Shiyanso 10
10
Ifisafi fya Nuhu
1Inoonya ni fisansa fya malenga fyaganile kishila, avaana va Nuhu, uSheemu, uHamu nu Yafeti vakhandi vana vaana. Ifi fifyene fisafi fya vaana vaanave.
Ifisafi fina fyahumaga kwa Yafeti
2Avaana va Yafeti vava Gomeli, Magoogu, Madayi, Yavani, Tubali, Mesheki nu Tilasi. 3Avaana va Gomeli vava Ashikenasi, Lifati nu Togama. 4Avaana va Yavani vava Elisha, Talashiishi, Kitimu nu Dodanimu. 5Awo vaveene vakhandi fikholo fya vaanu vina vakhandi viikhala mu nyi sina sili mu mbalamo ya bahali, shila vaanu va nyi iso ni fimyanja fyanave ni fikholo fyanave.
Ifisafi fina fyahumaga kwa Hamu
6Avaana va Hamu vava Kushi, Misili, Puti nu Kanaani. 7Avaana va Kushi vava Seba, Havila, Sabata, Lama nu Sabuteka. Avaana va Lama vava Sheeba nu Dedani.
8UKushi wásavaga umwana uyunji yuna akhandi itambulwa Nimilodi. UNimilodi wáyansa kikula wáava muunu munya ngufu mandu nu ludali mu nyi. 9UNimilodi akhandi mufwimaaji wa shiyooli mu nyi, lulwene kuna mfitikho yina yiijova, “Owe uli ngaja uNimilodi, umufwimaaji wa shiyooli pa Mutwa uNguluvi.” 10Amajumbi gina wáyansaaga kigatema uNimilodi gakhandi aga, iBabeeli, iEleki, iAkaadi ni Kaline mu nyi ya Shinaali.#10:10 Shinaali: Litaawa lya Shihebulaniya. Ilitaawa ilinji, Babeeli. 11Kihuma ukho wálutile mbakha ku nyi ya Ashuulu, wásenga amajumbi ga Ninaawi, Lehoboti-Ili, Kala 12ni Leseni. Ilijumbi ili, lili paakhati ya lijumbi lya Ninaawi ni lijumbi ilikhome ilya Kala.
13UMisili akhandi wiihe wa Valuudi, Vaanamimu, Valehaabi, Vanafutuhi, 14Vapatilusi, Vakasiluhi (awo vaveene linsina lya Vafilisiti) na Vakafitoli.
15UKanaani wámusava uSidoni umwanaakwe wa wutasi, khanji wámusava uHeti. 16Khanji akhandi wihaanave wa Vayebusi, Vaamoli, Vagiligashi, 17Vahivi, Vaaliki, Vasini, 18Vaaluvadi, Vasemali na Vahamati. Insiku saganile kishila, ishikholo sha Kanaani shapalankheene. 19Insala ya Vakanaani yayansaaga ku Sidoni kiluta ulubali lwa kunyagamo ulwa Gelaali ni Gasa. Khanji uluvala ulo lwajelaga ulubali lwa kunena ulwa ku Sodoma, Gomola, Adima, Seboyimu mbakha Lasha. 20Awo vaveene vaana va Hamu, fikholo fyanave, fimyanja fyanave, nyi saanave na vaanu va nyi saanave.
Ifisafi fina fyahumaga kwa Sheemu
21USheemu, maame mukhome wa Yafeti, yumwene akhandi wiihe wa Vaebeeli woona.
22Avaana va Sheemu vava Elamu, Ashuulu, Alifakisadi, Luudi nu Alaamu. 23Avaana va Alaamu vava Usi, Huuli, Geteli nu Mashi. 24UAlifakisadi yumwene akhandi wiihe wa Sheela, woope uSheela wámusava uEbeeli. 25UEbeeli wásavaga vaana vavili. Uwa wutasi wámutambulilaga ilitaawa lya Peleegi, kwa kiiva uluhaavi ulo avaanu va nyi vakhandi vipalankhanisiwa. Uwa wuvili wámutambulilaga Yokitani. 26Avaana va Yokitani vava Alimodadi, Shelefu, Hasalimaweti, Yeela, 27Hadolamu, Usaali, Dikila, 28Obali, Abimaheli, Sheeba, 29Ofili, Havila nu Yobabu. Awo woona vakhandi vaana va Yokitani. 30Inyi yina vakhandi viikhala yikhandi yiyansisa ku Mesha mbakha ku Sefali, inyi ya fidunda fina fili kunena. 31Awo vaveene vaana va Sheemu, kwa fikholo fyanave, fimyanja fyanave, mu nyi saanave na vaanu va nyi saanave.
32Ifi fifyene fisafi fya vaana va Nuhu fina filunjiliseenie ni fisafi fyanave na vaanu va nyi saanave. Lwaganile kishila ulufuwukho lwa malenga, avaanu vayalaliile mu nyi yoona.
Actualmente seleccionado:
Shiyanso 10: Shisangu
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2020, Wycliffe Bible Translators, Inc. All rights reserved.