GIING'EETA 5

Jeacheenga Adamu

(1 Dam 1:1-4)

1Nih gitaabooda jeacheenga Adamu gil. Damanda sina ASEETA siida, gwasin siida aba ratooda ASEETA. 2Gwasin ng'eedeeda ea gatmooda, ak ghoadaw ghawooda ak gaguura buuneeda aba damanda sina. 3Ng'ata nea niibiida Adamu ng'eanyiida gweanyeew bughala ea diktam ea damanamughuush, gwaji orjeeda uurji niny, siratiida niny, ak gaguura Seti. 4Gweanyeeka Adamu iing'ata jeata jih Seti ea bughalaji sis; ak gwaji orjooga ea haweega. 5Nea gweanyeeka sean bea Adamu ea bughalaji shageash ea diktam ea damanamughuush; ak ghami.

6Iing'ata nea niibiida Seti ng'eanyiida gweanyeew bughala ea muut, gwaji Enoshi. 7Goobiida Seti ng'eanyiida iing'ata jeata jih Enoshi gweanyeew bughalaji sis ea ispwa, ak gwaji orju suuk ea haweega. 8Asi gweanyeeka sean bea Seti ea bughalaji shageash ea damaniyeenya; ak ghami.

9Damanda beaheewa Enoshi gweanyeew seedam ea damanamughuush, gwaji Genani. 10Goobiida Enoshi ng'eanyiida gweanyeew bughalaji sis ea damanamuut iing'ata jeata Genani, ak gwaji orju suuk ea haweega. 11Gweanyeeka sean bea Enoshi ea bughalaji shageash ea muut; ak ghami.

12Iimuchu nea niibiida Genani ng'eanyiida gweanyeew laadam ea damanamughuush, gwaji Mahalaleli. 13Goobiida Genani ng'eanyiida gweanyeew bughalaji sis ea haradam iing'ata jeata jih Mahalaleli, ak gwaji orjooga suuk ea haweega. 14Asi gweanyeeka sean bea Genani ea bughalaji shageash ea damanamughuush; ak ghami.

15Iing'ata nea niibiida Mahalaleli ng'eanyiida gweanyeew laadam ea muut, gwaji Yaredi. 16Goobiida Mahalaleli ng'eanyiida gweanyeew bughalaji sis ea diktam ea damanamughuush iing'ata jeata jih Yaredi, ak gwaji orjooga suuk ea haweega. 17Gweanyeeka sean bea Mahalaleli ea bughalaji sis ea seedam ea damanamuut; ak ghami.

18Iimuchu nea niibiida Yaredi ng'eanyiida gweanyeew bughala ea laadam ea iyeenya gwaji Enoki. 19Goobiida Yaredi ng'eanyiida gweanyeew bughalaji sis, ak gwaji orju suuk ea haweega. 20Gweanyeeka sean bea Yaredi ea bughalaji shageash ea laadam ea iyeenya; ak ghami.

21Iimuchu nea niibiida Enoki ng'eanyiida gweanyeew laadam ea muut, gwaji Metusela. 22Gwarooroochi Enoki sea ASEETA gweanyeew bughalaji samwagu iing'ata jeata jih Metusela, ak gwaji orju suuk ea haweega. 23Asi gweanyeeka sean bea Enoki ea bughalaji samwagu ea laadam ea muut. 24Gwarooroochi Enoki sea ASEETA; ak ghang'ut ng'eanyi, aba gideaba gageanda ASEETA.

25Iimuchu nea niibiida Metusela ng'eanyiida gweanyeew bughala ea seedam ea ispwa, gwaji Lameki. 26Goobiida Metusela ng'eanyiida gweanyeew bughalaji ispwa ea seedam ea iyeenya, ak gwaji orju suuk ea haweega. 27Gweanyeeka sean bea Metusela ea bughalaji shageash ea laadam ea shageash; ak ghami.

28Iimuchu nea niibiida Lameki ng'eanyiida gweanyeew bughala ea seedam ea iyeenya, gwaji baleanda, 29ak gwayi, “Aba badayda ng'eanyiida ghayi mwaashta NG'UTAMIIDA, jeebi abeeda gaygweaneasa hawdeayda aba gadiyoojigaasa sean hang'oonyi; ak gaguura gheawungaaschi Nuhu.” 30Goobiida Lameki ng'eanyiida gweanyeew bughalaji muut ea seedam ea muut iing'ata jeata jih Nuhu, ak gwaji orju suuk ea haweega. 31Gweanyeeka sean bea Lameki ea bughalaji ispwa ea laadam ea damanispwa; ak ghami.

32Iimuchu nea gaba Nuhu gweanyeew bughalaji muut, gwaji Nuhu Shemu, ea Hamu ea Yafet.

Actualmente seleccionado:

GIING'EETA 5: BG15

Destacar

Copiar