Doometsaa 5
5
Addaama Yeletaa
(1 Od. 1:1-4)
1Addaama yeletay hawaappe kaalliide s'aafetteedda. S'oossay asaa med'd'eedda gallassi barena malatisiidde med'd'eedda.#Dom. 1:27-28 2I attuma asaanne mac'c'a asaa ootsi med'd'iide, unttuntta anjjeedda. Unttuntta med'd'iide Asaa#5:2 Asaa: Ibraawetso k'aalan «Asaa» guussay «Addaama» giyaawaa. giide suntseedda.
3Addaami 130 laytsaa de'iide, barena malatiyaa attuma na'aa yeleedda; Aa «Seeta» giide suntseedda. 4Addaami Seeta yeleeddawaappe guyye, 800 laytsaa de'eedda; hara attuma naanaanne mac'c'a naanaa yeleedda. 5Addaami mule 930 laytsaa de'iide hayk'k'eedda.
6Seeti 105 laytsaa de'iide, Heenoosa yeleedda; 7Seeti Heenoosa yeleeddawaappe guyye, 807 laytsaa de'eedda; hara attuma naanaanne mac'c'a naanaa yeleedda. 8Seeti mule 912 laytsaa de'iide hayk'k'eedda. 9Heenoosi 90 laytsaa de'iide, K'aynaana yeleedda; 10Heenoosi K'aynaana yeleeddawaappe guyye, 815 laytsaa de'eedda; hara attuma naanaanne mac'c'a naanaa yeleedda. 11Heenoosi mule 905 laytsaa de'iide hayk'k'eedda.
12K'aynaani 70 laytsaa de'iide, Malaali'eela yeleedda; 13K'aynaani Malaali'eela yeleeddawaappe guyye, 840 laytsaa de'eedda; hara attuma naanaanne mac'c'a naanaa yeleedda. 14K'aynaani mule 910 laytsaa de'iide hayk'k'eedda.
15Malaali'eeli 65 laytsaa de'iide, Yaareedda yeleedda; 16Malaali'eeli Yaareedda yeleeddawaappe guyye, 830 laytsaa de'eedda; hara attuma naanaanne mac'c'a naanaa yeleedda. 17Malaali'eeli mule 895 laytsaa de'iide hayk'k'eedda.
18Yaareed 162 laytsaa de'iide, Heenooka yeleedda; 19Yaareed Heenooka yeleeddawaappe guyye, 800 laytsaa de'eedda; hara attuma naanaanne mac'c'a naanaa yeleedda. 20Yaareed mule 962 laytsaa de'iide hayk'k'eedda.
21Heenooki 65 laytsaa de'iide, Maatusaala yeleedda; 22Maatusaala yeleeddawaappe guyye, Heenooki 300 laytsaa S'oossanna hamettiidde de'eedda; hara attuma naanaanne mac'c'a naanaa yeleedda. 23Heenooki mule 365 laytsaa de'eedda; 24I S'oossanna hamettiidde d'ayeedda; ayaw gooppe, S'oossay Aa afeedda.#Ibr. 11:5; Yih. 14
25Maatusaali 187 laytsaa de'iide, Laameeka yeleedda; 26Maatusaali Laameeka yeleeddawaappe guyye, 782 laytsaa de'eedda; hara attuma naanaanne mac'c'a naanaa yeleedda. 27Maatusaali mule 969 laytsaa de'iide hayk'k'eedda.
28Laameeki 182 laytsaa de'iide, attuma na'aa yeleedda. 29«Ha na'ay Med'inaa Goday shek'k'eedda biittaa bollan nuuna nu kushiyaa oosuwaa daaburaappe shemppissana» giide Noha#5:29 Noha: Ha suntsay «Shemppisseedda» giyaawaa malatee. suntseedda. 30Laameeki Noha yeleeddawaappe guyye, 595 laytsaa de'eedda; hara attuma naanaanne mac'c'a naanaa yeleedda. 31Laameeki mule 777 laytsaa de'iide hayk'k'eedda.
32Nohe 500 laytsaa de'iide, Seema, Kaamanne Yaafeeta yeleedda.
Actualmente seleccionado:
Doometsaa 5: DFBLVL
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
The word for the world Ethiopia
