Versículos bíblicos populares de San Juan 12

Compartir

Ya̧tȩ ttörö ppäda päöttömä, ttöcu cueächäcua'a̧nö̧. Ttö chö̧jo̧mȩ'i̧nä̧, ttörö ppä'ädömä ö̧jä̧cua̧. Ya̧tȩ ttörö ppä'ädörö, Chä'o ja̧u̧ru̧ u̧cuo̧tä̧cua.

Ya̧tȩ a̧'cua̧ru̧hua̧rö̧ repe'ömä, a̧'cua̧ru̧hua̧rö̧ to̧ȩi̧'ä̧cua̧. Ja̧'hua̧nö̧ ja̧'a̧nä̧ ya̧tȩ pi̧jä̧nä̧ a̧'cua̧ru̧hua̧rö̧ repe'ocömä, kä̧cuä̧huä̧ i'co u̧ju̧nä̧rä̧cua̧.

Iso päi'önä pä'ösä ucuturu, ya̧mö̧tȩ rȩjȩ ma̧ä̧cha̧'a̧ hua'ö icu juiyöttömä, jitetetä ja̧'a̧. Ja̧'hua̧nö̧ ja̧'a̧nä̧ ma̧ä̧cha̧'a̧ hua'ö icu bauttumä, rö̧ȩnä̧ öte päi'äcua'a.

Ttötäsä pi̧jä̧ tȩa̧u̧mä̧. Ttö ichinösä ttörö esetätömä yo̧ö̧nä̧ cuettächö juiya pä'ö juhua'a yabo.

Ja̧'hua̧nö̧ ja̧'a̧nä̧ ya̧tȩ chi̧huȩnȩ ä̧ju̧cu̧, pädö ta'anö jȩpo̧cö̧mä̧, ttötä ja̧u̧ru̧: “Suronä jȩpö̧jä̧”, pä'ocösä. Ttö suronä jȩpö̧jä̧ päda pä'ö ichocö pi̧nö̧sä̧ pi̧jä̧ra̧'a̧. Pi̧jä̧ ttö̧ja̧ suronä jȩttö̧ jȩpö̧ chicua pä'ö ichinösä.

Ja̧'hua̧nö̧ ttu̧cuȩ ttucuomenä, María ji̧yu̧tȩ i̧sä̧yu̧, amehuoya nardo pättoya rö̧ȩnä̧ micuähuoya a̧cuä̧yu̧ i'cächö, Jesús ö̧jä̧pö̧nä̧ da'epinäjudo. Da'epäjä'caju kuhuo'chenä 'ca̧'i̧nä̧ju̧do. Juhuode jacuoju o'ca juiyönä ja̧u̧ amehuoyattö amehuina'ado.

Ja̧'hua̧nö̧ ja̧'a̧ ojiyä 'cuittopäji o'ca'a, ötahuiyättö rä'opö, Jesúsru topö 'chi̧nä̧tö̧do. Huopinätodo: —¡Diosrö eseäcuähuätucui! Tu̧ru̧hua̧ i̧mi̧nä̧ ichömä adiunä ö̧jä̧cua̧. Israel ttö̧ja̧ Ttu̧ru̧hua̧ adiu ö̧jä̧cua̧.

Ja̧'hua̧ ja̧'a̧ Jesús jahuätörö pä'inödo: —Ubo I̧tti̧ öadihuä totta pä'ö täcö päi'a'a.