MATHIUS, NOPUKU AFASAO SORE, 2.
NOPUKU AFASAO SORE, 2.
1NOPOGERA Iesu nifarere ia Bethlem o Jutaia i anopoge o Herot ta teriki, kowcitia, iai niromai fakou arapakau ia nuntafa fanua tara konace iai ia Jerusalem,
2Nokoutucua, Wehe aia kofarere ta Teriki o tagata o Juteia? Ma acime neicitia tshana tafatú ia nuntafa fanua tara konaci iai, ma acime niromai keimori aia.
3Nopogera Herot ta teriki nifakaragona niare fasao, tshana roto nimy iateia, ma iotshi tagata o Juteia ia aia.
4Nopogera aia nifetacina iotshi fatoriki o ta fare mori, ma iotshi fakou serea tatapuria ia tagata, aia nifakowia mukei acre wehe tumrai Kristo nifarere iai?
5Acre neitucua iateia, Ia Bethlem o ta fanua Juteia; ma hepra neisereace iateia ia tatapuria o aprofeta,
6Akoi Bethlem ia ta fanua o Juteia, akoi jimra ta sisi ia fatoriki o Juteia, ma tasi tshau kamai aia Teriki kafakairo tshaku tagata o Isreil.
7Nopogera iai Herat neitapa gusgusu ta fakou arapakua, nifakowia mukei acre nopogera enaia acre neicitia ta fatú.
8Aia nikowna acre ia Bethlem; aia neitucua, Roro ma fatshigeia mukei ta nuntama sisi, nopogera acowa kacitia aia, romai foci iatavua koutucua, pe avau foci kanatu mori aia.
9Iai acre nifakarogona ta fasao ta teriki, acre niroro; kowe, ta fatú acre neicitia ia nuntafa fanua tara konace iai, aia nifano mokagi acre iai, ma nikotu iluga none nuntama sisi iai.
10Iai acre neicitia ta fatú, acre nibisa ia bisa sore iai.
11¶ Acre niromai efare acre neicitia ta tama sisi ia Mere tshana nana, acre nito fakafo nimori aia, iai acre niafogia akato o niare aneamane erefia, acre neitufwa aia anea; colt, ma ane libano, ma mura.
12Atua nifakairo acre ia ta mitshi tshare keinatshicina roro foci ia Herot, ma acre niroce ia tshore fanua ia teretu sece.
13Wamuri acre niroro, neicitia, ta agelo o Ihova nimai ia Josef ia ta mitshi tshana, nokoutucua, Masike amke ta tamasisi ma tshana nana, ma fura ia Ijipt, konofo akoi iai ia taha nopoge avau kamai fakairo akoi; ma Herot kasara ta tama sisi keitshi komate aia.
14Tupora aia nimasike milowa ma nitakoia ta tama sisi ma tshona nana ia tupo, niroro ia Ijipt;
15Aia neinofo iai ia nopogera wamuri Herot nimate, tira nimai hepe Ihova nifasao ia tatapuria o ta profeta, nokoutucua, Feke fanua Ijipt avau nakatapa tshaku nontariki.
16¶ Nopogera Herot neicitia fakou arapakau neiresia aia, aia nifakainina sore, nikowna iai, nitaia mate atamerecriki iotshi neinofo ia Bethlem, ma ia iotshi nuntafa fanua nifori aia, acre nifarere ia tau erua ma nuntafa o acrawa tau, hepe nei aia nifakowia mukei acre fakou arapakau iateia.
17Iai ane nimai hepe neitucua ia Jeremaia ta profeta, nokoutucua,
18Ia Rema neirogona ta noreo, o tagi ma kowe, ma nokomakuru tagi sore, Rejel nokotagi niana erecriki, ma segapu mana aroto nimy sore ianei acre nimate.
19¶ Kaia ia nopogera Herot nimate, ta agelo o Ihova nimai ia ta mitshi ia Josef ia fanua Ijipt,
20Nokoutucua, Masike takoia ta tama sisi ma tshana nana, ma roro ia fanua o Isreil; ma acre nimate neicitiafakarafia takaroiai aniamouri o ta tama sisi,
21Aia nimasike nitakoia ta tama sisi ma tshana nana, niromai ia fanna o Isreil.
22Kaia iai aia nifakarogona pe Arkileus neinofo teriki ia fanua Juteia kaiioria o tshana tamana Herot, aia nimtacu keifano iai hepe Atua nifakairo aia ia tamitshi, aia kuafe ia anuntafa o fanua Calili;
23Aia nimai neinofo i tumrai sore neigo Nasareth; tira nimai hepe neitucua ia tatapuria o aprofeta, Katapa aia tatane o Nasareth.
Actualmente seleccionado:
MATHIUS, NOPUKU AFASAO SORE, 2.: ANT
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión