Versículos bíblicos populares de San Marcos 4

Compartir

Evocoiyase aipo hese, omahe, oñehe pĩrata ɨvɨtu ai upe, ɨpa upe avei: —¡Pepɨtuhu! —ehi. Aheseve voi opɨtuhu tuprɨ. Ipare aipo ehi güemimbohe upe: —¿Mahera pesɨquɨyé iteanga? ¿Ndapeyeroya vɨtei vo che rese? —ehi.

Ahe rumo osɨquɨyepave oporandu-randu oyeupe yuvɨreco: —¿Ava pĩha co mbɨa secoi? Esepia niha, ɨvɨtu ai, ɨpa avei omboyeroya —ehi tẽi yuvɨreco chupe.

Jesús rumo oyeatocoño, oque ou supɨta cotɨ. Evocoiyase omomahe voi yuvɨreco, aipo ehi chupe: —¡Porombohesar! ¿Nandemahemohaimi rutei vo yande rese? ¡Opara moco yaso ɨpɨve! —ehi.

Iyavei aipo ehi: “Peyapo catu mbahe pesendu vahe. Pe rembiapo nungar rupi tuprɨ asenducua ucara che ñehe pẽu. Iharɨve amondo iri catura pẽu.

Aipo ehi iri avei Jesús: “Tũpa mborerecuasa co ɨvɨ pɨpe inungar que ava oñotɨ vahe mbahe rãhɨi. Omahetɨ pare, oso oque. Ipare coiye catu oñarapuha. Ahe oñocua pɨ̃tu, arɨ avei, evocoiyase mbahe rãhɨi sorɨ poyava yuvɨreco. Itɨ̃sar rumo ndoicuai mara ehi vorɨ.

Acoi osendu pota vahe che ñehe, toyapɨsacaño yuvɨreco sese” ehi.