SALMO 3
3
Tata Dioska kuyak runakunata yanapansapa.
1A, Tata Dios,
aypa chikniwak runakunami tiyan.
2Chikniwashpa ñukawan makanakunayansapa.
Chay runakuna ñukapa rimansapa:
“Tata Dios manami yanapankachu.”
3Chashna rimaptinkunapish,
Tata Dios, kanmi arkanashina arkawanki.
Kanmi kuyawashpa yanapawashpa animuchiwanki.
4Ñuka Tata Diosta sinchita roygaptini
payka sielupi kawsananmanta yanapawan.
5Sirishpayni kunanlla puñuni.
Puñushkaynimanta kashkan rikchamuni
Tata Dios yanapawaptin.
6Aypa chikniwak runakuna tukuy maypi wañuchiwanayaptinkunapish
Tata Dios yanapawaptin mana manchakunichu.
7A, Tata Dios,
yanapawashpayki favorninipi atarimuy.
Chikniwak runakunamanta salvaway.
Kanmi chikniwak runakunata makashkankisapa.
Tukuy mana alli rurak runakunapa armankunata wakllichishkanki.
8Kanmi, Tata Dios, ñukaykunata salvawankisapa.
Chayrayku kanta kuyaptinikuna yanapawaysapa.
Actualmente seleccionado:
SALMO 3: qvs
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 1992, 2008, Wycliffe Bible Translators, Inc. All rights reserved.