Samz 24

Sé an sam David

Sé Bondyé Ki Gwan Wa-a

1Latè-a èk tout sa ki adanʼy sé sa Bondyé Senyè-a.

Latè-a èk tout moun ki ka wèsté anlèʼy sé sa li.

2I mété fondasyon latè-a ofon lanmè-a

èk i fèʼy asid asou dlo-a.

3Ki moun ki ni dwa pou mouté asou mòn Bondyé Senyè-a?

Ki moun ki pé antwé an kay-la ki sa li yonn-an?

4Sé moun ki pa ka fè bagay ki mové,

moun ki pa ni vyé lidé.

Sé moun ki pa ka adowé imaj,

èk moun ki pa ka fè pwonmèt yo pa ka tjenn.

5Yo kay wisivwè bennédiksyon Bondyé Senyè-a.

Yo kay moun ki dwèt douvan Bondyé ki délivwé yo-a.

6Sé moun kon sa ki pou vini adowé Bondyé.

Sé moun kon sa ki pou vini douvan Bondyé Jakòb-la.

7Ouvè sé bayè-a gwan,

ouvè sé lapòt-la ki la dépi lontan-an,

pou gwan wa-a sa antwé.

8Kilès ki gwan wa sala?

Sé li ki Bondyé Senyè-a ki fò èk ki ni tout pouvwa-a.

Sé li ki Bondyé Senyè-a pyèsonn pa sa genyen an batay-la.

9Ouvè sé bayè-a gwan,

ouvè sé lapòt-la ki la dépi lontan-an

pou gwan wa-a sa antwé.

10Kilès ki gwan wa sala?

Sé Bondyé Senyè-a ki chèf sé sòlda syèl-la.

Sé li menm ki gwan wa-a.

Actualmente seleccionado:

Samz 24: acfDBL

Destacar

Copiar

¿Quieres tener guardados todos tus destacados en todos tus dispositivos? Regístrate o inicia sesión

Versículos bíblicos populares de
Samz 24