Versículos bíblicos populares de ዮሃኒሳ 15

Compartir

«ታኒ ዎዪኒያ ቱራው ኣኖ፤ ሂንቴንቱ ሄ ቱራ ማራቱዋ። ታ ጊዶን ዴዒያ ኡራይ፥ ታኒካ ኣ ጊዶን ዴዒያ ኡራይ፥ ዳሮ ኣይፊያ ኣይፋና፤ ኣዪሲ ጎፔ፥ ታኒ ባይናን ሂንቴሬካ ኣይኔ ኦናው ዳንዳዪኪታ።

ታ ጊዶን ዴዒቴ፤ ታኒካ ሂንቴንቱ ጊዶን ዴዓና። ዎዪኒያ ቱራ ማራይ ኣኑዋና ኢቲፔ ዴዔናን ዮፔ፥ ሄ ማራይ ባሬካ ኣይፊያ ኣይፋናው ዳንዳዬናዋዳን፥ ሂንቴንቱካ ታ ጊዶን ዴዔናን ዮፔ፥ ኣይፊያ ኣይፋናው ዳንዳዪኪታ።

ሂንቴንቱ ታ ጊዶን ዴዖፔ፥ ቃሲ ታ ቃላይካ ሂንቴንቱ ጊዶን ዴዖፔ፥ ሂንቴንቱ ኮዬዳዋ ኣያ ጊዲናካ ዎሲቴ፤ ሂንቴንቱ ኣካኒታ።

ታኒ ሂንቴንታ ዶሬዳዋፔ ኣቲን፥ ሂንቴንቱ ታና ዶሪቤይኪታ። ሂንቴንቱ ቢዴ ኣይፊያ ኣይፋና ማላኔ ዴዓና ማላ፥ ታኒ ሂንቴንታ ሱንዲ። ቃሲ ኣዉካ ሂንቴንቱ ታ ሱንን ዎሴዳዋ ኡባ ኢማና።

ባሬ ሼምፑዋ ባሬ ላጌው ኣዴ ኢሚያዋፔ ኣያ ሲቁ ኦሲኔካ ባዋ።

ታ ጊዶን ዴዒያ ኣይፊያ ኣይፌና ቱራ ማራ ኡባ ኢ ካሬ፤ ኣይፊያ ቱራ ማራ ኡባይ ካሴዋፔ ሎይ ኣይፋናዳን፥ ሄ ማራ ፄራ ኢ ጪጊዴ ጌሻና።

ታ ኣዛዙ ሃዋ፤ ታኒ ሂንቴንታ ሲቂያዋዳን፥ ሂንቴንቱካ ኢቱ ኢቱዋና ሲቄቲቴ።

ሂንቴንቱ ዳሮ ኣይፊያ ኣይፎፔኔ ቃሲ ታና ካሊያዋንታ ጊዶፔ፥ ሄዋን ታ ኣቡ ቦንቼታናዋ።

«ታኒ ዎዪኒያ ጌቴቲያ ቱራው ቱሙ ኣኖ፤ ጎሻንቻይ ታ ኣባ።

ታ ጊዶን ዴዔና ኡራይ ቱራ ማራዳን፥ ካሬን ዬጊና ሜሌዳዋ ሺሺዴ ታማን ዎና፥ ኢ ኤፃናዋ።

«ታ ናሼቻይ ሂንቴናና ዴዓና ማላኔ፥ ሂንቴንቱ ናሼቻይ ኩሜን ጊዳና ማላ፥ ታኒ ሃዋ ሂንቴንቱሲ ኦዳዲ።

ታኒ ታ ኣቡ ኣዛዙዋ ናጋዴ ኣ ሲቁዋን ዴዔዳዋዳን፥ ሂንቴንቱካ ታ ኣዛዙዋ ናጎፔ፥ ታ ሲቁዋን ዴዓኒታ።

ታኒ ሂንቴንታ ኣዛዚያዌ ሃዋ፤ ኢቱ ኢቱዋና ሲቄቲቴ።

ሂንቴንቱ ኣላሚያሳ ጊዴዴንቶ፥ ኣላሚ ባሬዋዳን ሂንቴንታ ሲቃና፤ ሺን ታኒ ሂንቴንታ ኣላሚያፔ ዶሬዳዋፔ ኣቲን፥ ሂንቴንቱ ኣላሚያሳ ጊዲኪታ፤ ኣላሚ ሂንቴንታ ኢፂያዌ ሃዋሳ።