kwivala kulwisa, kwesakuva ni kivembo nu kugelesula amino.” Ndawe Yesu amutigilige umuvina va avanyigalu va avalumi, “Wibitilage kukaye, luvesage ndawe lweufuuvitwe.” Swe ndawe umukami vakwe aponige lulusika lulo.


Yesu peyeafikite kukaye ya Petulo, amuwene mwayuva umukwive va Petulo avasise muwuhaga mutamwa mbungo. Ndawe Yesu amupamisige iliwoko swe imbungo yikumuleka, ndawe alamukige akuvatelekela.
Ikimunyi kila pakinyamihye vavaletite kwa Yesu avanu wolofu avevina amasoka swe Yesu akuvahumya amasoka mbevali kwa lukani, na ukuvaponia avalivatamwa. Apigite ulu sambi akwise sesali ndonge na umuvisi Yesaya:
“Umwene ategwe
uwuhomefu wetu,
na ukutegula ifitamwa fyetu.”


Yesu peawene ililugu lya vanu limupilime, atige valowoke inyanza vabite kumwambu. Ndawe umwigisi uyumwi va indagilo abitige kwa Yesu nu kumulongela, “Mwigisi nene ngufwata mbekuli kukwe ubita.” Ndawe Yesu amupitulige, “Ing'eve sina mapalika na ifidege fina wusulya; neke Umwana va Umunu mugaya nambi pa wusuupo.” Neke uyungi va avanyigendo vakwe atigilige, “Mutwa leke tasi mbite ngamutage dada.” Ndawe Yesu amulongelige, “Ninile nene! Valeke avafwe vavatage avafwe vawo.”


Nape Yesu inje mukipugu, avanyigendo vakwe vamuninilite. Neke pechuse ikifulufumbi munyanza mula swe kivanga ukutova nu kusudya ikipugu mululenga, neke umwene Yesu eagonelye. Ndawe avanyigendo vabitige kukumulamusa vitigila, “Tutange Mutwa twifwa!” Ndawe Yesu avatigilige, “Mbi ndawuli mwivanya muhwehwe nu lufuuwo lukefu?” Swe ilamuka nu kukenyele ikifulufumbi swe inyanza yitendemala wunofu. Swe avanu visasavala vitigila, “Mbi munu muki uyu, ye na kifulufumbi na inyanza fikumupulika?”


Nape alowike kumwambu ya inyanza, kulutanana lwa Avagelasi, avanu vavili vakali avanyamasoka vamusye Yesu, vahumige kufyanga, siekwali munu ye akolige ing'asi iyo nda. Ndawe baho vavangige ukukoola, “Uuuwi! Twina kiki veve na hwehwe vemwana va Nguluvi? Ndawuli wusile ututese ulusika wesilulakwila?”
Ino baho pepina kipinga cha ingubi chakwamiligwe. Ndawe amasoka, gakumusukige Yesu, “Wone ukutudaga twisuka utusindike mukipinga icha ingubi.” Ndawe Yesu agalongelige amasoka itigila, “Mubite” ndawe gahegige muvanu vala nu kwingila mungubi; sweno ikipinga mbekili kikimbila nu kwitosa mu nyanza nu kufwa.
Avanyakukwamila ingubi swe vikimbila, nu kubita kuboma nu kulonga ing'ani mbesili na sa vala avanyamasoka. Swe avanyaboma mbevali vakusa ukumutang'anila Yesu; nape vamuwene vamusukite ahege mulutanana lwawo.

Listen to Matayo 8