ማቶሳ ጌሉዋ
ጌሉዋ
ማቶሲ ፃፌዳ ሚሺራቹ፥ ዬሱሲ ያና ጌቴቲያ ሂዶታይ ካሴ ኦዴቲ ኡቴዳ ሊያ ጊዲያዋኔ ፆሳይ ካሴ ኤጫ ጫቁዋን ባሬ ኣሳሲ ኢሜዳ ሂዶታ ቃላ ፖሌዳዌ ዬሱሳ ባጋና ጊዲያዋ ኦዲያ ሚሺራቹዋ ቃላ ኦይቄዳዋ። ሃ ሚሺራቹዋ ቃላይ ዬሱሲ ኡንቱንቱ ጊዶን ዬሌቲዴ ዲጬዳዌ ኣዪሁዳቱ ፃላላሳ ጊዴናን፥ ኣላሚያ ኡባን ዴዒያ ኣሳሳ።
ማቶሲ ፃፌዳ ሚሺራቹዋ ቃላይ ዳሮ ኣኬካን ፃፌቴዳ ማፃፋ። ዬሱሳ ዬሌታን ዶሚዴ፥ ኢ ፃማቄቴዳዋኔ ኢ ፓጬቴዳዋ ኦዲ ሲሚዴ፥ ጋሊላን ኢ ቃላ ኦዴዳዋ፥ ታማሪሴዳዋኔ ሃርጋንቻቱዋ ፓዳዋ ኦዴ። ሄዋፔ ካሊዴ ዬሱሲ ጋሊላፔ ዬሩሳላሜ ቤዳዋኔ ኢ ሃ ኣላሚያን ጋሚዔዳ ዉርሴ ሳሚንታን ሃኔዳ ዬዋቱዋ ቆንጪሴ። ሄዋንቱካ ኢ ካቄቶዋ፥ ሃይቄዳዋኔ ዴንዴዳዋ ኦዲኖ።
ሃ ሚሺራቹዋ ቃላይ ዬሱሳ፥ ፆሳ ሂጊያ ቢሌ ኢማናው ማታይ ዴዒያዋኔ ፆሳ ካዉቴባ ኤሪሲያ ዎልቃማ ታማሪሲያዋ ኦዴ ሺሼዳ። ኣ ቲሚርቲያፔ ዳሪያ ባጋይ፥ ዱማ ዱማ ኦጊያን ጊጌቴዳ ኢቼሹ ሳን ሻኬቴ።
1. ፆሳ ካዉቴን ዴዓና ኣሳ ኤሻ፥ ኦሱዋ፥ ማታኔ ዉርሴ ቃዳ ኦዲያ ዴሪያ ቦላ ቲሚርቲያ (ማት 5፡1-7፡28)።
2. ታማኔ ላዑ ዬሱሳ ካሊያዋንቱ ሚሺራቹዋ ቃላ ታማሪሳናው ቤዳ ዎዴ ኡንቱንቶ ኢሜቴዳ ካሌዋ (ማት 10)።
3. ፆሳ ካዉቴባ ታማሪሲሺን ሺቄዳ ዱማ ዱማ ሌሚሳቱዋ (ማት 13)።
4. ዬሱሳ ካሊያዋንቱባ ቢሊ ኦዲያ ቲሚርቲያ (ማት 18)።
5. ሃዒ ዎዲያ ዉርሴኔ ፆሳ ካዉቴ ዩሳ ፄሊያዋን ኢሜቴዳ ቲሚርቲያ (ማት 24-25)።
ሼምፓቱዋ ኡባቱዋሲ ኢሜቴዳ ቃን ቆፋቱዋ
ዬሱሲ ኪሪስቶሳ ጉዬ ዜሬኔ ዬሌታ (1፡1-2፡23)
ፃማቂያ ዮሃኒሳ ኦሱዋ (3፡1-12)
ዬሱሲ ፃማቄቶዋኔ ፓጬቶዋ (3፡13-4፡11)
ዬሱሲ ኦሱዋ ጋሊላን ዶሞዋ (4፡12-18፡35)
ዬሱሲ ጋሊላፔ ዬሩሳላሜ ቦዋ (19፡1-20፡34)
ዬሩሳላሜኒኔ ኢዚ ዩሹዋን ዬሱሳ ዉርሴ ሳሚንታ (21፡1-27፡66)
ኑ ጎዳ ዬሱሳ ዴንዱዋኔ ቆንጬ (28፡1-20)
Actualmente seleccionado:
ማቶሳ ጌሉዋ: dwrENT
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2011, Wycliffe Bible Translators, Inc. All rights reserved.
Aprende más sobre Ooratha Caaquwaa