Versículos bíblicos populares de Luki 14

Compartir

« Konwɔtiŋ i ǹʼtɛ a i na míŋ tɛ, nka ntiŋ dumiŋ ǹʼtɛ a i míŋ pari a tiŋ fa a ɲiŋ ki wu kì, a fa míŋ pari awɔ mari fa a daŋ wu kì, a dumiŋ fa míŋ pari a ɲɛnsimari fa ǹʼshuru wu kì, a dumiŋ fa míŋ pari a yɛri ki ɲinita ki wu kì, nintiŋ a so ji-i mɔ́ɔ́n kalindaŋ i kì.

Koŋ finŋ woo finŋ a tu ntiŋ i a yɛri ki kpinkpisuu ki shi kì, nintiŋ a so ji-i mɔ́ɔ́n kalindaŋ i kì.

Sabu koŋ woo koŋ i a yɛri gbɛ-a, Kirinŋ a nintiŋ sunjɛri. Nka koŋ woo koŋ i a yɛri sunjɛri-ra, Kirinŋ a nintiŋ gbɛ. »

Mìŋ ɲaan tenŋ ki tɛ, ábɛɛ ru, koŋ woo koŋ so-a a tɛɛpo san-i a gbɛfɛfinŋ kiri ru kì, ntiŋ a so ji-i mɔ́ɔ́n kalindaŋ i kì. »

Nkɛnŋ ábɛɛ ru, a ntiŋ ji ǹʼtɛ a i sankasoŋ tan, tu ntiŋ sɔɔ-ra sun kì, ntiŋ i a miiri ǹʼkpaa ki sun, nwɔma ntiŋ i ǹʼtɔ afinŋ ji-a so walima a ji-a so kì? A ntiŋ niŋ ma sun kì, a ntiŋ fu ki cɛ bo, a ntiŋ so ǹʼnakɔ-i kì, koŋ bataa ra na niŋ ja, kí i yɛtan-ni ntiŋ sun, kí i ǹʼbi-ri : ‹ Weŋ ka fu tannama tɔnpa-i, wú i na waa ǹʼgbɛ, wú i ǹʼnakɔbali ki tu nmaŋ. › »

Nka a miŋ ja nufinŋ namɔni, gbɛwɔ kiri fa bɔlɔma kiri fa mwurunku kiri niŋ fa ɲaanfwuu kiri dɔri ǹʼwu. A niŋ ma, miŋ a ji koŋ fɛrɛmaan a, sabu nini a so mɔɔn ki tɔ ki kila wɔri-i nʼtɛ kì. Miŋ i ta-a niŋ kila koŋ telimaan kiri ŋmɛni shikaŋ ki ru. »

Yesu tu sɛbɛ : « Wɛɛlufinŋ ki i finŋ shɔɔrinŋ i. Nka a wɛɛlufinŋ ki nɛŋ ki po san ǹʼnu, nfɛnŋ so-a nɛŋ wɔri-i ǹʼtɛ sɛbɛ sa? A niŋ ma, ŋì finŋ tɔri shɔ-a pwɔkulinŋ ki sun kili kì, ǹʼdumiŋ so-a ji-i nɔɔ i kì. Kí i ǹʼkee-ra. Niŋ na, a wulu lama tɔɔn ni ji nwɔ̀tiŋ gbɛ, ntiŋ wulu lama dɛ! »