Versículos bíblicos populares de Popodalaina 6

Compartir

Ko sa roqu takulangania i Iahova sa vei isa sa roitinia sa na tinoni pa peso ko sa vitigia tu na bulona.

Ego sa doria i Iahova sa lavata sa na toa lululasana tana tinoni pa peso beto ko doru kobu rorove pa bulona sa na gagale ikerena gu doruna rane.

Ba i Noa sa sa doro tavaraguania i Iahova.

Alepi sa na vavakatona i Noa. I Noa sa kai tinoni tuvisina, kepore sa kai opopu bi tajutunia tadira na sasae tinoni sa suvere tavitiria, beto ko i Noa sa sa rerege tavitia na Tamasa.

Ko pira sau si Iahova, <<Mana tavusu palenia ara pa narena na peso sa na tinoni isa qa vapodakia, podalai tugu tana tinoni ko kamua tadira na mamanugu mamade nenedi beto ira na mamanugu qai gavere pa peso beto ira na mamanugu tatava pa vavagalo eqa, ura qa roqu takulangania ara sa vei qa roitiniria ara sira,>> sau

Ego totonai qai popodalai soku tu lalaodia pa peso sira na tinoni ko qai vaporeria na tudia rereko, sa ira na marene tuni Tamasa sa qai batiria qai babata jonga sira na tudia rereko na tinoni, ko qai viledia ko qai tekuni maqotadi sa na tudia rereko na tinoni. Poni pira sau si Iahova, <<Na Gagalaqu ara sa minake togasa jola tana tinoni ura na masa gu sisa. Ko na ona rane susuvere sa mina kamua kai gogoto rabeteputa aoro gu,>> sau. Ego ira na bubutu tinoni Nepilimi sa qai korapa suvere pa peso pa totoso ira beto vei tugu pa liguna lame totonai ira na marene tuni Tamasa qai tomeria sa na tudia rereko na tinoni beto ko qai vaporeniria na koburu. Ira sira na varene pa moa, na tinoni pore isongodi.

Ko i Noa sa roitiniria tugu sa doruna vei puputa sa garununia na Tamasa.

Ko pira saunia Tamasa si Noa, Mana vamanyao beto paleniria ara sa doru masa toadi, ura sa pugele taria na peso sa na dia toa vavaikana ira ko kopira mana piara pale ara sa na peso, sau.

Ko mu roitinia kai aka pa gou tiki, mu vakoleniria na lose pa leona beto mu pokonia na tita pa leona beto peguruna.

Na Tamasa sa doria na peso sa lulasa betona tu, ura doru masa toadi sa lulasa betona sa na dia uana pa peso.

Beto muna toni tomeniria pa leo aka sa okokoto karu pa doru minete mamanugu toadi, na marene na rereko, ko muna vatoa vasareria.