Versículos más leídos de la Biblia San Mateo 7

Compartir

Jä'epätukui, Dio-mä̧ iyäkuäu̧jä̧; usätukui, kusätukumä̧ ku̧'o̧kui̧'ä̧kuo̧tü̧jä̧; äpatenä̧ wopätukui, wo'kuätukuomȩnä̧ bawekuäkua'a.

Isopäi'ünä̧ jä'epümä̧ ȩmü̧; ja̧'wa̧ta̧nü̧ usumä̧, po̧kui̧pü̧; ja̧'wa̧ta̧nü̧ äpatenä̧ wopürümä̧, bawekuäkua'a.

Ja̧'wa̧nü̧ ja̧'a̧ttü̧, yotukunä̧ ttü pädü ä̧ju̧ku̧ jȩpü̧mä̧, ya̧tȩ wo̧juȩku̧nä̧ amükuädü i̧nä̧wänä̧ ojusode aditinü̧'a̧nü̧ wa̧

Jua̧u̧ jü̧ta̧'a̧nü̧, ukuturu o'kajuiyünä̧ kkorotü ttü̧ja̧ jȩttä̧tu̧kua̧ku̧ päkuä'ijätukumä̧ juätürü'i̧nä̧ ji̧yȩta̧'a̧kuä̧ jȩpä̧tu̧kui̧; jua'amä̧ jua̧u̧ ja̧'a̧ weäwä wȩnȩmä̧ ja̧'wa̧ta̧nü̧ profeta ttukuokuinü̧mä̧.

Ja̧'wa̧nü̧ ja̧'a̧nä̧ äpate 'ko̧a̧temä̧ ja̧'wa̧ta̧nü̧ mä̧nä̧ a̧'u̧kuä̧mä̧mä̧ a̧'kua̧rä̧kuä̧wä̧ra̧'a̧tä̧ ȩpa̧'a̧; jua̧u̧ po̧kui̧pä̧tü̧mä̧ a̧'u̧ku̧nä̧tä̧ wotü ja̧'a̧.

Äpate 'ko̧a̧tenä̧ dodepätukui. Isopäi'ünä̧ äpate käweate'i̧nä̧, mä̧nä̧ kä̧wȩä̧mä̧'i̧nä̧ toe'ächäkuäwa'atä ȩpa̧'a̧ ja̧'wa̧ta̧nü̧ jua̧u̧nä̧ dodepätümä̧ rekuätü ja̧'a̧.

Ukutumä̧ suropätü kuätukua'anä̧, kui̧tti̧mü̧tu̧ku̧ru̧mä̧ adiwäjueitätä iyäwä wo̧juä̧tü̧jä̧, ¡Jua̧u̧ttü̧'i̧nä̧ yabonä̧ Kuä'otuku mo̧ro̧jä̧nä̧ kkü̧mä̧ jä'epätürümä̧ adiwäjuei i̧yä̧kua̧!

Kkorotürümä̧ ja̧'wa̧nü̧ wotüjä̧ päkuätukuä, Dio'i̧nä̧ ukuturu ja̧'wa̧nü̧ wotüjä̧ päü juiyäkua'anü̧. Isopäi'ünä̧ Dio-mä̧ kkorotürü ja̧'wa̧nü̧ wotüjä̧ pä'ü jȩ'kuä̧tu̧ku̧ta̧'a̧nü̧, ukuturu'i̧nä̧ ja̧'wa̧ta̧nü̧tä̧ jȩä̧kuä̧u̧jä̧; ja̧'wa̧ta̧nü̧ kkorotü jȩttü̧ pa̧ja̧tȩ'ü̧ jȩ'kuä̧'i̧jä̧tu̧ku̧ta'anü̧, ukuturu'i̧nä̧ ji̧yȩta̧'a̧kuä̧ jȩä̧kua̧.

Ja̧'wa̧nü̧ ja̧'a̧nä̧ yotukunä̧ ttü pädü ä̧ju̧ku̧ ukuotokümä̧, ya̧tȩ wo̧juȩku̧nä̧ amükuädokü ojusodemä̧ rȩba̧nä̧ aditinü̧'a̧nü̧ wa̧.

¿Tta̧'a̧nü̧ pä'ü kui̧jä̧wa̧ i'ärenä̧ iso'ki ȩka̧'a̧mä̧ to'kua'ajä̧ttü̧ ukutä kui'ärenä̧ ȩkä̧'ka ikui'ka to'kuäkuäwoka'anä̧mä̧? Ja̧'wa̧nü̧ ukutä kua̧mü̧nä̧ kui'ärenä̧ ikui'ka ȩka̧'a̧nä̧mä̧ ¿Toku pä'ü kui̧jä̧wa̧rü̧mä̧ kui'ärenä̧ iso'ki ȩkä̧ku̧jä̧ ȩmü̧ chikuaku päkua'ajä̧ttü̧?

Profeta-tü̧ 'kua̧rü̧nä̧ jȩpä̧tü̧rü̧ tta̧'a̧rä̧kuä̧wä̧tu̧kui̧, oweja-tü̧ 'kua̧rü̧nä̧ 'ka̧tä̧wi̧'ü̧ ku̧jä̧tu̧kua̧'a̧ku̧ ichätürü, juätümä̧ jakuänä̧mä̧ ä̧wi̧ri̧tü̧ pä̧i̧kuä̧tü̧tä̧ wotü. Jȩttü̧ttü̧ topü ku̧wo̧juä̧tu̧kua̧jä̧, ¿Ditäjä̧ttü̧ soäkättü uwa ocha 'to'ümä̧ ja̧'wa̧nü̧ jü̧ juiyüttü'i̧nä̧ wä̧rȩcha̧ päjäkättü higo ka̧ka̧tü̧mä̧?

Ja̧'wa̧nü̧ jü̧ta̧'a̧nü̧ o'kajuiyünä̧ dauwiyä adiwäjueimä̧, u̧wä̧ju̧ adiutä wȩjü̧ oi ja̧'a̧, ja̧'wa̧nü̧ ja̧'a̧nä̧ dau suräjäimä̧ u̧wä̧ju̧'i̧nä̧ surojütä wȩjäi.

Dau adiwäjuei isäimä̧ u̧wä̧ju̧ surojümä̧ wȩjo̧koi ja̧'wa̧ta̧nü̧ dau suräjuei isäimä̧ u̧wä̧ju̧ adiwäjueimä̧ wȩjo̧koi.

O'kajuiyünä̧ dauwiyä u̧wä̧ju̧ adiwäjuei wȩjo̧kü̧ oimä̧, kku̧'u̧ iku okuränä̧ kkuwü ikuäwä ja̧'a̧.