Versículos bíblicos populares de Popodalaina 3

Compartir

Totonai sa doria na maqota sa mina gagani jonga sa na vuana na gou beto sa babata jonga na dorona beto sa vaivanyorogua sa na gou ura sa boka vaivagigalai, poni sa sa tekuria kaki vuana ko sa gania beto sa vania tugu vei na marenena sa korapa suvere tavitia ko sa gania.

Ego na dole sa sa babalau vaivagona jolaniria ira doru mamanugu mumuqu sa roitiniria i Iahova Tamasa. Ko pira saunia sa na maqota, <<Ai vei? Sa sosoto tugu sa na Tamasa sa pojai, Munake isongo gania na vuana kai gou pa inuma sau?>> saunia.

Mana vakolea ara sa kai vaikana pa vaikorapaimu ao beto na rereko, Beto pa vaikorapaina na kikomu ao beto na kikona na rereko. Isa mina vapalekai na batumu, Beto ao muna vapalekai na kikijulu nenena,>> saunia.

Goto na rereko sa pira saunia, <<Mana vamotai ara sa na mua vitigi, Ko pa vitigi muna vapodoria ao sa na koburu. Muna nyoroguania ao sa na marenemu, Ba isa mina lalaenigo sao,>> saunia.

Mina ipata na isumatamu beto Muna gania na gamu gagani Tinganai muna mule lao pa peso, Ura ketakoi tugu qu tateku votu sao. Ura na kavuru peso sao Ko pa kavuru peso tugu sa muna mule lao,>> saunia.

Pana tana marene sa pira saunia, Ura qu nongoria ao sa na ovovelena na maqotamu ko qu gania na vuana na gou isa qa suqutunigo ara, ko munake gania qaunigo, ko <<Sa taleve sa na peso pa ginuguamu ao; Muna gosoria na vitigi beto muna gania na gagani Doruna na rane pa mua toa.

Poni pira sau sa i Iahova na Tamasa, <<I sei sa pojanigo sa na gagadomu sao sau? Ai vei qu gania ao sa na vuana na gou qa suqutunigo munake gania qaunigo ara?>> saunia.

Ko sa iju vavotu riua sa na tinoni beto sa vatoqoa pa inuma pa Idini pa kale sagere tapo sa na kerubimi beto kai benisi vuvurungu memea sa kapidolo lao lame ko sa kopunia na soana sa lao pa gou vaivatoana.

Ko na marene sa vakukunia i Ivi sa na maqotana ura isa sa mina tinadi doruna na tinoni toadi.