Mutendeko 6:1-4

Para ŵanthu ŵakamba kwandana mu charu, ndipo ŵana ŵanakazi ŵakababika kwa iwo, ŵana ŵa Chiuta ŵakawona kuti ŵana ŵanakazi ŵa ŵanthu mbakutowa. Ndipo ŵakajitorera ŵanakazi kuŵa ŵawoli ŵawo mwa awo ŵakasankhapo. Ndipo FUMU yikati, “Mzimu wane uti ukharenge mu munthu muyirayira chara, pakuti iyo ndi thupi ilo likufwa. Virimika vyakhe viti viŵenge 120.” Mu mazuŵa ghara ndiposo na pamanyuma, ŵaNefilimu ŵakaŵa mu charu. Iwo ŵakababika mu ŵana ŵanakazi ŵa ŵanthu, ŵana ŵanarume ŵa Chiuta ŵati ŵanjiramo mwa iwo na kubabamo ŵana. Ŵeneaŵa ndiwo ŵakaŵa vinkhara vya kale, ndiposo na viŵanthu vya lumbiri.