Versículos más leídos de la Biblia Kejadian 8

Compartir

Nuh birye, Allah el si erena ati, aning nirya uku dongobukba, uku dinmokce, nintong teleb ning welebukba, Allah el si Yahweh kekebukce, “Telebe,” tenebuk. Utenebukce, Allah el talima pum arye aning ton tenebuk. “Ura, wini talak arye, dipdongobuka doryanganamle talak noutamak nirya ara, ninye tukwak ninye ati, tukwak mutuku tonap ikin ning deibuka, malye kum updeipnamne. Ninye tukwak ninye nirya ara, winiryuk deibikce talak arye, dipdongobuka, sik kam unamak talak noutamak nirya ara, sik kanye tenenamak ning ap, sik talima patalamle ning nirya ap ara, pia malye unamle bukni, tukwak mutuku ara, tamubuka tonap malye kum kipdeipnamne. Tukwak mutuku nirya ati, tonap tamubuka kum supnamne. Tonda, tukwak mutuku kam ulye ning ayala-yala nirya, obuka kum daneipman touk, yuk talak ara, tup tamubuka tonap kum winipnamne. Tukwak mutuku im sirya, mutuku sirya nirya, tuba unamle talak noutamak nirya ara, pia kum winipnamle ning nyapnune. Ara, yala ning koun talak ap, engopliba linamak talak ap, moul li ap, buppu li ap, dou malamle talak ap, kaipye yo kita polamlirye mok denelamle talak ap, keting noutam ap, lukunyan ap, aning-aning nirya, pia tuba wininamle. Tukwak mutuku tuba unamle talak ara, aning kum winipnamle.” Allah arye, el kanye talima noutamak tenebuk.

Winibukba, Nuh birye, ‘Allah elti, si ereipnun’ tenen, pala keil yangabuka deibukce, Allah el si Yahweh, el arin ning ati kintinibuk. Ara, min talak Allah arye, “Akam ulye ning telebe, amaka yala ara telebe,” nyapdeibuk yala ninguk, mitik anun arye, dobuka, obukce, pala keil yangabuka deipmoka deice, uku sekukce, aning nirya uku dabuk.

Weik mekwen deiamuka ati daulamuka ani, Allah arye, Nuh ap, el mapu silip ap, sik ap neika unmek ning, kam ning ayala-yala nirya ati tuba teninmokce, elce nyapdeibukba, weik mok piripna dobukba, amekwen ara, mitik anun arye, cepnin banmok.

Beren tam talak dopkwetebukba, Nuh birye keting noutamak nirya ara, amaka ton kum eibuk bukni, keting kumupnuyuk talak ara, amaka tamubuka yayukba, Nuh dipdeyukce, el si bama pum ara, winiryuk papmok yo bok ton si bikmokba eibuk. Ayo bok eibuka deice arye, ‘E, wini talak tukwak mutuku deice deibuk mekwen nirya akunum cepropmale’ tenen, bikuk.