Gênesis 20
20
Abraão inũ Abimeleque eskanibukiaki, na hãtxarã
1Manre ni shukua anua Abraão kaĩkaini hawẽ aĩ inũ hawẽ escravo dayarubu inũ hawẽ inabube kakũkaini atimas mai pakea Neguebe anu mae betsa Cades inũ mae betsa Sur namakis nashui ika Gerar mae anu hikitã hanu Gerar nawabube hiweyukatsi ikĩ 2habiatiãri hawẽ aĩ Sarakiri hatu parãkĩ hatu yuibaũkĩ:
—Ẽ puiki— hatu wa hawẽ aĩ yushabubia Sara hawẽruahairakẽ aĩwãkatsi ikĩ Gerar nawa shanẽ ibu Abimeleque hawẽ tsumabu Sara hatu iwematã meriama 3hanua usha namaya Deusũ Abimeleque yuikĩ:
—Uĩwẽ. Aĩbu mĩ hatu iwemarã, huni betsã aĩki. Haskawẽ taea mĩ mawashanaii— aka 4-5hakia ha aĩbu mekĩ txutariamawẽ taeshũ Abimeleque Deus yuikĩ:
—Ẽ Shanẽ Ibuũ, ea nĩkawe. Tsuara pepa hawa txakabuwamabiakẽ mĩ tenaĩ? Abraão ea yuikĩ: “Ẽ puiki”, akĩ ea yuimaki. Aĩbu dikabitũ: “Ẽ puiki”, akĩ ea yuiriaimaki. Abraão: “Ẽ aĩki”, ea warã, ẽ hiwe anu ẽ hatu iwemama ikeãshinaki. Hakia hawa txakabu shinã txakama ẽ haska washinaki— aka 6namayuaya Deusũ ana yuikĩ:
—Haa, hawa txakabu shinãma unanuma mĩ aĩbu hatu iwemashinarã, ẽ unaiĩ. Haskakẽ mĩ aĩbu txutapanã ẽ mia nemashinaki. Mĩ txutamawẽ taea mĩ hawa txakabumaki, eberã. 7Haskakẽ ha hawẽ aĩ Abraão ana nitxĩshũwẽ. Abraão ẽ hãtxa ea yuishunikawẽ taeshũ Abraão ebe mia hãtxashunaya mĩ hiwea mĩ mekeshanaii. Hakia mĩ nitxĩshunamarã, mĩ mawashanaii, minabus inũ miarã— aka
8haska namapã uĩshini penaya shanẽ ibu Abimeleque butushũ hawẽ tsumabu hatu kena itxabu usha namaya dasibi Deusũ yuishinai Abimeleque hatu yuia haska nĩkatã datehairaibũ 9hanushũ Abimeleque Abraãori kena hikia yuikĩ:
—Haskakĩ mĩ nuku txakabuwatushimamẽ? Haskakĩ ẽ mia txakabuwamabia mĩ nukuki txanitxakaimamẽ, nukũ txakabuwẽ atimapawanũ ikarã? Haska mĩ ea waimarã, haskatimahairaki. 10Nuku paraĩ: “Ẽ puiki”, iaketainã, mĩ haskara shinaĩ ikimamẽ?— aka 11hanushũ Abraão yuikĩ:
—Eã shinãkĩ: “Nenua mã Deuski meseabumaki”, ika “Ea tenãtã ẽ aĩ bitirubuki”, ishũ haskawẽ taeshũ matu yuikĩ: “Ẽ puiki”, akĩ ẽ matu yuitushimaki. 12Hakia txanima ẽ puiki. Nukũ epa habiaski. Hanua nukũ ewa besti betsaki, hasmarã. Nũ haskabia nukũ beya txibãkĩ hawa txakabumakẽ ẽ Sara aĩwaniki. 13Ha dikabi ẽ epã enabu anua Deusũ ea iweaya ẽ aĩ yuikĩ: “Ea duawakĩ ea mekekĩ hanira betsabu anu hikishũ hatu yuikĩ: ‘Ẽ puiki’, akĩ hatu ea yuishũshãwẽ”, ẽ waniki— ikaya
14haska yuikĩ Abimeleque inũ Abraão habũ kaneshina daenamei petã hawẽ aĩ Sara ana yunutã hanushũ Abimeleque hawẽ txashuwã inũ, ina awa inũ, hawẽ escravo dayarubu huni inũ aĩbu inãkuĩtã ibu wamakĩ 15yuikĩ:
—Uĩwẽ. Ẽ mai pakea hirabi anu uĩbaũwẽ, haska hanu mĩ betxipaiai anu mĩ hiwetirukirã— atã 16hanushũ Sarari yuikĩ:
—Uiã. Ẽ miwẽ taeshũ 1.000 prata pei heshe karuhaira mĩ pui ẽ ma inãki. Haskawẽ taeshũ ẽ hatu uĩmairã, ẽ pepaki, ẽ mia hawa meama ishianã. Ha dikabi mibe mapumisbũ ha peiwẽ unãtirubuki. Miari mĩ ebe hawa txakabuwama ishianã, mikiri hawa txakabu yuikĩ mia yuãma ishãkanikiki— anikiaki.
17-18Abimeleque Abraão aĩ Sara bikẽ hawẽ taeshũ hawẽ aĩ inũ hawẽ hiwe anu dayamisbu txutanamebiabu hau ana bake biyamayunũbũ Deusũ hatu beshteimakẽ hanushũ Abimeleque Abraão hawẽ aĩ ana inãkẽ Abraão Deus yukashũkĩ yuikĩ:
—Deusuũ, Abimeleque inũ hawẽ aĩ inũ hawẽ hiwe anu dayamisbu hatu shusha wakĩ ana hatu bake bimashãwẽ— akĩ yukashuna samama hatu shusha wakĩ ana hatũ bake nãti pewanikiaki.
Actualmente seleccionado:
Gênesis 20: cbsBR
Destacar
Compartir
Copiar
¿Quieres tener guardados todos tus destacados en todos tus dispositivos? Regístrate o inicia sesión
NT © 1980-2006, Wycliffe Bible Translators, Inc.
OT portions © 2006, Wycliffe Bible Translators, Inc.