Versículos bíblicos populares de Mateo 18

Compartir

Baabi a nnipa mmienu anaa mmeɛnsa ahyia me dini mu he, na meka bɛ ho.”

Bio, nɔkorɛ meeka akyerɛ ho sɛ, ho mu mmienu yɛ anokorɔ adeɛ biaa a hobebisa no asaase yi so a, m’Agya a ɔya soro he bɛyɔ ama ho.

Na ɔfrɛɛ abɔfra bi, na ɔde no gyinaa bɛ ntam, na ɔkaa sɛ “Nɔkorɛ meeka akyerɛ ho, sɛ hoanyɔ ho ho sɛ mmɔfra a, hontumi nhyɛne soro ahennie mu.

Nipa biaa a ɔbrɛ ne ho ase sɛ abɔfra he, ɔno ne deɛ ɔyɛ kɛseɛ paa soro ahennie mu.

“Deɛ ɔgye abɔfra a ɔte sei baako me dini mu he, ɔgye me.

Nɔkorɛ meeka akyerɛ ho, deɛ hobɛkyekyere no asaase so he yɛ deɛ bɛakyekyere no soro, na deɛ hobɛsane no asaase so he yɛ deɛ bɛasane no soro.

Saa ne m’Agya a ɔya soro he so bɛyɔ ho mu bi a wamfiri n’akoma mu amfa ankyɛ ne nua.”

Sɛ ho mu bi to mmɔfra nketewa a bɛgye me di yi mu baako sintidua a, nsunsuansoɔ a ɔbɛba ne so he so kyɛne sɛ bɛde ayuyammoɔ bɛsɛne ne kɔno mu de no akɔto po bunu mu.

Hosusu yei ho sɛ? Sɛ dwanhwɛfoɔ bi wɔ nnwane ha, na sɛ baako yera a, onnyae aduokro-nkron he mmepɔ he so nkɔnhwehwɛ baako a wayera he anaa?