Versículos más leídos de la Biblia YAM JAH 15

Compartir

Abram koe krax yum rhawm ka Simiang Siyiex, Nawh Cao deuh krax yum rhawm nawh mawh pa rahsee heue.

Khaix hoik ceu inkix khawmuik, gumlox Simiang Siyiex lih hoek ka Abram ka daux riang susai ah nin, “Abram eue, paw lhat graung. Aux mawh pa tiebtie son maix heue. Bwanson hoik ting lhaong son maix heue.”

Nawh Cao kok Abram lih hu plak praix ah nin, “Maong ti jhak raoma, simin ti yaox ka simuing khankix heue.” Nawh Cao baox ah nin ka nawh, “Doeh ru maix tak sang awm ankix heue.”

Jhak heue, gumlox Simiang Siyiex deeh hoek ka nawh ah nin, “Pui in tak ang pon ti mawh pa plud sinngao maix heue. Viang mawh nan, pui pa kaoh khaing daux tokaux maix, tak sang mawh pui pa plud sinngao maix heue.”

Khaix an Nawh Cao ah nin ka Abram, “Een maix tawng, ru maix khawmuik tak mawh nyo sinie ka daux haktiex pui tang ceu mai yuh kaing siliex mai kha rhawm, been pon yieh num ka pui haktiex an heue.

Viang mawh nan, Abram deeh ah nin, “Simiang Siyiex eue, Maix tak sang tawx ceu patix ka aux lie? aux hoik yaox ang kawn tix lai chix koe, sinngao nyiex ma aux khankix, tak yaox ti hu ka Eliza pui veng Damase ang mawh lie?”

Ka daux singaix an, Simiang Siyiex yuh sijax mukheu tau mai Abram ah nin, “Son doeh ru maix, Aux hoik tawx haktiex in, jah ka mee rawm klawng meung Ejiptux tom hoek ka rawm klawng ting Uparat

“Khaix hoik luan baux ju ru maix pon ju, kix tak sang deeh yaox ti hoek tin. Mawh kheu phimap pa yuh pui ceu Amawrix khankix ang nyang bax grum naog ka heue.”