Versículos bíblicos populares de Kushangumuka 39

Compartir

Shukulu Kalunga wakele amo na Yosefa, co wamuvezikisile mu vyoshe, ngecivene, ikeye wakele mu njuvo ya shukulu yendi kaIngito.

Potifalo waakele vyuma vyendi vyoshe a mavoko a Yosefa ngeci avinyunge, ku vyoshe vije vyakele navyo kaakeleko mbunge kuvanga vyakulya vyendi lika. Yosefa wapwile wamuvwa na muvila wendi na cihanga cendi.

Muka-kunyunga kamenga waanene Yosefa moko ya vinzinda voshe va mu kamenga nakumupwisa wakama mu vyuma vyoshe vije valingile mu kamenga.

co vakwatele Yosefa nakumwaka mu kamenga muje vakele nakunyungila vinzinda va mwene, co wakele muje. Oloni Shukulu Kalunga wakele amo na Yosefa wamumwesele cizemo cendi cije kucesi kutenguluka, nakumulingisa ngeci uje muka-kunyunga kamenga amuzivile ngozi.

Omo kwetile simbu yaindondo lika, munakazi wa shukulu yendi washangumukile kukenga Yosefa na lishungu, wamwihwile ngeci asimutwiye nendi. Oloni Yosefa wavyanene, wendekele kuli munakazi wa shukulu yendi ngwendi, “Kenga, shukulu yange kazivuka vyuma vyoshe vili muno mu njuvo yendi, omwo ikeye naaka vyuma vyoshe evi alinavyo a mavoko ange. Njili na moko yakama manene muno mu njuvo ngwe ije yalinayo, co kanjivindikile cuma cimo kuvanga yove munakazi wendi. Vatijo njasa kulinga cuma cacivi ngacije nakuvulumuna kuli Njambi?”

Oloni litangwa limo omo Yosefa wakovelele mu njuvo nakupanga vipangi vyendi, muje mu njuvo kumwakele vanu vai. Co munakazi wa Potifalo wamukwatele ku cikoveyo cendi cacilaja wendekele ngwendi, “Ija tusimutwiye nange.” Oloni Yosefa wapusunukile nakutewela anja, co wasezele cikoveyo cendi mu livoko lyendi.