matai 16
16
m'eya baito no po'e
(maluko 8:11-13; luka 12:54-56)
1panto piyo ci coufalisai ho cousatukai mo esmi ho baito to iesu, ihe 'ucia akuzkuzoa 'o iesu, ko'koeno mo m'eya peispopo'e to iesu, soomei 'o isi hioa na hia mio i'mi to hamo. 2yainca to iesu: <ho micu 'eopsi, lamu yainca: <<ahtuo'te tomohngʉ ho hucma, cimoeno smoefʉhngoya 'e engʉca.>> 3hoci taseona temu yainca: <<te tucvihi maitan'e, cimoeno movoecʉvcʉ 'e engʉca.>> lamu meemealʉ smo'euhpʉhpʉngʉ, at'inghi o'aimu so'eʉh'ʉta 'e huomza ta hpʉhpʉngʉ maitan'e#panto piyo ci tposʉ noana'o uk'a ci <ho micu 'eopsi...so'eʉh'ʉta 'e huomza ta hpʉhpʉngʉ maitan'e>.! 4'e cou maitan'e a'ʉmtʉs'a kokuzo, ho smoc'ou! mimun'asi mici baito no po'e? tapeoha 'o nia po'e to yoona, 'anatemu ahtun'a buhvaho no mocmo ci po'e.>
eepʉngʉ 'o iesu, cu mongoi.
smoof'o to coufalisai ho ito cousatukai
(maluko 8:14-21)
5mo ohpihi to apihana to etʉpʉ 'o tesi, ta'payo'ʉ mahafo no pang. 6isi yainca to iesu 'o tesi: <temula bumemealʉ, la etngoeva 'o smoof'o to coufalisai ho ito cousatukai.>
7mo yupa euc'oc'ou 'o tesi: <homo maica co e'esi mionana maica ho o'a mito mahafo no pang.>
8isi cohivi to iesu cuma na ihe engha, cu tuocosi 'o tesi: <mainci imu toʉsvʉsvʉtneni ho o'amimu mahafo no pang? mo angu okosi co singkoomu! 9cis'a ac'ʉhʉ maitan'e ho o'te ahta ta'hongi! imucun'asi ta'payo'a ne mo'u titho tomo eimo ci pang ho poa yoseʉ 'omo posiyoemohʉ ci cou? ne mio mosoeno piyo no skayʉ 'o nia 'pu'pucu? 10ho i'omo pitu ci pang oho poa yoseʉ 'omo posisospotʉ ci cou, 'o ohmu a'pʉ'pʉya ci 'pu'pucu moso piyo no skayʉ? 11mainci o'te ta'hongi ho o'a hi'hioa no pang na os'o atuhca mi'usneni muu ho engha? temula etngoeva 'o smoof'o to coufalisai ho cousatukai!>
12ihecueno ta'hongi to tesi ho o'a ina smoof'o no pang na te etngoeva, ma i'o lahe hia mahsʉsʉftʉ to coufalisai ho cousatukai nate etngoeva.
isi honga to petelo 'o iesu ho zou kilisto
(maluko 8:27-30; luka 9:18-21)
13cu sʉc'ʉhʉ to 'ayumona to kaisalia fuilipi 'o iesu; yonto ic'o isi tuocosi 'o tesisi: <lahe ta'una no siya ta cou 'e okocou?>
14ihe yut'inga: <panto la mainca zou letoonono yohane; pantola mainca zou 'iliya; panto la maezo mainca zou 'elimia hocieno o'te cihi to 'ayumona to eyongensa.>
15isi tuocosi to iesu 'o tesi: <imu ta'unano siya a'o?> 16yut'inga to saimong petelo: <zou kilisto suu, zou oko to 'auesiesi yaansou ci hamo.>
17yainca to iesu: <oko to yohane saimong, miko a'ʉmtʉ ʉm'ʉmnʉ; maica 'e so'emio eni o'as'a 'e cou namo ma'cohio suu, ma i'o amo'u ta pepe 'omo atuhcu maavo suu. 18te'o eʉsvʉta suu, zou petelo suu. zou yakivayʉ, ta yakivayʉ tan'e; te'o p'eyac'a 'o kiokai'u, ac'ʉhʉ no tonʉ no mcoi maezo o'a te atpʉtʉ. 19te'o faeni suu 'o 'oyomzana maavo to hpʉhpʉngʉ ne pepe, na teko afu'a vomti ta ceoa, te yaeza vomti ne pepe; na teko teomneni ta ceoa, te yaeza teomneni ne pepe.>
20isicu cucufni to iesu 'o tesi teav'as'a eʉsvʉta no mocmo ho zou kilisto.
iachia eyoca to iesu ho tena 'atutumzo ho mcoi
(maluko 8:31-9:1; luka 9:22-27)
21ahoi to hiesi ne mio, isi pahsansani to iesu 'o tesi, yainca: <te'o ahtuo'te uhne 'elusalemu, yonto emucu to coolo, saisicoo ho ito lema'cohio seiso ho tiou no man'i ci 'atutumio, a'vinano noa opcoza, miteuhi tena smoevovei.>
22isi ese'vi to petelo 'o iesu, potani ho yainca: <nooe'oca, mao'a! 'emo maica ci hi'hioa o'ate ahtu esmi ta feangosu!>
23mo miezuhu 'o iesu mi'usni 'o petelo ho yainca: <satan, smase'u. te'o ekosi suu; maica 'e osko ta'to'tohʉngva o'as'a 'to'tohʉngʉ to hamo, ma hia ma'to'tohʉngʉ ta cou.>
24isicu mi'usni to iesu 'o tesi ho yainca: <hoci panonte to'ofeihni a'o ci cou, te ciha 'e iachi, ngoevi na zuuzikasi ho to'ofeihni a'o. 25maica i'ola 'ucia iachia tʉyʉcʉ na nsou, te apuya payo'a na nsou; i'omo nomio a'o ho payo'a na nsou, te apuyu elʉ no nsou.> 26'emo cihi ci cou 'upenaeno hocisi peelʉi acʉcʉha tanua 'e hpʉhpʉngʉ, ho peʉezeni na iachisi nsou, cuma na koa ʉmnʉsi? ma uk'a! te meelʉ mayo no cuma ho tasvoveiya na iachisi nsou? 27'e okocou te yono 'ayumona to psoevohngʉ to amosi, nʉthʉ 'o tensisi ho cmʉ'ho. ho mio, tasi ieni no nia peipeis'ausna tamo macicihi ho eveia. 28te'o bumemeala eʉsvʉta muu, 'emo yac'ʉ tan'e ci cou, no auyusi no mcoi pantote baito to okocou hote cmʉ'ho ta taicohe ho tʉʉt'ʉcʉ no tonʉ.>
Actualmente seleccionado:
matai 16: bsnfe
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
The Bible Society in Taiwan © 台灣聖經公會版權所有 2014