Versículos bíblicos populares de Luukas 6

Compartir

Uxuwa sinah tamxawok. Meceetih qiyaas, guballe thiicimeh sitta yibbirheh xarhitandah yenqeeseya sin galedde sinah xarhito kinni. Amayim lel atin akah teqheesiiniikah sinah tanqaaso kinamhi sabbatah kinni” akko yerhxe.

Mece xiyawti ishi afcaadohi mece cukraako mecem yayyaace. Umati lel ishi afcaadohi uma cukraako umam yayyaace. Amayim lel mige kin ishi afcaadooko kaa af waanishamhi sabbatah kinni.

Laakin, tenko inkim akko ilaalekkah, sinni nacabtoolit ikxina, mecem akah aba, ten lel iylikkixa. Sarrah sin casbi naba tiya yakko kinni, atin lel Nabamko Naba tiyahi cindham takkoona kitin. Amayim lel usuk cawat maliila kee uma marah mecemhi sabbatah kinni.

Sin Abba naxrurta akah leyaakah, naxrurta-lem tika.’

Mafradina, tamfirridinki. Micadalina, caddalsimtanki. Eseemexa, tamsaamaxoonak.

Laakin ta yi aabbuk yane marak sinak arhxiyuk ane: ‘Sinni nacabtoolit ikxina, sin nicib marah lel mecem akah aba. Sin abaara marah ten eybeereka, sin yaaziye marah dhaaco akah aba.

Kottah aboona akah fadhdhaakah lel, aki xiyawah yakkeedo amaa ginah akah ab.

Dhaban kok safuce tiyah, malammit dhaban akah uxuu, natslala kok beye tiya lel, qamish yakkeedo kaa mikalitin. Kodde esseriminnan tiyah, akah uxuu, akkinnanti kum kok beyemko lel, koh yadabbo kaa messerin.

Mece xarha uma daro bahtaya mitane. Uma xarha mece daro bahtaya lel mitane.

Akkinnan xarha ishi daroh tamidhdhige. Amayim lel keenan-leeko indacaari daro mizaggimta, cinab lel keenan-le xorhko miyakatte.