Versículos bíblicos populares de San Juan 11

Compartir

Ya chiꞌchi rahbi Jesuhs: ―Naꞌh naan guelnabahan nin gabahan raꞌ bwiinn loh guelguhchi dxyih chi, ya bwiinn nin chechiistoꞌ ñiꞌh naꞌh, nicala gachi ba per zabahan ba, ya garaa raꞌ bwiinn nin nabahan raꞌ nee riachiistoꞌ raꞌ ba naꞌh, pwihsi ayi ñichiloh raꞌ ba par tuꞌpazi. ¿Ta riachiistoꞌ luꞌh dee raꞌ? ―rahbi Jesuhs loh Marta.

Chiꞌchi rahbi Jesuhs: ―¿Tayi guñiꞌdxiꞌhn loh luꞌh sidela yiꞌh chechiistoꞌ luꞌh xchiꞌdxyiꞌhn, zwaꞌha luꞌh xquelrnabwaꞌ Dxiohs?

Chiꞌchi biꞌn Jesuhs riꞌchi

Ya laꞌh Jesuhs chin bihn Ñiꞌh dxyiꞌdxyi raꞌ riiꞌ rahbi Ñiꞌh: ―Gueldxyihdxyi riiꞌ ayi guunnan gachitiiꞌ Lásaro para tuꞌpazi, sino que nahpa zalluꞌyin tin guluuꞌyin xa naa xquelrnabwaꞌ Dxiohs, nee cun xcweenta za xquelrnabwaꞌ Lliiꞌn Ñiꞌh.

Ya chin guyaꞌloh guñiꞌ Ñiꞌh dxyiꞌdxyi raꞌ riiꞌ, guñiꞌ Ñiꞌh jweersi rooꞌ rahbi Ñiꞌh: ―¡Lásaro! ¡Bareꞌh riꞌca! Ya lwehgu bariaꞌh bwiinn guuchi chi riꞌchi, yiꞌbi naa ba cun ñaaꞌ ba cun lahdxi ya loh ba ñieꞌw tuhbi taaꞌha lahdxi, chiꞌchi rahbi Jesuhs: ―Gulgabweꞌhe lahdxi ca tihxi ba tin gulgasaaꞌn ba guziaa ba.

Gubiaꞌgarii guhca nalaasastoꞌ Jesuhs, chiꞌchi gwabiiga Ñiꞌh hasta bigaꞌtsi Lásaro. Riꞌchi naa tuhbi cwehva dxiah, ya ñieꞌw tuhbi dxiah rooꞌ rwaaꞌ baꞌ chi.

Chiꞌchi rahbilaꞌgaꞌh Ñiꞌh: ―Laꞌh xamihgu nuꞌh Lásaro guhtaꞌxgahsi, per nahpa guzoo nuꞌh tin gucwaꞌnaꞌhn bi.