SENESIS 5
5
Kadaudok en Adam kan
(1 Kronikel 1.1-4)
1Ih met kadaudok en Adam kan. (Ni rahn me Koht ketin wiahda aramas akan, e ketin wiairailda rasehng ih.#Sen. 1.27-28. 2E ketin wiahda ohl oh lih, kupwuramwahwihirahla oh ketin kahdanekinirahla “Aramas.”)#Mad. 19.4; Mk 10.6. 3Ni Adam eh sounpar 130, e nainekihda pwutak emen duwehte ih, oh e kihong ede Sehd. 4Mwurin met Adam pil momourki sounpar 800 oh pil nainekihda seri kei, 5e ahpw sipalla ni eh sounpar 930.
6Ni Sehd eh sounpar 105, e nainekihda pwutak emen, ede Enos, 7oh mwuri e momourki sounpar 807. E nainekihda pil seri kei, 8e ahpw sipalla ni eh sounpar 912. 9Ni Enos eh sounpar 90, e nainekihda pwutak emen, ede Kenan, 10oh mwuri e pil momourki sounpar 815. E pil nainekihda seri kei, 11e ahpw sipalla ni eh sounpar 905.
12Ni Kenan eh sounpar 70, e nainekihda pwutak emen, ede Maalalel, 13oh mwuri e pil momourki sounpar 840. E nainekihda pil seri kei, 14e ahpw sipalla ni eh sounpar 910. 15Ni Maalalel eh sounpar 65, e nainekihda pwutak emen, ede Sared, 16oh mwuri e pil momourki sounpar 830. E pil nainekihda seri kei, 17e ahpw sipalla ni eh sounpar 895.
18Ni Sared eh sounpar 162, e nainekihda pwutak emen, ede Enok, 19oh mwuri e pil momourki sounpar 800. E pil nainekihda seri kei, 20e ahpw sipalla ni eh sounpar 962.
21Ni Enok eh sounpar 65, e nainekihda pwutak emen, ede Medusala, 22mwurin met, Enok momourki sounpar 300 mwohn silangin Koht oh pil nainekihda seri kei. 23Enok eri momourki sounpar 365. 24E momour mwohn silangin Koht erein eh mour, e ahpw sohrala pwehki Koht eh ketin ketikihsang sampah.#Sir 44.16; 49.14; Ipru 11.5; Sud 14.
25Ni Medusala eh sounpar 187, e nainekihda pwutak emen, ede Lamek, 26oh mwuri e pil momourki sounpar 782. E pil nainekihda seri kei, 27e ahpw sipalla ni eh sounpar 969.
28Ni Lamek eh sounpar 182, e nainekihda pwutak emen; 29e ahpw mahsanih, “Sang nan pwehl me KAUN-O ketin kerialahr, seri menet pahn kamaiawihkitailda sang atail apwal akan”; ih eri kihong ede Noha.#5:29 NOHA: Sisen ahd wet ni mahsen en Ipru kereniong duwehte lepin mahsen me wehwehki “kamaiauda.” 30Lamek eri pil momourki sounpar 595. E pil nainekihda seri kei, 31e ahpw sipalla ni eh sounpar 777.
32Mwurin Noha eh lel sounpar 500, e nainekihda pwutak silimen, Sehm, Ahm, oh Saped.
Actualmente seleccionado:
SENESIS 5: PON2006
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Copyright © 2006 Bible Society of the South Pacific
