Yɔhánɛsɛ Nifínínə́
Nifínínə́
Yɔhánɛsɛ a ka báá wɔmɔtɛ́ wa niómo na báfandɛ́ nɛ́ bɔkɔ́nɛna bá Yə́susu. Ɔ nɛbalɛ́ná nɛ́ híə́yíə́ hiəfulə, a ndɔ Yə́susu ɛ́lɛnɛna «Ɛtambá», ɔ́ niɔŋɔ́ sɛ́á, Huɛlɛ́ a ka hɔ́kɛna ɔ tɔ́mbákɛna na Ɛtambá ɔkɛaka ɔwá a ayɛ́ bífə́mə́lə́níə́ ɔ busíə́ bɔ́ bɛndɔ nəníə́ a lɛ́á (1.1-18).
Á Yə́susu a ná lɔ́má ɔkɛaka ɔwá a bɛndɔ nuəkə́níə́. Bááyɛ́ bəkimə ɔbá bá ŋɔ níə́búə́ nɛkɔmba tálɛ́na ɔ ɔwayɛ́, bá ŋɔ buɔmɔ́ bɔ́ ikúílíə́kimə kusənə tɔ́na ɔ tɔ́mbákɛna na wɛɛ́ya (17.3).
Yɔhánɛsɛ a ndɔ fə́mə́ləniə tə́lə́ŋu nəníə́ bɛndɔ bá yɛ́táyɛ́ ikúílí bá ná bíə́fə́níə́ bilúkunə bɛ́fandɛ́: Bɔ́mɔtɛ́ bá ka luminə ɔwá wɛɛ́ya a lɛ́á Mɔná wa Huɛlɛ́, bá ná níə́búə́ nɛkɔmba tálɛ́ná ɔ ɔwayɛ́. Bə́ní bá ka wɛɛ́ya hɔkɛna, bá laaka bá sɛ́á a ndɔ Huɛlɛ́ kɔ́ba.
Bɛkɛ́tɛ bɛ́ ɔnjɔmɔ bɛ́ híihi hiəfulə
Náana á bɛkɔa bɛ́ híihi hiəfulə bɛ́ lɛ́á tɛ́kɛ́nátɔ
Ɔ nɛbalɛ́ná, ɛtambá yɛ́ ka bámɛnɛna (1.1-18).
Yɔhánɛsɛ na bɔkɔ́nɛna bə́búsíə́ bá Yə́susu (1.19-51).
Bɛkɔa na tɔŋgɛtɛ́nɛ́á ɔtɔ́á Yə́susu a ná kɛ́áká ɔ nɛnáka (2–12).
Yə́susu a ndɔ báyɛ́á bɔkɔ́nɛna bɛ́lɛ́hɛ́na (13–17).
Ɛmɔ́kɛ́ na nyɛmbɛ́ yɛ Yə́susu (18.13).
Nɛhɔŋɔa na nibíbíə́nə nɛ́ Yə́susu (20–21).
Actualmente seleccionado:
Yɔhánɛsɛ Nifínínə́: tvu
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
© 2019, CABTAL