Versículos bíblicos populares de Mateo 24

Compartir

Na ɔnam sɛ amumuyɔ bɛdɔɔso nti, bebree dɔ ano bɛdwo. Na nipa a obegyina akosi awieeɛ he deɛ, bɛbɛgye no nkwa.

Na bɛbɛka ahennie yi ho asɛmpa ya amane nyinaa mu, de adi adanseɛ ama amanamane nyinaa; yei akyi ansa na awieeɛ he aba.

Na hobɛte ko ne akosɛm; honhwɛ yie na ho akoma antu; efiri sɛ otwa sɛ yeinom nyinaa ba, nso na awieeɛ he nya mmaeɛ.

Na amane bɛsɔre atia amane, na ahennie bɛsɔre atia ahennie, kɔm bɛba na asaase wosoɔ nso bɛba baabi bebree. Na yeinom nyinaa te sɛ awoko yea mfitiaseɛ.

Soro ne asaase betwam, nso me nsɛm deɛ, ontwam da.

Efiri sɛ bebree bɛba me dini mu, abɛka sɛ, ‘Me ne Kristo he,’ na bɛbɛdaadaa nnipa bebree.

“Saa mmerɛ he bebeyi ho ama sɛ bɛmfa homfa ahohiahia mu, na bɛaku ho, na me dini nti amane nyinaa bɛtane ho. Na bebree bɛpa bɛ gyidie, na bebeyiyi bɛ ho bɛ ho ama na bɛatentane bɛ ho bɛ ho. Na atorɔ adiyifoɔ bebree bɛsɔre abɛdaadaa nnipa bebree.

Yesu buaa bɛ sɛ, “Honhwɛ yie na bi annaadaa ho.

Nti ho nso honna ho ho so, efiri sɛ dɔnhwere a ho ani nna so mu na Nipa Ba he bɛba.

Saa nti ho nkɔ so nwɛne, efiri sɛ honnim da korɔ a ho Wura bɛba.

“Nso saa da ne dɔnhwere he deɛ biaa nnim, soro abɔfoɔ, anaa Ɔba he mpo nnim, gye sɛ Agya he nkoaa.

Na kristo-atorɔfoɔ ne atorɔ adiyifoɔ bebree bɛba abɛyɔ nsɛnkyerɛnne ne anwanwadeɛ akɛseɛ, de adaadaa binom, sɛ ɔbɛyɛ yie a bɛ a bɛayi bɛ he mpo nka bɛbɛdadaa bɛ.

Na sɛdeɛ Noa nna he yɛeɛ he, saa ne Nipa Ba he so maeɛ bɛ yɛ. Saa mmerɛ he, ansa na nsuhyiri he ɔɔba he, nnipa didiiɛ, na bɛnomeeɛ, mmeema wareeɛ na bɛde maa maa awareɛ, kosii sɛ Noa wuraa adaka he mu. Na bɛanhu hwee kosi sɛ nsuhyiri he baeɛ bɛfaa bɛ nyinaa kɔeɛ. Na sɛdeɛ ɔyɛeɛ he, saa ne ɔbɛyɛ Nipa Ba he mmaeɛ mu.