Versículos bíblicos populares de Juan 1

Compartir

Wanin man, main a lamang nin nangako' kona. Ket, konran sarba ran nangako' kona, saray mampagmatalek kona, binyan nasaran kanepegan nin mag'in nin a'nak nan Dios.

Sin saytaw sin ba'yo et nin pinarsa a animan, main yayna a si Kabalikasan nan Dios. Kalamo' naya nin Dios, tan si syay Kabalikasan, Dios yaynamaet.

Ket mampalawayan nay dedlem iti konra, bale' kai rayan lamang nin maipurok nin saray iti sa dedlem.

Ket si syay Kabalikasan, nag'in yan tawo tan niikap ya sa busel mi ket naadal mi a kata'gayan na nin maikana' kona nin sya tamo' a kapada na nin Ama, ta kawa'nan nan liso a tutawo tan patutu'wan nan liso a maipa'ka' konan Dios.

Pinarsa nan Dios a sarba nin nipadalan kona, ket kasan animan a pinarsa nin kai nin dinmalan kona. Si syay Kabalikasan, pangibwatan yan byay, ket syay byay a palaway para konran tutawo.

Sin sumunor nin awro, na'kit naya ni Juan si Jesus nin man'umarak kona ket wana, “Sya e a pa'sar karniro nin nibi nan Dios a maida'ton ta pigaw nin maglat a kasalanan ran tutawo!

Ket mataman no rinmate' yaynadti sa mundo tan sya ket pinarsa na a sarban iti sa mundo, kai ra nin inalilbi' nin tutawo a kinasi'no na. Nako ya konran kapada nan Judio sa nasyon nan diri, bale' kai raya nin inako'.

Siti si palaway nin tutuo ket syaytaw si nipadles nin rumate' iti sa luta' nin palawayan nay kaisipan ran sarban tawo.

ta mataman no nibi nan Dios a Gugan-gan na nin nipadalan kona ni Moises, si Jesu-Cristo bale' a nangipadalanan na a maga'muran tamoy pangangawa'nan na tan say katutu'wan maipa'ka' kona.