E’doza 20
20
Iburahimu pi Abimeleki be
1 #
E’do 18:1; 26:6 Iburahimu nga enga ’darisi, nga mu angu Urulerua, nga ovu Kadesi pi ma eselia Suri be; nga ovu ani’boru angu Geraria. 2#E’do 12:11-15; 26:7Iburahimu nga oku ini Sara ma e’yo ’yo ’dini kini, ’Diri ma amvipini. Abimeleki opi Gerariari nga di ’ba ti pe Sarani ejizu i vu. 3#Zab 105:14; Yob 4:12; 33:15; E’do 19:7Te Mungu nga eca Abimeleki vu orobisi inisi, nga ’yo eri tia, Mi ndre, mi curu’do avuru, oku mini bilerisi; erini ovule ’ba azini ma okurisi. 4#E’do 18:23-25Isu de Abimeleki cani nga vunia ku; eri nga ’yo ani kini, Opi la, mi nga suru e’yo kililiru beri ma dri ja ra ya? 5Agu nde ma ngulupi ’yoni ma tia, Eri i ma amvini, ’dini ku ya? Oku ma ngulupi ’yoni vini, Agu ’diri i adripini, ku ya? Ma ’ye e’yo ’diri asi lokiri kokorusi azini dri alarusi indi. 6#E’do 35:5; Efu 34:4; 1 Sam 25:26, 34Mungu nga di ’yo eri ma tia orobi nderi ma alia kini, Ada, ma ni ra mi ’ye e’yo ’diri asi lokirikokorusi, ma oga bani mi dri e’yo onzi ’yeko ma vu si ani ’di; e’yo ’disi ma a’ini mini eri ma rua elozu ku. 7#1 Sam 7:5; 2 Opi 5:11; Yob 42:8; Yak 5:14-16; 1 Yoh 5:16Te di curu’do, mi omvi oku nde agupi nderi vu; te eri nabini, eri nga Mungu zi misi, mi nga ovu ani idriru. Te mi ka nga eri omvi ku, mi ma ni kini mi nga dra ada, mi’i ’ba dria mini ovuzu yi be ’diyi pie dria.
8Abimeleki nga enga o’biti drio drio, nga ati’ba erini omve dria, nga e’yo ’diyi olu yi ma bilia dria; ’ba nde nga ovu urisi tu. 9#E’do 39:9; Yos 7:25Abimeleki nga di Iburahimuni omve, nga ’yo eri tia, E’yo mini ’yele ama beri ngoni ya? E’yo onzi mani ’yele mi vori ngoni, mini ani ezata amboru ejizu ma dria suru mani be ’dini ya? Mi ’ye ma vu e’yo dri fupi ku, adani ’bani te ’yele kuri’i. 10Abimeleki nga ’yo Iburahimu ma tia kini, Mi ndre a’duni ka, mini ani ’yezu ’diniri ya? 11#E’do 42:18; Neh 5:15; O’be 16:6Iburahimu nga ’yo kini, Mani egale kini, Ada, rota ’bani Mungu ruzuri eri ’doa yo, te yi nga ma fu oku mani ma e’yosi rarisi. 12#E’do 11:29Te ada vini indi, eri ma amvini ndi ndi, eri ma ati ma zamva, te ovuni ma andri ma zi’i ku; eri ofu i oku maniru. 13#E’do 12:1, 9, 10, 13Te eri eca ’dini, Munguni ndra feria mani acizu abazaru engazu ma ati ma joa, ma ’yo ndra eri ma tia ’dini kini, Mi ma ece asi ndriza ma dri ’dini: pari dria amani ngazu fizuria, mi ma ’yo e’yo manisi ’dini kini, Agu ’diri eri ma adripini. 14#E’do 12:16Abimeleki nga kabilo pi ’du ti be, ati’ba agupiru ’diyi pie, ati’ba okuru ’diyi be, nga yi fe Iburahimu dri, oku erini Sarani omvizu. 15#E’do 13:9; 47:6Abimeleki nga ’yo, Mi ndre, angu mani ovu mi drilia; mi eco ovu pari mini leleria. 16#E’do 20:5Te eri nga ’yo Sara ma tia, Mi ndre, ma fe mi adripi dri silingi dahaburu alifu alu ’bo; mi ndre, afa nde mini afa mile a’buzuriru ’ba dria ovupi mi be ’diyi dri; ’dini ma ’ba e’yo mini kililiru e’yo driasi ’bo. 17#Yob 42:8; Yak 5:16Iburahimu nga di Mungu zi; Mungu nga ani Abimeleki pi ma rua ati ra, oku erini pie, ezoanzi erini ati’baru ’diyi be dria, yi nga anzi osi ani. 18#E’do 12:17Isu de Yehova opi ’ba Abimeleki ma joa ’diyi ma opojo dria ci, Sara Iburahimu vile okuri ma e’yosi.
Actualmente seleccionado:
E’doza 20: LB66
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
Bible in Lugbara © United Bible Societies, 1966.