Versículos más leídos de la Biblia Mataayo 7

Compartir

“Musabhe Nyamuwanga, kaaja okubhayaana kinu omusabha. Mwagare ku-Nyamuwanga, omwene kaaja okubhayaana kinu omwagara. Mukonoone orwigi, Nyamuwanga kaaja okubheegurira.

Kwa okubha abhasabhi, nibho abhayaanwa. Na abhaagasi nibho abhanyoora. Na abhakonooni bha orwigi nibho abheegurirwa.

“Mmbe, omuunu woonewoone unu koongwa amangʼana gaani, na okugakora, kaarengekanywa na omuunu omwenge unu oombakire iinyumba yaaye kw-itare.

“Mmbe ganu omwenda mukorerwe na abhaanu, emwe mwone mubhakorere kutyokutyo, kwa okubha okukora kutyo, ni niyo insonga ya ebhiraagiro bhya Musa na ameeyigisho ga abharagi.”

Nawe omuryango gunu ogusira abhaanu mu-bhurame ni mutooto, na injira inu eyigenda-yo iyigeene. Na abhaanu bhanu abharora injira iyo, ni bhatooto.”

“Mwingire okuturira mu-muryango omutooto, kwa okubha omuryango na injira inu eyibhusha abhaanu ni ngari, na abhaanu abhaafu abheengira okuturira ku-muryango guyo.

Mmbe ikabha ati emwe abhakayi mwone, mumenyere okuyaana abhaana bheemwe emisanga emijomu, angu, Esomwana unu ari mu-rwire atakutura okukorera amajomu abhaanu bhoone kutyo bhanu abhamusabha?

“Mwasiga kuramurira abhandi, mwone mwasiga kuramurirwa. Enaaika kutyo kwa okubha kutyo omuramurira abhandi, nikwo kutyo Nyamuwanga aribharamurira. Na indengo inu omurengera abhandi, niyo mwone murirengerwa na Nyamuwanga.

Nawe muunu woonewoone unu koongwa amangʼana gaani ˆnaasiga okugakora, kaarengekanywa na omuunu omutengʼo unu oombakire iinyumba yaaye ku-nsenyi.

“Ndora owuringira akati kanu kari mu-riiso rya oweejaanyu, enu utakuringira riibhaawu rinu riri mu-riiso ryawo? Owutura kutiki okubhwira oweejaanyu ati, ‘Siga nikusoosishe akati kanu kari mu-riiso ryawo,’ enu awe omwene uri na riibhaawu mu-riiso ryawo?

“Mwiyangarire na abharagi abhabheeyi, bhanu abhabhaaja-ko bhari rwa giingʼondi, nawe kimari ni nsunji nduru. Emwe muribhamenya okuriingʼaana na ebhikorwa bhyebhwe. Abhaanu bhatakunoga giijabhiibhu amwi ati giitiini ku-mati ga amawa.

Riiti riijomu eritwasha amatwasho amajomu, na riiti riibhiibhi ryone eritwasha amatwasho amabhiibhi.

Riiti riijomu ritakutura okutwasha amatwasho amabhiibhi, na riiti riibhiibhi ritakutura okutwasha amatwasho amajomu.

Amati goone kutyo ganu gatakutwasha amatwasho amajomu, agatemwaga ngeeswa mu-muriro.