Versículos bíblicos populares de Mateo 7

Compartir

I̱sijë̱'ë cajë se̱to Diusupi i̱sija̱'quë api. Co'ecohua'ipi ti̱'aja'cohua'i a'ë. Eta sa'rona të'cacohua'ini hui'yocaiye pa'iji.

Ja̱je pa'ina, i̱sijë̱'ë caquë se̱quëpi i̱si cua̱ñoja'quë api. Cui'ne co'equëpi ti̱'añe pa'iji. Cui'ne eta sa'rona të'caquëni hui'yocaiye pa'iji.

Ja̱je pa'ina, yë'ë caye asani cui'ne yo'oquë cato, quë̱na yejana ta̱'ñe asaquëpi, huë'e nese'eje̱ pa'i api.

Ja̱je pa'ito, mësaru yecohua'ire de'oye yo'o cua̱ñoñe yëyeje̱ pa'ye cui'ne de'oye yo'ojë̱'ë, yecohua'ire. Ja̱je cua̱ñeji, Moisés cua̱ñese'e cui'ne Maija'quëre quëacaicohua'i toyase'eje̱.

Ja̱je pa'iquëta'are a'ri ma'api cui'ne a'ri sa'ro a'ë, pa'i hue̱'ñare pana saco. Ja̱ ma'a cacacohua'ipi a'ri pa̱i pa'iyë.

Cacajë̱'ë, a'ri ja̱to sa'roja̱'a. Nejo hue̱'ñana saco cato jai ja̱to sa'ropi cui'ne jai ma'a'ë. Ja̱ ma'ana jai pa̱i cacayë.

Ja̱je pa'ina, cayë, mësaru ai co'acohua'ita'a mësaru mamajëre de'o co'amañare i̱sicohua'i a'ë. ¡Ja̱je pa'iye sëte mësaru ja'quë ma'tëmo aquëpi ai jerepa de'o co'amañare i̱siye pa'iji, i̱te se̱cohua'ire!

Yecohua'i tayoyere pa̱i yo'oyere ña de'huacohua'i cayeje̱ cama'pë pa'ijë̱'ë, Maija'quëpi mësaru tayoyere sa̱ñope caye pa̱ja'quëre. Ja̱je pa'ina, mësaru yecohua'ire tayoyë case'eje̱ pa'ye, cui'ne mësaruteje̱ tayoyë caja̱'quë api cui'ne mësaru yecohua'ire yo'ose'eje̱ pa'ye cui'ne yo'oja̱'quë api.

Ja̱je pa'iquëta'are yë'ë caye asaquëta'a yë'ë cayeje̱ yo'oma'quë cato mejahuëna huesëquëpi huë'e nese'eje̱ pa'i api.

Ja̱je pa'ito ¿me më'ë yo'jei ñacoa ju'i ne'cua ña ti̱'aë'ni, më'ë ñacoa ju'iconire jai so̱quë tsaroje̱ pa'iore ña ti̱'ama'quëta'a? ¿Me më'ë ñacoare so̱quë tiroje̱ pa'iopi ju'iona, ‘Dajë̱'ë. Dutacasi'i, më'ë ñacoa ne'cua ju'icore casi'ni?’

De'hua ñajë'ë, cosocohua'ire Maija'quë cocare cayë cajë cacohua'ire, yëi ñama ca̱'nire su̱ñase'eje̱ pa'iohua'ipi sa̱'nahuë cato yaije̱ pa'iohua'ipi a̱i yëcohua'ipi cacohua'ire. Mësaru ñañe pa'iji, i̱ohua'i yo'oyena. Miu so̱quë yëna tëama'cohua'i a'ë, cuiya'ire. Cui'ne ë̱ne ñëna tëama'cohua'i a'ë, toa pë̱a.

Ja̱je pa'ina, ja̱re de'o so̱quë yëpi de'o ca̱re quë̱iñe pa'iji, cui'ne co'a so̱quë yëpi ja̱re co'a ca̱re quë̱iñe pa'iji.

De'o so̱quë yëpi co'a ca̱ quë̱iñe peoji, cui'ne co'a so̱quë yëpi de'o ca̱ quë̱iñe peoji.

Ja̱je pa'ina, si'a so̱quë de'o ca̱ quë̱i ma'ñe cato cue̱ni toana ëo je̱o'ñe pa'iji.