Acak 5
5
Ëkwaë k'Adam
1Man ënë cöc na nyutho ëkwaë k'Adam.
Ï karë n'Obanga ocweo dhanö, ën ocweo na cal ködë. 2Ën ocweogï ëcwö ëka dhakö cë ömïögï gum. Ëka ï karë na ën ocweogï, öcakö nyïng-gï “Dhanö.”#5:2 Dhanö kï lëb Iburu gönyö nï Adam.
3Ï karë na dong Adam obedo ï wi lobo pï mwaka 130, ën önywölö wode na cal ködë kikokome, ëka öcakö nyïngë Ceth. 4Kinge na dong ënywölö Ceth, Adam obedo ï wi lobo pï mwaka 800 nakun onwongo önywölö awope nökënë ëka anyira. 5Adam obedo ï wi lobo pï mwaka 930 kïbëc ëka öthöö.
6Ï karë na dong Ceth obedo ï wi lobo pï mwaka 105, ën obino önywölö Enoc. 7Ëka kinge na ën dong önywölö Enoc, Ceth obedo ï wi lobo pï mwaka 807 nakun onwongo önywölö awope nökënë ëka anyira. 8Ceth obedo ï wi lobo pï mwaka 912 kïbëc ëka öthöö.
9Ï karë na dong Enoc obedo ï wi lobo pï mwaka 90, ën obino önywölö Kenan. 10Ëka kinge na ën dong önywölö Kenan, Enoc obino obedo ï wi lobo pï mwaka 815 nakun önywölö awope nökënë ëka anyira. 11Enoc obino obedo ï wi lobo pï mwaka 905 kïbëc ëka öthöö.
12Ï karë na dong Kenan obedo ï wi lobo pï mwaka 70, ën obino önywölö Malalel. 13Ëka ï karë na ën dong önywölö Malalel, Kenan obino obedo ï wi lobo pï mwaka 840 nakun onwongo önywölö awope nökënë ëka anyira. 14Kenan obino obedo ï wi lobo pï mwaka 910 kïbëc ëka öthöö.
15Ï karë na dong Malalel obedo ï wi lobo pï mwaka 65, ën obino önywölö Jared. 16Ëka kinge na ën dong önywölö Jared, Malalel obino obedo ï wi lobo pï mwaka 830 nakun onwongo önywölö awope nökënë ëka anyira. 17Malalel obino obedo ï wi lobo pï mwaka 895 kïbëc ëka öthöö.
18Ï karë na dong Jared obedo ï wi lobo pï mwaka 162, ën obino önywölö Enoka. 19Ëka ï karë na ën dong önywölö Enoka, Jared obino obedo ï wi lobo pï mwaka 800 nakun onwongo önywölö awope nökënë ëka anyira. 20Jared obino obedo ï wi lobo pï mwaka 962 kïbëc ëka öthöö.
21Ï karë na dong Enoka obedo ï wi lobo pï mwaka 65, ën obino önywölö Methucela. 22Ëka kinge na ën dong önywölö Methucela, Enoka obino ökwö ï nyim Obanga ï yoo n'opore pï mwaka 300 nakun onwongo önywölö awope nökënë ëka anyira. 23Enoka obino obedo ï wi lobo pï mwaka 365 kïbëc. 24Enoka ökwö ï nyim Obanga ï yoo n'opore ëka obino orwenyo, pïën Obanga otero ën ökö.
25Ï karë na dong Methucela obedo ï wi lobo pï mwaka 187, ën obino önywölö Lamek. 26Ëka kinge na ën dong önywölö Lamek, Methucela obino obedo ï wi lobo pï mwaka 782 nakun onwongo önywölö awope nökënë ëka anyira. 27Methucela obino obedo ï wi lobo pï mwaka 969 kïbëc ëka öthöö.
28Ï karë na dong Lamek obedo ï wi lobo pï mwaka 182, ën obino önywölö wode. 29Cë öcakö nyïngë Noa#5:29 Noa kï lëb Iburu gönyö nï yweo. ëka okobo nï, “Ën bino kelo nïwa yweo kï ï tic më cïngwa na wan eyelere ïë ï kom ngöm na Rwoth ölamö.” 30Kinge na dong ënywölö Noa, Lamek obino obedo ï wi lobo pï mwaka 595 nakun onwongo önywölö awope nökënë ëka anyira. 31Lamek obino obedo ï wi lobo pï mwaka 777 ëka öthöö.
32Kinge na dong Noa tye kï mwaka 500, ën obino önywölö Cem, Kam ëka Yapec.
Actualmente seleccionado:
Acak 5: ThurM
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© Wycliffe Bible Translators, Inc., © SIL Uganda, All rights reserved