Versículos bíblicos populares de Mateo 4

Compartir

Ri Jesús xuk'ul uwach: —Jewa' tz'ib'ital kan chupa Rutzij Upixab' ri Dios: Na xew ta ruma ri wa e k'as ri tikawex, ma e k'aslik ruma ronoje taq ch'a'tem kel lo puchi' ri Dios —xcha'.

Ek'u ri Jesús xub'i'ij che: —Chatela chinuwach Satanás, ma jewa' tz'ib'ital kan chupa Rutzij Upixab' ri Dios: Lik chaloq'nimaj uq'ij ri Dios Qajawxel y xew Rire chanimaj uq'ij —xcha'.

Ri Jesús xuk'ul uwach: —Jewa' tz'ib'ital kan chupa Rutzij Upixab' ri Dios: Mak'am upa ri Dios Qajawxel —xcha'.

Tek'uchiri', ri Jesús xk'am b'i ruma ri Ruxlab'ixel ri Dios pa jun luwar katz'intz'otik cha' kak'am upa ruma ritzel winaq. Ri Jesús xk'oji' chila' yey cuarenta q'ij y cuarenta aq'ab' k'u ri' na jinta k'o xutijo. K'isb'al re wa' xpe numik che.

Ek'u ri Jesús xub'i'ij chike: —Chixpetoq, chixterej lo chwij, y ri'in kan'an chiwe ix aj molol tikawex, jela' pacha' i'anom lo chike ri kar —xcha chike. Y na jampatana xkiya kan ri ki atarraya y xeterej b'i chirij ri Jesús.

Chwi k'u lo ri' xujeq ri Jesús katzijonik, jewa' kub'i'ij: «Tzelej tzij alaq chwach ri Dios, ma rutaqanik ri Dios petinaq chila' chikaj lik xa naqaj chi k'o wuloq» kacha'.