Versículos más leídos de la Biblia मत्ती 8

Compartir

त ईसू हर ओमन ला कहीस “ए थोरहें बिस्वास करोईया मन, तुमन एतना काबर डरात हवा?” तेकर ओहर उठीस अऊ गररा-घांटा अऊ पानी कर लहरा ला घुड़काईस अऊ सबेच हर सांत होए गईस।

तब ओ रोमी सेना कर अधिकारी हर जबाब देहीस, “ए परभू, मंए एकर लाएक नई हों कि तंए मोर घरे आ, बकिन सिरीप एक आखर कईह दे, त मोर सेवक हर चंगा होए जाही।

एला सुईन के ईसू हर अचमहों होईस अऊ जेमन ओकर पाछू-पाछू आवत रहीन, ओमन ला ओहर कहीस, “मंए तुमन ला फूरोंच में कहथों कि ए गैर यहूदी में जे बिस्वास ला मंए देखें, अईसना बिस्वास इसराएल में कहोंच ला नई पाएं।

तेकर ईसू हर, ओ रोमी सेना कर अधिकारी ला कहीस, “जा, जईसना तंए बिस्वास करे हस, वईसनेच तोर बर होही।” अऊ ओकर सेवक हर ओहीच घरी चंगा होए गईस।

एला देख के चेला मन अचमहों में पएर गईन अऊ कहीन, “एहर कोन किसीम कर मईनसे लागे कि गररा-घांटा अऊ पानी कर लहरोच मन ओकर हुकूम ला मानथें।”