SALMOS 137
137
Ch'ijiyemob israelob año' bʌ ti Babilonia
1Ya' ti Babilonia tsa' buchleyonla ya' ti' ti' colem ja'.
Tsa' lac cha'le uq'uel che' bʌ tsa' lac ña'ta Sion.
2Ya' ti te' tsa' lac joc'choco jini arpa lac cha'an.
3Laj contrajob tsi' wersa subeyonla cha'an mi lac cha'len c'ay.
Tijicñayob i pusic'al tsi' tic'layonla.
Tsi' yʌlʌyob: C'ʌyibeñon lojon c'ay che' bajche' ti Sion, che'ob.
4¿Mejl ba lac cha'len c'ay cha'an lac Yum ya' ti' lumal jini mach bʌ laj cʌñʌyobic?
5Mi tsa' ñajʌyi Jerusalén ti lac pusic'al
La' jʌmlec jini ñoj bʌ laj c'ʌb.
6Mi ma'anic mi lac chʌn c'ajtesañet,
La' i lʌp' i bʌ la cac' ti mal la quej.
Ñumen la com sʌclʌben i wenlel Jerusalén bajche' i tijicñʌyel lac pusic'al.
7C Yum, ña'tʌbeñob i mul jini edomob tsa' bʌ i contrajiyob Jerusalén che' woli ti wocol.
Tsi' yʌlʌyob: Jisanla, jisanla c'ʌlʌl ti' c'ʌclib tac, che'ob.
8Babilonia, wen awujil jisaya.
Tijicña jini mu' bʌ i yʌq'ueñet a toj chuqui tac tsa' melbeyon lojon.
9Tijicña jini mu' bʌ i chuc a walobilob cha'an mi' pajq'uiñob ti xajlel.
Actualmente seleccionado:
SALMOS 137: ctuBI
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 1977, Wycliffe Bible Translators, Inc. All rights reserved.