Lukaq 5
5
Sânghi Ji Yù Huî É Chángzô Pé
Mht 4:18-22; Mrk 1:16-20
1Radàm má lé, Yesuq gi, Genesarat nhông yàm má yàp tô le, Garai Gasâng é mungdang gyo râ ga, shiwa byu pé, Yhâng chyáng chyîn chyap wang lé lô kô é hkûn, 2nhông gin-gau yàm má lhaî razúm jòq tô é lé, Yhang myang kat ri. Ngogûn dú bang kúm gi, lhaî mai htoq mù, yhángmòq é gùn pé lé chî nyi akô. 3Yesuq gi, Simûn é lhaî má wàng mù gin-gau mai rachyit lhoqkang nhâng luî, haû lhaî htoq má zung to mù, shiwa byu pé lé mhoqshit taî kyô nyi ri.
4Dang ban taí jáng, Yesuq gi, Simun lé, “Wuì nìk é shut hui luî, ngozo wó kông yù râ matú, núngmòq é gùn pé lé dú hkyô kat keq.” ga taî ri.
5Simun gi, “Yhûmsîng ê, ngá-mòq a-màn ra-myin mau shi-kùt wú kôlhang, haî le a wó; nghut kôlhang, náng dâng é yánmai, ngò gùn dú hkyô kat râ nghut lhê.” ga tû taî ri.
6Gùn pé lé hkyô kat kôjáng, yhángmòq gi, ngozo gyai myo shoq lé wó kông yù kômù, gùn lháng jèq ló râ su dùt é yánmai, 7lhaî gólhum mâ é luzúm wuî lé, lé garúm yû râ matú lòq lìk lìk kat kôjáng, haú bang lé lô mù, haû lhaî í lhum alùq myùp ló shoq ngozo lé kat pyíng bekô.
8Simun Petiruq gi, haú lé myàng jáng, Yesuq é hkyîwang má hkyîhput htuq mù, “Yhûmsîng ê, ngá chyáng mai ló byùq àq, haî mù gâ le, ngò gi, yubàk dàp é byù nghut nyi lhê.” ga taî ri. 9Haî mù luî gâ le, Simun le, yhang eq nyi tô é lhúnglhâng bang le, haû su ngozo wó yu é yánmai, maú nyi bùm kômù nghut ri. 10Simûn é luzúm nhik, Zebedi é yhang zo Yakuq eq Yohan le, haû su chôm maú byùq akô.
Hau htâng, Yesuq gi, “Hkâgyùq, ahkuî mai nàng gi, byù lé châng kóng sû dùt râ nghut lhê.” ga luî, Simun lé taî ri. 11Yhángmòq gi, wuì yàm má jé jáng, lhaî pé eq yhángmòq é zè bànshoq lé tô pyâm to luî, Yesuq htâng cháng bekô nghut ri.
Yàpjèq Dap Bang Lé Yesuq Lhoqgê Byî É Hkyô
Mht 8:1-4; Mrk 1:40-45
12Radàm lé, Yesuq gi, wà rawà má nyi tô le, ragùngdû é yàpjèq nòlì dàp é byù rayùq lé lo ri; haú yùq gi, Yesuq lé myàng jáng, hkyîhput htuq luî, “Yhûmsîng ê, Nàng dóng é nghut le gi, ngo lé Nàng wó lhoq sân-yúng byi râ nghut lhê.” ga dûng wùt ri.
13Yesuq gi, lòq lhâm kat mù, haú yùq lé ê záng luî, “Ngò dóng lhê, sân-yúng àq hkoi.” ga taî ri; haú hkûn jáng, haú yùq é yàpjèq nòlì gi, ge byùq bê nghut ri.
14Yesuq gi, “Nàng, shí hkyô ó lé le hkâtaî kyo. Nghut kôlhang, náng é gùngdu lé, hkyangjong hpô chyáng ló tûn shit mù, nàng sân-yúng bê hkyô lé yhángmòq é matú sàksé dùt sháng gàq, Mosheq târâ tô tô é eq rajung za, hkungga ló nhông byi aq.” ga, yhang lé taí hkûm kat ri.
15Nghut kôlhang, Yesuq é hkyô gi, je riyhang taî pyo hû jam ló mù luî, shiwa byù rajùm rayò gi, Yhâng é dang gyo râ matú le, yhángmòq é nòhpyo lhoqgê byi nhâng râ matú le, lé zùp míng tô akô. 16Yesuq kúm gi, Yhang baú tsik za yòso shut htoq ê mù, a-kyû ê dung dung kut ri.
Gùngjum Shî Sû Lé, Yesuq Lhoqgê Byî É Hkyô
Mht 9:1-8; Mrk 2:1-12
17Ra-nyí lé, Yesuq mhoqshit nyi é hkûn, Hparishe pé eq târâ sará pé le, Yesuq nâm má zung tô akô; haú bang gi, Galile mau wà hkyap hkangmó mâ é bang eq Yuda mau, Yerusalem wà mó mâ é bang nghut akô. Yhûmsîng Garaî é wum-o a-tsam le nòhpyo lhoqgê râ matú Yesuq eq rahá nghut nyi ri. 18Haú hkûn, byù ra-am gi, gùngjum shî sû rayùq lé taphkang mai wàq lé lô kômù, haú yùq lé, yhúmhkaû má nyi tô é Yesuq é hí má, wó lheq byi shoq ga hkyô ho nyi akô. 19Byù lûm myô chyîn chyap to mû, haû nò sû lé hká dông le a wó shuî wàng kôluî, haû yhûmhkûng htoq shut wàq dòq ló mù, haú yùq lé taphkang eq roq, shiwa hpong gung gûng, Yesuq é hí ang ang má hkyô hâng kat akô.
20Yesuq gi, yhángmòq é lùmjíng myìt lé byu myàng jáng, “Byù nàng ê! Náng é yubàk mara lé hkyut pyám byi bê.” ga taî ri.
21Haú hkûn, Hparishe pé eq târâ sará pé gi, “Shî su ga luî, Garai Gasang lé rhoî dang taî é sû gi, ó yùq wá nghut lhê lhú? Garai Gasang za a nghut jáng, yubàk mara wó hkyut pyám byi sû gi, ó yùq wá nghut lhê lhú?” ga luî, myìt són wuî nyi bum akô.
22Yesuq gi, yhángmòq myìt són wuî nyi é hkyô lé sé mù, “Núngmòq é i‑myìt hkaû má, haî mù shí pé lé myìt són wuî nyi akô lhú? 23‘Náng é yubàk mara lé hkyut pyám byi bê.’ nghû taí râ eq, ‘Toq luî, hkyô so aq.’ nghû taí râ má, hká hkun je taí lui lhê lhú? 24Nghut kôlhang, haû Byu Yhangzo#5:24 Byu Yhangzo gâ é gi, Yesuq Yhânggùng yhang lé le taí é nghut lhê, Mesai‑a lé le taî é nghut lhê. gi, mingkan htoq má, mara hkyut byi râ ahkáng wó Sû nghut é lé, núngmòq lé sé nhâng nau lhê.” ga mù, haû gùngjum shî sû lé, “Ngò, nàng lé taí bá, toq àq, náng é taphkang yu chûng luî, yhûm taû ló àq hkoi.” ga taî ri. 25Haú hkûn jáng, yhang gi, yhángmòq é hí má toq yàp mù, yhâng é taphkang wàq chûng luî, yhâng é yhûm shut Garai Gasang lé hkya-on kúngtôn uchyang ló byùq bê. 26Byù bànshoq bang gi, gyai maú byùq kômù luî, Garai Gasang lé hkya-on kúngton akô nghut ri. Yhángmòq gyai gyùq maú dìk é èq le, “Hkû-nyí, ngá-nhúng, maúhpo amû pé lé myàng bê.” ga taî nyi akô.
Yesuq Gi, Lewiq É Yhûm Má Yubàk Dàp Bang Eq Rahá Zo Shuq É Hkyô
Mht 9:9-13; Mrk 2:13-17
27Hau htâng má, Yesuq sô e ló le, Lewiq gâ é hkán hkyuî sû rayùq yhâng é hkán hkyuî zúm má zung tô é lé ê myàng mù, haú yùq lé, “Ngá htâng cháng aq.” ga taî ri. 28Lewiq gi, haú mâ é zè bànshoq lé tô pyâm to mù, toq luî, Yhâng htâng cháng bê nghut ri.
29Hau htâng, Lewiq gi, yhâng é yhûm má Yesuq é matú zoshuq poî mó kut byî ri; poî haú má hkán hkyuî bang myo myo eq byù góbang le, yhángmòq eq rahá za zô zung nyi bum akô. 30Haû mù luî, Hparishe pé eq yhángmòq hpúng mâ é târâ sará pé kúm gi, “Núngmòq gi, haî mù luî hkán hkyuî bang eq yubàk dàp bang eq rahá zo shuq nyi akô lhú?” ga, Yhâng é chángzô pé lé mara hûn dang taî akô.
31Yesuq gi, yhángmòq lé, “Wángzán bang gi, chi sará a ra kó, nòhpyo hui bang za shèq ru râ lhê. 32Ngò gi, díngmán bang lé wùt yù râ matú jé lé é a nghut, yubàk dàp bang myìt lhîng râ matú shèq jé lé é ru nghut lhê.” ga tû taî ri.
Zoshuq Túm Hkyô Eq Séng Luî, Yesuq Taî É Hkyô
Mht 9:14-17; Mrk 2:18-22
33Dum, yhángmòq gi, “Yohan é chángzô pé gi, zoshuq túm mù kyûdung dung kut akô; Hparishe pê é chángzô pé le, haû su kut akô; nghut kôlhang, náng é chángzô pé gi, haî mù zô nyì shuq nyi akô lhú?” ga Yesuq lé taî akô.
34Yesuq, yhángmòq lé tû taî é gi, “Bíng pé gi, lusik eq rahá nghut nyi tô ashî hkûn, yhángmòq lé zoshuq wó túm nhâng râ lhú? 35Nghut kôlhang, lusik#5:35 Lusik gâ é gi, Yesuq lé taí nau é nghut lhê. lé yhángmòq chyáng mai shuî yu pyâm é hkyíng jé râ nghut lhê; haú buìnyì pé má kúm gi, yhángmòq, zoshuq túm kôrâ nghut lhê.” gâ ri.
36Dangtú dông mai le, Yesuq, yhángmòq lé taî é gi, “Mèbu sik mâ é lâng cheq yû mù, mèbu xau má hpo é gi, ó a kut wú kó; haû su kut é nghut jáng, mèbu sik lé le lâng cheq pyâm é dùt mù, pán jàp sik le mèbu xau eq du lhum râ a nghut. 37Tsibyiq wing asik lé le, sho-kuq htûng axau má ó a kat wú kó. Kat é nghut jáng, tsibyiq wing asik gi, htûng lé lhoqbùq gòq nhâng mù, tsibyiq wing le yui shun byùq, htûng le htên byùq, dùt râ nghut lhê. 38Haú su a dùt shoq gi, tsibyiq wing asik lé, sho-kuq htûng asik má kat ra râ nghut lhê. 39Tsibyiq wing axau shuq nyî bê sû gi, asik lé a shuq naû nghut râ; hkâsu mù gâ le, ‘Axau shèq je nghâm ri.’ ga taí râ.” gâ ri.
Actualmente seleccionado:
Lukaq 5: znot
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2025, Wycliffe Bible Translators, Inc.