Versículos bíblicos populares de João 4

Compartir

Tanba Maromak nee, Espiritu. No ema nebee adora Nia tenki adora tuir Nia Espiritu, i tuir buat nebee loos.”

Bainhira nia tempu too, agora too tiha ona, ema nebee adora loloos ba Aman Maromak iha lalehan, sira adora Nia tuir Nia Espiritu, i tuir buat nebee loos. Tanba Aman iha lalehan hakarak ema nebee adora Nia hanesan nee.

Maibee ema nebee hemu bee nebee Hau foo nee, sei la hamrook tan ona. Tanba bee nebee Hau foo nee, hanesan bee matan ida iha nia laran, nebee fakar sai mai. Bee nee, lori moris loloos nebee rohan laek.”

Jesus hatete, “Se mana hatene saida mak Nai Maromak hakarak foo ba ema hotu, no mos hatene see mak Hau nebee husu bee nee, maka mana sei husu fila fali bee mai Hau. Nunee Hau sei foo bee nebee lori moris ba ema.”

Maibee Jesus hatete, “Nai Maromak haruka Hau mai hodi halo tuir Nia hakarak, no halao Nia serbisu too remata. Ida nee mak hanesan hahaan ba Hau.

Feto nee dehan, “Senhor, ita la iha kanaba hodi dada bee. I bee posu nee mos klean. Hosi nebee Senhor hetan bee nebee lori moris nee?

Feto nee dehan tan, “Hau hatene ona Mesias atu mai, nebee ema bolu Nia dehan ‘Kristu’. Nia nee mak Nai Maromak promete ona atu haruka mai. Bainhira Nia mai, Nia sei foo sai buat hotu-hotu ba ita.” Jesus hataan, “Mak Hau duni, ida nebee koalia hela ho o.”

“Mai ita baa haree took Ema ida iha nebaa. Tanba Nia foo sai momoos hau nia hahalok hotu nebee hau halo ona. Keta halo be Ema nee Kristu, nebee Maromak promete ona atu haruka mai.”