Versículos bíblicos populares de Luki 23

Compartir

Yesu wuru ǹʼbi-a tu : « Míŋ Tiŋ, á kɔ́ɔ́ bijɛ kiri tu kí tɛ, sabu kí i nwɔ̀ ma-a, kí niŋ tɔ-a kì. » Ntiŋ wɔ juulinŋ kiri lurama ki, kí i ǹʼbaalinŋ bili arìmaŋ tɛ.

Yesu tu ntiŋ tɛ : « Sɛli ki ra, míŋ i ǹʼbi-a miŋ tɛ, ńʼtu miŋ a de míŋ fan alijina ki ru mìŋ jiŋ. »

Niŋ kɔɔtɛ, ntiŋ i ǹʼbi : « Yesu, a ábɛɛ na sɔɔ áwɔ masabi ki sun waarinŋ wɔ̀ ru, á i á ɲakili tu míŋ na. »

Yesu i fali faanna, ntiŋ i ǹʼbi : « Míŋ Tiŋ, míŋ a ɲini ki pwulu ábɛɛ sun! » Ntiŋ niŋ bi-i, ntiŋ i ɲinisan.

Kí i ta so Yesu wu mani nu, nwɔ̀ tɔ i tu Ŋununwɔmaŋ. Kí i Yesu kpinkpi suu sun niŋ mani nu. Kí i bi kulinŋ matɔnŋ fuuli kari kpinkpi suu tɔri ri sun ntiŋ kɛlina sɛbɛ. Tenŋ wuru ntiŋ pantɛ, tenŋ i ji ntiŋ nɔrintɛ.

Sunŋ ki wuru juu ta-a ŋununu kɔ, niŋ waaci ki ru, sunŋ sarinŋ ja kili kì, mancinŋ i bo kɛniŋ ki bataa ru, fɔ ŋì i ta so bilana lɛɛri byantɔnŋ ki sun. Kirinfusinaŋ ki faninmwuŋ juulinŋ ki i gbɛri san amaŋ na ǹʼfaninmwuŋ fuuli.

Surudashi kiri ŋununtiŋ ki niŋ bi kiri bataa ja-i waarinŋ wɔ̀ ru, niŋ i baraka bi Kirinŋ tɛ, niŋ i ǹʼbi tu : « Sɔsɔɔlinŋ ǹʼnu kì, koŋ ka wuru koŋ telimaan a. »