Versículos bíblicos populares de Mt. 10

Compartir

Anã Jesús ato yoini iskafakĩ: “Õikapo. Ẽ mato nĩchikai nã yora chakafo mẽra. Akka nã yora chakafãfe nã poomãnã ovejafo pipaitiro keskafakani kiki mato. Mato askafaifono nã poomã onãyakõi keskara ikãfe eõxõ tãpisharakãfe. Nã rĩfi afaa chaka shinãmisma keskafakĩ mãri askara shinãkãfe.

Akka fẽtsa iskafakĩ shinãi: ‘Ẽ Jesús Ifofaito ea omiskõimakanira,’ ixõ shinãkĩ, ẽfe meka kachikiri faax, nã keskara yora naax omiskõipakenaka. Akka fetsa eõnoax omiskõifikĩ ea potaxma nã keskara yora naax efe isharapakenaka,” ixõ Jesús ato yoini.

Akka mato retepaifiaifono rateyamakãfe. Afãfe mato retefitirofono, akka mãto fero mẽsho afeska fatirofoma. Atoki ratetamaroko, Nios fistiki mesekãfe. Nãato noko retexõ nõko fero mẽsho nã omiskõipakenakafo mẽra potatiro.

Akka fẽtsa yoitiro iskafakĩ: ‘Ea omiskõimafiaifono ẽfe Ifo ẽ potatiroma,’ ixõ yoitiro. Akka fẽtsari yoikĩ iskafatiro: ‘Ea omiskõimanaifono ẽ Jesús Ifofaima,’ ea askafax efe nĩpaxatiroma.

Anã Jesús ato yoini iskafakĩ: “Yora fetsafãfe ferotaifi, ‘Jesús ẽfe Ifora’ ea faifãfe ẽri ẽfe Epa Nios nai mẽra ika anoxõ, ‘Nafo efe yoraki’ ẽ ato faxii. Akka nã yora fetsafãfe ferotaifi, ‘Jesús ẽfe Ifomara’ ea faifãfe ẽri, ‘Nafo efe yorafomara’ ẽ ato faxii ẽfe Epa Nios arixõ,” ixõ Jesús ato yoini.

A isinĩ ikaifo ẽfe sharaõxõ ato sharafatakãfe. Askatari naafono ato otofatakãfe. A rashkishii fetseaifori ato sharafatakãfe. A niafaka chakafori ãto mẽra naneafo ato makinoa põtatakãfe. Akka ẽfe shara kaxpa ẽ mato minia afaa ẽ mato yõkama. Nãskari fakĩ, ato kaxpa sharafatakãfe.

Nãskakẽ rateyamakãfe. Nã peya mĩshtifo kexesharamis keskafakĩ, matori Epa Niospa kexesharakĩ finakõiakĩ,” ixõ Jesús ato yoini.

Anã Jesús ato yoini iskafakĩ: “¿Mã shinãimẽ maitio anoax keyokõi yorafo eõnoax inimanõfo ẽ oni? Maa. Anorima. Akka nã ẽ mato yoiai keskara tsõa anoris shinãkanima. Akka nã ea chanĩmara faifãfe shara shinãifono akka nã ea chanĩmara faafãfema afara fetsa chakafo shinãkani.