एहुन्ना 21
21
ईसु समुन्धर बँदे रे चेलाकू ञेंलवाडिया
1कुछ दिन बितो केन रे ईसु तिबिरियास राः समुन्धर अड़ी रे चेलाकू थरेय देखर एना। 2तहाँ सिमोन पतरस अवुर थोमा नेय दिदुमुस मेनते होकू कहनी वया, अवुर गलील जिला राः काना गाँव रेनिय नतनएल अवुर जबदी कोड़ा होपोन, अवुर हेंय रेनकू चेलाकू मेंडे अवुर बा होड़कींञ दोहो एना, नेकू मियाँ रेकू जवर तना। 3#लूका 5:5हेना वरी सिमोन पतरस हेंकू थरेय कहनी तेडा, “इंञ हकुकू ञेंड हनतेंञ चलोः तना।” तहाँ हेंकू होकू कहनी तेडा, “अले हो अम सुदा ले सेनुआ।” हेना वरी हेंकू सेनकेनते डोंगा रेकू रकब एना। लेकिन हेना ञींद हेंकू मियाँटंग हो मेने कू ञेंडगड कुआ। 4झूमुर झूमुर ञींदाते ईसु धरी हँडेय मेज चड़ाँ एना; लेकिन चेलाकू हेंय ईसु हवे मेनाआँ मेने कू चिन्हों गडिया। 5हेना वरी ईसु कहनी तेडा, “ए चोंडिजकू, अपे थरे जोमकू लगड हकुकू इदान कुआ किदो?” तहाँ हेंकू कहनी तेडा, “कोवा कुआ।” 6#लूका 5:6हेना वरी हेंय कहनी तेडा, “डोंगा वरी जोम गतर हँडे जाल पे अटड़ रेदो, बझो कुआ पे।” तहाँ हेंकू अटड़ तेडाकू, अवुर एनेक धँधेह हकुकू बझो एना ते जाल घली मेने कू ओर सको गना। 7तहाँ ईसु जे चेला अखीरिय परेमिय दोहो एनु, हेंय पतरस थरेय कहनी तेडा, “मेय दो परभु हवे,” हेना वरी सिमोन पतरस परभु हवे मेनाआँ अँजोम केते, अँगय तुसींञ तेडा, कहेकि हेंय डेंडेड़ मुसाः तेय दोहो एना। अवुर हेंय दाः रेय उजेना। 8लेकिन अवुराःकू चेलाकू बझहो तडकुः हेंकू हकुकू, डोंनोगा वरी अड़ी हनतेकू ओर अगतेड कुआ, कहेकि हेंकू धरी वरी दूय सव हाँथ#21:8 90 मीटर मेन सँगिंञ रेकू दोहो एना।
9हेंकू धरी रेकू उडूंग एना, तहाँ हेना रे कोयला राः सेंगेल कू धरो तड हेनारे, हकुकू रपाः तड हेना अवुर हेन अड़ी रे रोटी कू दोहो तड हेना कू ञेंल ञँमतेडा। 10हेना वरी ईसु हेंकू थरेय कहनी तेडा, “निहों पे ञेंड केडकुआ, हेंकू हकुकू मेंडे रे गोटाचार हकु कुपे आगू।” 11तहाँ सिमोन पतरस डोंगा रे रकब केनते एक सव तिरपन गोटंग बनड बडे हकुकू#21:11 153 हकुकू जाल तेकू बझो तडकुआ, हेंकू धरी हनतेय ओर उडूंग तेडकुआ, हेना मेन हकुकू रे घली जाल मेने ओड़ेज गना। 12तहाँ ईसु कहनी तेडा, “दाव जोम कोःपे।” चेलाकू मेंडे अम ईया हवे मेनाआँ होंबोरिय लगड कनय मेने कू हिमत गडा। कहेकि हेंकू परभु हवे मेनते कू पपाड़ी दोहो एनु। 13हेना वरी ईसु मेजकेन ते रोटी अवुर हकूकुय हटींग वडकू। 14नआँ पेय एसुः तना, जियो रिमकेन राः बाद रे ईसु चेलाकू थरेय देखर एन हेना।
ईसु अवुर पतरस
15हेना वरी जोम केन राः बाद रे ईसु सिमोन पतरस थरेय कहनी तेडा, “ए एहुन्ना होपोन सिमोन, नेकू वरी हो इंञ बगरा तेम परेमिञाँ किदो?” हेना वरी पतरस कहनी तेडा, “हूँ परभु; अम दोम पपाड़िआ कि इंञ आँमिंञ परेम मिआँ।” तहाँ ईसु कहनी तेडा, “ईञाःकू भेंड़ी कुम चरो।” 16तहाँ हेंय अवुर मियाँ एसिय कहनी वडिया, “ए एहुन्ना होपोन सिमोन, अम इंञ मी परेमिञाँ किदो?” तहाँ पतरस ईसु थरेय कहनी तेडा, “हूँ परभु; अम पपाड़िअम इंञ आँमिंञ परेमा।” तहाँ ईसु हेंय थरेय कहनी तेडा, “ईञाःकू भेंड़ी कुम ञेंल अँजोमू।” 17तहाँ ईसु तीसरा बारिय होंबोर तेडिया, “ए एहुन्ना होपोन सिमोन, अम इंञ मी परेमिञाँ किदो?” तहाँ पतरस इंञ मी परेमिञाँ किदो? मेनाआँ ईसु तीसरा बारिय होंबोर तेडिय रे मन उदास केनतेय कहनी तेडा, “हूँ परभु, अम दो सींड़ मी पपाड़िआ, अवुर इंञ आँमिंञ परेमा, हेना होम पपाड़िआ।” तहाँ ईसु कहनी वडिया, “ईञाःकू भेंड़िकू कुम चरो। 18इंञ सही सही ते अम थरेंञ कहनी यडा, अम ढिंगवम दोहो एना। हेना तोलोग जहाँ न सेन गिसन तेड मिआँ, हेना हन अनाम तयार केनतेम चलो एना। लेकिन अम सयाँहोड़ुः रे तीम मी फयलोआ, अवुर एनेटागी तोलके मिते, जे जघा मेने सेन गिसन मिआँ, हेना हनतेय गोः मिआँ।” 19तहाँ ईसु नआँ टेबोः पतरस काःतेय गोज कोःते, भगवानिय मान मरजादा मेनाआँ टेबोईय कहनी तेडा, तहाँ फेर हेंय थरेय कहनी तेडा, “इंञ तयोम तेम से-ने।”
पतरस एहुन्ना राः बारे ते ईसुय होंबोर तेडा
20 #
एहुन्ना 13:25
तहाँ पतरस तयोम हन तेरेज केतेय ञेंलतेड दो, जे चेला ईसु अखीरिय परेमिय दोहो एनु, हेंय अनेज तयोम तेय मेजुः दोहो एनु, नेय चेला मियाँ एस लेटे जोमुः तोलोग ईसु कुड़म हनते लढे केनतेय होंबोर तेडिया, “परभु आँमिय एर पकड़ोआ हेंय ईया हवे?” 21तहाँ पतरस हेंय ञेंलते ईसुय होंबोर तेडा, “ए परभु, मेय राः ची हाल होयाआ?” 22हेना वरी ईसु हेंय थरेय कहनी तेडा, “अगर इंञ चहोऊ कि नेय इंञ मेजुः मेन दिन जीवातिय दोहोनू, दो नेय राः बारे ते अम ची लगड मी पसींद यडा? आम ता इंञ तयोम तेम से-ने।” 23हेनाते नआँ टेबोः बिसवासिकू थरे नेय चेला एरोय गोजेना मेनते मिरीज यनु; ईसु हेंकू थरे एरोय गोजेना मेनते मेनेय कहनी गडा, लेकिन ईसु कहनी तेडा कि, “अगर इंञ चहोऊ कि नेय इंञ मेजुः मेन दिन जीवातिय दोहोनू, नेय राः बारे ते अम ची लगड मी पसींद यडा मेनते?” 24जे नआँ पोथी रे गोवाही एमकेतेय लिखो यडा हेंय हें-नी चेला हवे। अवुर अबू पपाड़िआ कि हेंय राः गोवाही सीरित गिआ। 25ईसु अनावुर बगरा कामिय करो तेडा, हेना एगो एगो ते लिखो तेड रेदो, इंञ पसींद यडा कि हेना पोथी, गोटा चँवदीस रे दोहोय लगड जघा घली एरो होयाएन मेनू।
Actualmente seleccionado:
एहुन्ना 21: ksz
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2022, Wycliffe India. All rights reserved.