Logo de YouVersion
Icono de búsqueda

Matoosa Mishiraachcho 5

5
Yesusi Zuma Bolla Tamaarsida Timirte
1Daro derey shiiqidayssa be7idi Yesusi pude zuma bolla kezi uttides; iza kaallizaytikka izakko yida. 2Izikka istta hizgi tamaarso oykkides;
Tumu Anjjo Demmana Asata
(Luqa 6:20-23)
3«Ayanan bana kawushshizayti anjjettidayta;
ays giikko Salo Kawoteththi isttassa.
4Qadhettizayti anjjettidayta,
ays giikko istti minettana.#Isa 61:2
5Ashketi anjjettidayta;
ays giikko istti biitta laattana.#Maza 37:11
6Xilloteth gafizaytinne saamettizayti anjjettidayta;
ays giikko istti kallana.#Isa 55:1-2
7Asas lo7o ooththizayti anjjettidayta;
ays giikko isttaskka lo7oy oosettana.
8Wozina xilloti anjjettidayta;
ays giikko istti Xoossa beyana.
9Saroteth ooththizayti anjjettidayta;
ays giikko istti Xoossa nayta
geetetti xeygettana.
10Xilloteththa gishshas
goodettizayti anjjettidayta;
ays giikko salo kawoteththi isttassa.#1Phex 3:14
11«Ta gaason asay inttena cayikko, gooddikkonne iita yo7o wordora intte bolla haasaykko intte anjjettidayta.#1Phex 4:14 12Intte salon demmana waagay keehi gita gidida gishshas ufayssan guppite. Inttefe sinththan diza nabetakka hessaththo gooddida.#2Taari 36:16; Hawa 7:52
Maxinenne Poo7o Leemiso
(Mar 9:50; Luqa 14:34-35)
13«Intte ha biitta asas maxine mala. Maxiney ba mal7oteththaa yeddizaa gidikko gede kare yegettidi yedheteththafe attiin zaaridi demmanaas dandayzee?#Luqa 14:34-35 14Intte alames poo7o. Zuma bolla diza katamaya qotettanaas dandayakku.#Yoha 8:12; 9:5 15Asi xomppe oyththidi keeththan diza asaa kumeththaas poo7ana mala dhoqqasohon woththees attiin geemasohon woththi erenna.#Mar 4:21; Luqa 8:16; 11:33 16Hessaththoka asay intte lo7o ooso be7idi salon diza intte Aawaa bonchchana mala intte poo7oy asa sinththan poo7o.#1Phex 2:12
Muse Wogaa Gishshas
17«Tani Muse wogaanne nabeta qaalaa shaarana yidaa inttes misatoppo; polanaas yadis attiin shaaranaas yabeekke. 18Ta inttes tumu gays, saloynne sa7ay aadhdhana gakkanaas Muse wogay wuri polettana attiin wogaappe issi pidaleykka woykko qeerinakka shaarettuku.#Luqa 16:17 19Hessa gishshas oonikka ha azazotappe guuxxizaaro gidikkoka ooththontta yeggi aadhdhiko, hankkoytakka yedhdhi aadhdhana mala tamaarsiko salo kawoteththan hessaadey guuth geetetti xeygettana; gido attiin hayta azazota ooththi polishe hankkoyta polana mala tamaarsiko hessaadey Salo Kawoteththan gita geetettana. 20Ta inttes gays, intte xilloteththi Farsaawetappenne Muse wogaa tamaarsizayta xilloteththafe aadhdhontta aggiko Salo Kawoteth gelana dandayekketa.
As Wodhanaas Bessenna
21«Kase asatas, ‹Wodhoppa; wodhidaade bolla pirdettana› geetettidayssa intte siyideta.#Kessa 20:13; Zaare 5:17 22Ta qasse inttes gizay ba isha bolla ogey baynda hanqettizaade bolla pirdettana; oonikka ba isha, ‹Nappay› gizaadey duulata sinththan oyshettana. ‹Eeyay› gizaade Gaanname tama pirday naagees. 23Hessa gishshas neni yarsho shiishshizason Xoossas yarshana gishin ne ishay ne bolla mishettidaazi nees qofettiko, 24ne yarshizayssa heen yarshizason aggada koyro baada ne ishara giiga; hessafe guye simmada ne yarshoza Xoossas shiishsha.
25«Nena mootida ne morkkey ne bolla pirdisontta mala, pirdiza daannay qachchizayssas nena aaththi immontta mala, qasho keeththan ne wodhdhontta mala buro oge bolla dashe ne morkkera elela giigaychcha. 26Ta nees tumu gays; izi pirdisi wursidaa gidikko wurseththa santiyo qanxxana gakkanaas qashoppe neni birshettaka.
Laymatanaas Bessenna
27« ‹Laymatoppa› gizayssa intte siyideta.#Kessa 20:14; Zaare 5:18 28Tani gidikko inttena hizgays; maccas amo ayfera xeellidaadey wuri ba wozinan izira laymatides. 29Nagara ooththanaas ne ushachcha ayfey nees gaaso gidikko neeppe kessa wora yegga; ne asateththay kumeth gede Gaanname taman yegettanaappe ne asateththafe issina pacciko lo7o. 30Ne ushachcha kushey nagara oosos gaaso gidikko neeppe qanxxa digga; ne asateththay kumeth Gaannamen yegettanayssafe ne asateththafe issi billitey nees pace gidikko lo7o.
31« ‹Machcho anjji yeddizaadey pirma waraqata izis immana bessees› geetettides.#Zaare 24:1-4; Mato 19:7; Mar 10:4 32Tani qasse inttena hizgays, hara asara laymatishin be7ontta dishe ba machcho anjjizaadey wuri iza laymatana mala ooththees. Hessaththoka anjjettidaaro ekkizaadeyka laymatida mala qoodettees.#Mato 19:9; Mar 10:11-12; Luqa 16:18; 1Qoro 7:10-11
Caaqo Gishshas
33«Kase asatas, ‹Wordo caaqqofa; Xoossa sinththan ne caaqqidayssa naaga› geetettidayssa intte siyideta.#Lewe 19:12; Tay 30:2; Zaare 23:21 34Ta qasse inttena aykkoka caaqqofte gays; saloy Xoossas uttiza araata gidida gishshas salon caaqqofte.#Yaaqo 5:12; Mato 23:22 35Biittay Xoossa tohoy yedhdhizaso gidida gishshas biittankka caaqqofte. Wogga kawo katama gidida gishshas Yerusalaamenkka caaqqofte.#Isa 66:1; Maza 48:2 36Intte hu7enkka caaqqofte; intte hu7e binanappe issineyokka booth woykko kareth histtanaas dandayekketa. 37Hessa gishshas intte intte giddon haasayettishin intte haasayay, ‹Ee› gaanaaz gidikko, ‹Ee› giite; ‹Akkay› gaanaaz gidikko, ‹Akkay› giite; hessafe haray wuri iita asappe yizaaza.
Halo Keso Gishshas
(Luqa 6:29-30)
38« ‹Ayfe gishshas ayfe, ach gishshas ach› geetettidayssa intte siyideta.#Kessa 21:24; Lewe 24:20; Zaare 19:21 39Ta qasse inttes gizay iita ooththidaadera eqettofte; gido attiin nees ushachcha shagala baqqizaades hankkoyssaka yuushsha bessa. 40Issi asi neni garsara may7idayssa neeppe ekkanaas nena mootikko bollara may7idayssaka gujjada izas imma. 41Issi asi nena issi saate oge ne baana mala wolqqaththiko issife nam7u dakko gidana oge izara ba. 42Nena woossizaades imma; neeppe tal7e ekkanaas koyzaades zokko zaaroppa.
43« ‹Ne lagge siiqa; ne morkke ixxa› geetettidayssa siyideta. 44Ta qasse inttena intte morkketa dosite; inttena gooddizaytas woossite gays. 45Intte hessaththo ooththiko intte salo Aawaas nayta gidana. Izi arshe iitatassinne lo7otas issi bolla gaththi immees. Irakka xillotassinne nagaranchchatas issi bolla bukisees. 46Inttena dosizayta xalla intte dosikko inttes aaza go7ay dizee? Qaraxa qanxxisizayti hessaththo ooththettennee? 47Intte ishata xalla intte sarotikko hankkoytappe aazan lo7eetii? Ammanonttaytikka hessaththo ooththeettes. 48Hessa gishshas intte salo Aaway wosoy bayndaytas gidida mala intteka wosoy bayndaade gidite.#Lewe 19:2; Zaare 18:13

Actualmente seleccionado:

Matoosa Mishiraachcho 5: GM

Destacar

Compartir

Copiar

None

¿Quieres tener guardados todos tus destacados en todos tus dispositivos? Regístrate o inicia sesión