Versículos más leídos de la Biblia Mhakechüko 1

Compartir

Derei Kemesa Ruopfü nieko gei vorkelie ki nieko kekuo ngulietuo; sitse nieko Jerusalem nu, Judia pete mu Samaria nu, tsiu kijü vala ketso rei a zhapumia chülietuo.”

Puo sie, “Puou thuo puo kekuo se chüpie keba teiko morei puo mese toukiko nieko silie lho.

Siro puo uko ze keba ki, uko bu puo kinu phrakeshü ngukecü ketso Jerusalem nu pfhe balienu di pushü. Puoe sie, “Hauha, nieko a kinu silieketau zo; kekreilamonyü Johan we dzü nunu dzülu khashü mia tsü, derei hasie zha cha ba kemonu nieko we Kemesa Ruopfü nunu dzülupfütuo.”

Puo kemezhiekewa sie puoe zha hiediako rheituoketa pele molie kenjükecü zasi tha toupie uko bu ngu di Ukepenuopfü kedi dze se uko ki pu.

Puoe hau pushükewa sie, uko meho ketha nu puo ze sieta; mu kimhou puo shü vor uko mhingu kinu puo zepfülieta.

Puo si khotakezhü ki uko mhidi mo di teigei meho tha ru mia kenie pfhe kekra se di mhai vor uko khieki thata. Unie sie, “Galilmiako, kiüdi nieko teigei meho tha zo ga? Nieko kinu puo ze teigei sieketa Jisu hau, nieko puo teigei kekho ngukecü mhie di, puo la tsur zotuo.”