Versículos bíblicos populares de लुका 5

Compartir

हुनी खोङ्‌गी शीमोन्‍ल खीत्‍रङ्‌गी न सीन्‍ज्‍येमे जाली दी फच्‍चो़त्‍ल फीन्‍न छ्‌यु तीङ्‌रीङ्‌सल टम्‍न स्‍योक् सीन्‍न ॱङाब बेत्।

ॱनी शीमोन्‍गी लेल्‍ल चयेलम दङ् ङीक्‍की छेङ्‌गङ् टेत् च्‍येत्‍न आक्, ङीत्‍ल न ॱस्‍युली थीप्‍मोङ्। ॱनी हीन्‍न अक्, नीज्‍यरङ्‌गी हुन्‍दुक् ॱसुङ्‌नी, ङ टम्‍न स्‍योक्‍केन् झ्‍यीब बेत्। हुनी हुब फीन्‍न जाली दी टम्‍नी, न छेत्‍मीत् सीम्‍ब बेत्। ॱनी जाली दी म दीरङ् छ्‌येच्‍च्‍येम ॱयेङ बेत्।

ॱनी येशु यरी हुगी मी दीबदङ् भीन मी मीस्‍स पक्‍क झ्‍यङ्‌दङ्‌ल रोरङ् च्‍यीक्‍पु ॱसुव तोप्‍तु डोगो़प्‍प बेत्।

ङ ॱनी छ्‌यो़डीम्‍ल चीगेन् मी ढङ्‌बु घयेत्‍ल मेम्‍ब, दीक्‍च्‍येन् घयेत् ॱसीम् ज्‍युर्न युङ्‌ज्‍ये यो़प्‍पल भो़त्‍तु युङ हीन् सीन्‍न ॱसुङ बेत्।

ॱनी हीगो थोङ्‌नी शीमोन् पत्रुस्‍की छो़ छीग दीदु येशुल छ्‌यक् छेन ङ ॱनी दीक्‍च्‍येन् हीन्। चोव ज्‍यीन्‍दक् नीज्‍यरङ् ङ च्‍यानी भीन ॱयोङ्‌ल झ्‍यो़र्रो झ्‍यी झ्‍यीब बेत्।

ॱनी येशुगी हुबल नेप्‍प घयेत्‍ल मेन्‍द, मी ज्‍याबोक्‍मल ॱमेम्‍बा मीत् गो़गेन् बेत्।

हुनी शीमोन् धङ् रोरङ्‌गी दगु छ्‌यीट्‌टो दीबे रोरङ्‌सो़ ढु दी हुदु छो़ छीगदु ढी़त्‍न कुरीक् स्‍यक्‍नी हुनी रोरङ्‌सो येशुगी ॱलोप्‍टुक्‍ल खोङ्‌दङ् दल टप्‍नर बेत्।

हुनी सार् च्‍यीक्‍न जी लोप् सीन्‍नरे मी च्‍यीक् यो़प्‍प बेत्। ॱनी हुगी जीस्‍सो़ दीगी येशु थोङ्‌नी हुगी खोङ्‌ल छ्‌यक् छेन हीन्‍दुक् झ्‍यीब बेत्। चोव ज्‍यीन्‍दक् नीज्‍यरङ्‌गी थुल यो़त्‍न, ङे नज हीगो ढक्‍न चङ्‌मल सो छुगेन् बेत् सीन्‍न स्‍यी़ब बेत्। हीनी येशुगी खोङ् रोरङ्‌गी लक्‍प दी च्‍यङ्‌न हुगी जीस्‍सो़ दील रेक्‍न रङ् ढक्‍तु ची़च्‍च्‍ये ॱनो़ब यो़त्। रङ् हीगी नज हीनी ढक्‍न चङ्‌मल ज्‍युक्‍च्‍यीत् सीन्‍न ॱसुङ बेत्। हीनी ॱस्‍यर्च्‍यक् हुगी जी नज दी जेङ् ढक्‍नर बेत्।

ॱनी हीन्‍न अक्, येशुगी ढीक्‍की केच्‍च्‍य हरुङ् ज्‍यीक्‍तु धर्नर बेत्। हुनी हुदु खोङ् च्‍याल तम् नेङ्‌गेन् धङ् नज ढक्‍तु ची़त्‍तु मी छेत्‍मीत् जोम्‍न युङ्‌गो़प्‍प बेत्।