Versículos bíblicos populares de Génesis 11

Compartir

“Ita ereecha que ereein, le laurijieeincha neeuruhane jaunte, caa catohanei ichacurera. Coatiha chabana catohanei ichacuruhane jianecururihaainta. Coanete acaauru rene faunichaache nejelaunihacoaain acaauru ere corenaa coinara; nabana ita ereeicha que ereein neeuruhane coataara”, naelu jetao rautaain acaauruacha ichanohi coaraenihane jaun Cana Coaunera.

Nitohaneein ichaain jetaote: “Coanete leinjiin nese coaaunaacachete; ecu ladricho lauriaacache dede que tiaain ininaanajanu que, nabana ita caje coriaae atane sacuritaain riaanihacachene coataara. Chaentechu, nitohanei ichacaachene, jataain nelateein laraajiin nerichaacheeincha”, naaurelu jetao itarai.

Nii nese ichacuruhane jaun teein jetaote, satiin caa chauratane que nenacaauru cachaauru ere rotohin, itolere neein chauratane sacuritaain neeuruhane coina lerurujuinajaelu Cana Coaunera. Nii jaun jetaote, Babelineein, nii nese curuaateeurelu. “Babel”, naane jetaote ebereeo ere cuhane, inae ita ere aonacurenihane que aite.

Enoto mitu nichajai batane caje amuhin, Sinar batane macararo eruhin ecu ichaooruhalune bana jetaote, satiin ita ere cuhaneecha ereein neeurelu cachaauru.

Nitohaneein nese ichaain ladricho lauriaauruha ecuuneein cachaaurune coaraane jaun jetaote

Inae nitohaneein nejelauneein acaauru ere corihacoaa Cana Coaunerane jaun jetaote, inae nii nese ichana coaaucuruhane jianeein, ita caje rihaneeurelu itolereneein chauratane sacuritaain cachaauru.