ማቶሳ 17

ዬሱሳ ማላይ ላሜቴዳ

(ማር 9፡2-13፤ ሉቅ 9፡28-36)

1ዬሱሲ ኡሱፑን ጋላሳፔ ጉዪያን፥ ባሬናና ጴፂሮሳ፥ ያዪቆባኔ፥ ያዪቆባ ኢሻ ዮሃኒሳ ኣኪዴ፥ ኡንቱንቱ ፃላላ ዎጋ ዴሪያ ሁጲያ ኬሴዳ። #2ጵፅ 1፡17-18 2ቃሲ ኡንቱንቱ ፄሊሺን፥ ኡንቱንቱ ሲንን ላሜቴዳ፤ ኣ ዴሙ ኣዋይፊያዳን ፖዔዳ፤ ኣ ማዩካ ፖዑዋዳን ጶሌዳ። 3ሙሴኔ ኤላስ ዬሱሳና ሃሳዪሺን፥ ሃ ሄዙ ኣ ካሊያዋንቱ ቤዔዲኖ። 4ጴፂሮሲ ዬሱሳ፥ «ታ ጎዳው፥ ኑኒ ሃዋን ዴዒያዌ ኑሲ ሎዓ፤ ኔኒ ዶሶፔ፥ ኑኒ ሃዋን ሄዙ ዳሲያ ኢቱዋ ኔው፥ ኢቱዋ ሙሴው፥ ኢቱዋ ኤላሳው ኬፃና» ያጌዳ።

5ኢ ሃሳዪሺን፥ ፖዒያ ሻሪ ዪኔ ኡንቱንታ ካሚ ኣጌዳ፤ ሻሪያ ጊዶፔ፥ «ሃዌ ታኒ ሲቂያ ታና ናሼቺያ ታ ናዓ፤ ኢ ጊያዋ ሲሲቴ» ጊያ ቃላይ ዬዳ። #ዶም 22፡2፤ ዛር 18፡15፤ ማዝ 2፡7፤ ኢሳ 42፡1፤ ማት 3፡17፤ 12፡18፤ ማር 1፡11፤ ሉቅ 3፡22

6ኣ ካሊያዋንቱ ሄ ቃላ ሲሴዳ ዎዴ፥ ዳሮ ያዪዴ፥ ጉፋኒ ኣጌዲኖ። 7ዬሱሲ ኡንቱንቱኮ ዪዴ፥ ኡንቱንታ ቦቺዴ፥ «ዴንዲቴ፤ ያዮፒቴ» ያጌዳ። 8ኡንቱንቱ ቁ ጊዴ ፄሊያ ዎዴ፥ ዬሱሳ ፃላላፔ ኣቲን፥ ሃራ ኣሳ ኦናኔ ቤዒቤይኪኖ።

9ኡንቱንቱ ዴሪያፔ ዎሺን፥ ዬሱሲ ኡንቱንታ፥ «ታኒ ኣሳ ናዓይ፥ ሃይቁዋፔ ዴንዳና ጋካናው፥ ሃ ሂንቴንቱ ቤዔዳዋ ኦሲኔ ኦዶፒቴ» ያጊዴ ኣዛዜዳ።

10ኣ ካሊያዋንቱ ዬሱሳ፥ «ያቲና፥ ሂጊያ ታማሪሲያዋንቱ ኣዪሲ፥ ‹ኤላስ ካሴቲዴ ያናው ቤሴ› ጊኖ?» ያጊዴ ኦቼዲኖ። #ሚል 4፡5

11ኢ ዛሪዴ ያጌዳ፤ «ኤላስ ካሴት ዪዴ፥ ኡባባ ጊጊሳናዋ። 12ሺን ታኒ ሂንቴንቶ ኦዳይ፤ ኤላስ ሃዋፔ ካሴ ዪዲጌዳ። ሄዎዴ ኣሳይ ኣ፥ ባሬንቶ ኮዬዳዋዳን ኡባ ኦዳዋፔ ኣቲን ኣ ኤሪቤይኪኖ፤ ሄዋዳንካ፥ ቃሲ ታና፥ ኣሳ ናዓ፥ ኣሳይ ዋዪሳናዋ» ያጌዳ።

13ኣ ካሊያዋንቱ ሄ ዎዴ ባሬንቶ ዬሱሲ ፃማቂያ ዮሃኒሳባ ኦዲያዋ ኣኬኬዲኖ።

ዬሱሲ ኢታ ኣያናይ ኦይቄዳ ናዓ ፓዳ

(ማር 9፡14-29፤ ሉቅ 9፡37-43)

14ኡንቱንቱ ዳሮ ኣሳኮ ዬዳ ዎዴ፥ ኢቲ ቢታኒ ዬሱሳኮ ዪዴ፥ ኣ ሲንን ጉልባቲዴ፥ 15«ታ ጎዳው፥ ታ ናዓ ዎዛና ባዪዚያ ሃርጊ ኦይቂና፥ ኢ ዳሮ ዎዴ ታማን፥ ቃሲ ዳሮ ዎዴ ሃን ኩንዲያ ዲራው፥ ኢ ዳሪ ሳኬቴ፤ ኣ ፓሪኪ። 16ኔና ካሊያዋንቱኮካ ኣ ኣሃዲ፤ ሺን ፓናው ዳንዳዪቤይኪኖ» ያጌዳ።

17ዬሱሲ ዛሪዴ ኡንቱንታ፥ «ኣማኔና ሃ ዎዲያ ጌላ ኣሳው! ታኒ ሂንቴናና ኣዉዴ ጋካናው ዴዓኔ? ቃሲ ሂንቴንቱባ ኣዉዴ ጋካናው ዳንዳያኔ? ናዓ ታኮ ሃ ኣኪዴ ዪቴ» ያጌዳ። 18ዬሱሲ ኢታ ኣያና፥ «ኣፔ ኬሳ» ጊዴ ኣዛዚና፥ ኢታ ኣያናይ ናዓፔ ኬሲ ኣጌዳ፤ ኤሌካ ናዓይ ፓፂ ኣጌዳ።

19ሄዋፔ ጉዪያን፥ ኣ ካሊያዋንቱ ባሬንቱ ፃላላ ዬሱሳኮ ዪዴ፥ «ኑኒ ኢታ ኣያና ኬሳናው ኣዪሲ ዳንዳዪቤይኮ?» ያጌዲኖ።

20ዬሱሲ ኡንቱንታ ያጌዳ፤ «ሄዌ ሂንቴንቱ ኣማኑ ጉፄዳ ዲራሳ፤ ታኒ ሂንቴንቶ ቱሙዋ ኦዳይ፤ ሂንቴንቶ ሳናፊጪያ ጌቴቲያ ጉ ሚቲ ኣይፊያ ኬና ኣማኑ ዴዒንቶ፥ ሂንቴንቱ ሃ ዴሪያ፥ ‹ሃዋፔ ያ ሺቃ› ያጊንቶ ኢ ሺቃና፤ ሂንቴንቱ ኣያኔ ኦናዉካ ዳንዳያኒታ። 21ሺን ሃዋ ማላ ዎሳፔኔ ፆማፔ ሃራባይ ኬሳናው ዳንዳዬና» ያጌዳ።

ዬሱሲ ባሬ ሃይቁዋባ ላዔንዋ ኦዴዳ

(ማር 9፡30-32፤ ሉቅ 9፡43-45)

22ኣ ካሊያዋንቱ ጋሊላን፥ ኢቲፔ ሺቂ ኡቲ ዴዒሺን፥ ዬሱሲ ኡንቱንታ፥ «ታና፥ ኣሳ ናዓ፥ ኣሳይ ኣሳው ኣዴ ኢማና። 23ኣሳይ ታና ዎናዋ፤ ሄዋፔ ጉዪያን ታኒ ሄዜንያ ጋላሲ ሃይቁዋፔ ዴንዳና» ያጌዳ። ኣ ካሊያዋንቱ ዳሮ ቃሬቴዲኖ።

ጌሻ ጎሊያ ጊራ ጊሪያዋ

24ዬሱሲኔ ኣ ካሊያዋንቱ ቂፊሪናሆማ ካታማ ዬዳ ዎዴ፥ ጌሻ ጎሊያሲ ቃራፃ ኣኪያዋንቱ ጴፂሮሳኮ ዪዴ፥ «ሂንቴንታ ታማሪሲያዌ ጌሻ ጎሊያ ጊራ ጊሬኔ?» ያጌዲኖ። #ኬስ 30፡13፤ 38፡26

25ኢ ዛሪዴ፥ «ጊሬ» ያጌዳ።

ጴፂሮሲ ሶይ ጌሌዳ ዎዴ፥ ዬሱሲ ካሴቲዴ ኣ፥ «ሲሞና፥ ኔ ቆፋይ ኣዬ? ሃ ሳዓ ካታቱ ቃራፃ ዎይ ጊራ ኦፔ ኣኪኖ? ባሬንቱ ጋዲያ ኣሳፔ ኣኪኖ ዎይ ሃራ ጋዲያ ኣሳፔ ኣኪኖ?» ያጌዳ።

26ጴፂሮሲ፥ «ሃራ ጋዲያ ኣሳፔ ኣኪኖ» ያጌዳ።

ዬሱሲ ጴፂሮሳ፥ «ያቶፔ፥ ጋዲያ ኣሳይ ጊራናው ቤሴና። 27ሺን ኑኒ ሃ ኣሳቱዋ ሃንቄናው ኮዮኮ፤ ኔኒ ኣባ ባዴ ኣኒ ዳባ ዬጋ፤ ያታዴ ኮይሮ ኬሲያ ሞሊያ ኦይቃዴ፥ ኣ ዶና ፖቂያ ዎዴ፥ ጊራው ጊዲያ ሚሻ ኔኒ ዴማና። ሄዋ ኣካዴ፥ ታ ጊራኔ ኔ ጊራ ኡንቱንቶ ኢማ» ያጌዳ።

Actualmente seleccionado:

ማቶሳ 17: dwrENT

Destacar

Copiar